Vísna-Mál-Botn

25. júní2017
Freyja enn við Esjustein

Eins og fimust fjallageit
fer um Esjuskriður:
hoppar upp í himnasveit -
hleypur aftur niður.

Maí 2017
Kærar kveðjur

Glaðlífsstundin senn er sigld
- sitja minnin pökkuð -
leiðsögn, vinsemd, fas og fylgd
ferðarvinum þökkuð.

7. maí 2017
Assa Ósk 30

Horfir yfir vík og vog
vinnudaginn langan
okkar kveðja kemur og
kyssir þig á vangann.

Hermann kvaddur
6. mars 2017

Fossárdalur fyllir hug
fylgdum góðra manna
ymur þakkarfuglsins flug
feril samskiptanna.

Þrettándaferð í Þórsmörk
7.-8. jan. 2017

Er í Þórsmörk flokkur fer
það firðum bætir geð
og besti gleðigjafinn er
að geta verið með.

13-ferð í janúar og þá er nóttin svört
í þyngri frð er heimsótt Merkurgoðið -
en nú var veðrið yndisblítt og nóttin stjörnubjört
svo næsta sjaldan er á fínna boðið.

16. des. 2016
Jólakveðjan
Vinatraust og sáttasól
sveipi fólk og grundir
gefi öllum gfujól -
góðar friðarstundir.

8. okt. 2016
Svipur, form og fasa-hlað
flíka líkum gildum -
meir en ljóst er mönnum að
margt er líkt með skyldum.

30. gst 2016
Nú er ágúst orðinn seinn
- enn þó morgunfagur
brosir hlýju ennþá einn
yndisveðradagur.

12. mars 2016
Stefnumörkunin

Innri vitund seiðir sinn
að setja mark vi hyll -
- snemma þokast þumallinn
að v sem verða vill.

22. feb. 2016
Morgungangan

Það er ljúft að labba
og líta allt um kring,
sjálfs við sinni rabba
og semja vísuling.

21. feb. 2016
Áminning

Eigi þýðir hætishót
hikandi að voma -
eins og fyrr er búningsbót
að bregða við - og koma!!

20. jan. 2016
Hverfandin

Kvödd svo mörg úr minnis hlíð
meður raddir slyngar -
hverfur stundin hugarblíð,
heit og tilfinningar.

10. jan. 2016
Vetrarheimsókn glöggt var gerð
- gaddur stóð í björkina -
þessi góða þrettán-ferð
þá - sem æ - í Mörkina.

1. jan. 2016
Farsælt komandi ár!

2016 senn
setur mark haga
- óskum þess að allir menn
eigi góða daga.

18. des. 2015
Jólakveðjan

Stjörnur lýsa, lengst er nótt,
logn um fjöll og hóla,
óskum - meðan allt er hljótt -
öllum góðra jóla.

19. okt. 2015
Suma lifir lífsverkið
líkt og drjúgar spjarir -
- okkar bíður ekkertið
- unum meðan varir.

21. sept 2015
Vigfús Magnússon
3.6.1933-21.9.2015

Flokkinn prýða ferðagen
fer þar margur snjallur
vinagleðin varir - en
Vigfús, hann er allur.

4. sept 2015
Eftirspekt

Margt er okkur skemmtun skeð
- skýringar þó grunnar -
grípum loks: það gerðist með
galdri náttúrunnar.

Undarlegt hve oft er þóst
engu á að byggja
allt þó virðist ofurljóst
- eftir á að hyggja.

4. sept 2015
Heilrisvsa

Munum öll að myndast vel
- meir en best á kosið -
opnar sjónir! ástríkt þel!
og svo gleðibrosið !!

21. gst 2015
Koma dagar - koma ráð
- kraftur vex a stími
markar spor og drýgir dáð.
Dunar stund og tími.

3. gst 2015
Jimmy Carter
um auri USA

Auði látið allt í té
- æ er mútan þerna -
heldur einhver að það sé
öðruvísi hérna ?!!

1. gst 2015
SDG tvfaldai launun sn

Sit að völdum, sjálfsagt að
segja þér að borga,
burt með auðs-skatt - auðvitað.
- Auði ljúft ég torga.

14. jní 2015
Yfir milljn

GÓP-fréttanna grifflinga
glettnir kalla Skriftjón
- nú er fjöldi flettinga
farinn yfir milljón.

20. maí 2015
Vindar bera vorsins klið
vakna Mímis brunnar
- munaður að una við
óðinn tilverunnar.

11. maí 2015
Eitt er gott um allan veg
og sem aldrei bilar:
úthaldsþrjóskan elskuleg
árangrinum skilar.

6. apríl 2015
Mörgum virðist vetur langur
vera fullur umhleypinga
gleyma að Þorragangur
þrífur slóðir Íslendinga.

10. jan. 2015
Þrettándaferð í Þórsmörk

Áttum för með yndisönn
inn um vötnin rennandi
Þórsmörkin með frost og fönn!!
Feykilega spennandi.

15. des. 2014
Jólakveðjan

Fer að höndum hvarfastund
- hættir sól að lækka -
eigum saman yndisfund
uns hún fer að hækka.

28. sept. 2014
Veðurvísa

Okkur er hótað me regni og roki
sem rjúkandi komi með lægð eftir lægð
samt er ó oft eins og dýrðviðrin doki
og dragist á langinn og hverfi me hægð.

28. ágúst 2014
Paul Opdal fallinn frá

Hugur fer um farna slóð
fléttar bros og gleðjur
í sinn mætra minja sjóð,
munans hinstu kveðjur.

Reykjavíkurmaraþon
23. gst 2014
Heitum á
Pétur Sturlu Bjarnason
sem styður Heilaheill.
Hvatning me
heiti:
Gríptu sprettinn, glaður, heill,
gerðu von a efndum
með þér við í Heilaheill
hugarstrauma sendum.

22. ágúst 2014
Eftirmæli

Iðjan lífs var mundangsmerk,
má í stráum fegra,
eftir liggur ekkert verk
öðru merkilegra.

5. ágúst 2014
Mánuður sklans

Yndistíma átti sér
ungur, bráðger drengur -
mætti smækkun og nú er
ekki bráðger lengur.

28. júlí 2014
Veður

Er við göngum Íslands veg
ótal sinnum skeður
að þar bjóðast yndisleg
augnablikaveður.

24. apríl 2014
Fyrsti sumardagur

Kæru vinir vítt um lönd
vakin, sofin, halló! þið!
inn til fjalla - út við strönd
- ykkur glæði sumarið.

20. apríl 2014
Í gestabók Gunnar
Mjög er indæl munabót
meðan svo til hagar
að í hug - sér mæla mót
margir góðir dagar.

16. febrúar 2014
Fer hver oft um yndisdag
inn til fjalla sinna -
er þó stundum annað slag:
ekkert nema vinna.

17. janúar 2014
Þrettándaferð í Þórsmörk
myndir og stutt lsing

Við áttum ljómandi laugardag
laugaði sólin tinda
inneftirferðin var ljúf sem lag
logn varð höllu vinda.

3. jan. 2014
Nýjárskveðjan

Ljósið hækkar, lengir dag,
leikur árið unga!
Nýrra tíma ljóð og lag,
léttir sérhvern þunga.

Heiðarlegum heims í stað
hending rður kasti
fáum leggst að liðið að
lukkan verði fasti.

Lítinn galdur letrum þá:
Lukkan ykkur unni!!
hlýrri kostinn hafi á
happaveitingunni.


Áramót
2014 flaggar! -
framtíð! - hó! og hæ!
2013 þaggar -
þtíð - horfi - bæ.

29. des. 2013
Fregnir allar fljótar berast.
Finnur þú: -
út um heim er ALLT a gerast
- einmitt nú!

Jólin 2013
Bráðum koma blessuð jólin
birtir hug og gleðjast magar -
tindri stjörnur, tungl og sólin,
til þín streymi góðir dagar.

12. des. 2013
Teljast vísar tímans farir:
- tíðahjólin -
komin eru - áðren varir -
aftur jólin.

30. okt. 2013
Eitt er sem ég ekki skil
- eftir daginn vænan:
Hvort var áður orðið til
eggið eða hænan?

10. okt. 2013
Hér er allt í góðu gengi
geislar sólar kyssa fjöll
vísast munum langalengi
lifa syndsamlega öll.

7. okt. 2013
Viðurföng verkefnahlaðans
voru í naustinu -
æsingur atburðahraðans
eflist með haustinu.

22. sept. 2013
Sól hefur sigraða nótt
sefur enn náttúru-masið
allt er svo einmuna hljótt
alkyrrt er döggvota grasið.

5. sept. 2013
Getum flíkað þrautum þrátt
þó er slík vor saga:
höfum líka okkur átt
yndisríka daga.

4. sept. 2013
Árangurinn ekki neinn
- engu bættur hagur -
þó er liðinn ennþá einn
yndislegur dagur.

24. ágúst 2013
GaMar-stefna

Dvínar sumar, dafna ber,
dagur fer að styttast.
Kæru vinir - alltaf er
yndislegt að hittast.

25. maí 2013
Forðum marga furðuströnd
fórum hönd í hönd -
hundrað ár um höf og lönd
halda vinabönd.

12. maí 2013
Morgunn kom mildur austan
- myrkrið með boga laust'ann
sólörva sendi foss -
glettinn með gand sinn traustan
galdrar vorn sefa hraustan
- ævintýr eykur oss.

16. apríl 2013
Sólin yljar - en þig still
áður hefur slkt við borið -
ei er víst - en ef til vill
er það bráðum komið, vorið.

7. mars 2013
Eftir vægra veðra tíð
vindunum óx kraftur
- frosti nú og hvítahríð
hefur slotað aftur

5. jan. 2013
Þrettándaskreppa í Þórsmörk
Erum komin, glöð og góð,
glettur verða taldar:
Krossá sjöfalt sumarflóð,
seytlur þúsundfaldar.

24. des. 2012
Sólaruppris enn að fer
og hver nótt að styttast,
má þó segja: mönnum er
mest um vert að hittast.


Jólin 2012
Senn mun lægsta sólarlog
sveipa fjöll og hóla -
- eigðu gleði, gæfu og
góðar tíðir jóla.

1. des. 2012
Enn er reyndar salt til sjós
og sitja börn í skólum
en hlátrum fjölgar, lifna ljós
og líður tíð að jólum.

30. nóv. 2012
Ótrúlegt er hvað við megnum
og - erum komin í gegnum -
og sjálfin til afreka egnum
- án þess að vera í fregnum.

27. okt. 2012
Víxl á gengur blautt og blítt,
blæs a veðranausti -
líkist - alveg eins og títt:
umhleypingahausti.

19. okt. 2012
Okkur þætti skemmtun skeð
og sköpuð von á traustum fæti
kæmi listi Kragans með
Katrínu í fyrsta sæti.

30. sept. 2012
Hér er komin - sett með sinni,
síðar þarf ei um að skottast,
uppskriftinútför minni
eftir að ég dauður vottast:

17. sept. 2012
Móandi í morgunroða
merkisdags Högna eyju
kemur yfir káta boða
kveðja okkar Rögnu Freyju.

7. sept. 2012
Kveðja

Berumst öll á banans spjót.
Breiðfylkt er með vini -
enda hæfa mannamót
Magnúsi Bjarnfreðssyni.

29. ágúst 2012
Kveðja til Freysa

Þinn hugur, svo frjór,
svo oft farinn á stjá
fram um hvel sem er
veröld öll -
suður Helgrindadal,
yfir Heljargjá,
heim að jökli
við Ljósufjöll.

14. júní 2012
Enn er komið yndiskvöld
- ilmar sumarveður -
sólin ljómar litatjöld,
ljúfur dagur kveður.

6. jn 2012
Sittu ljúft sólarstrandi
- senn mun stundin uppurin -
örstutt oft Ísalandi
eru yndis-sumurin.

1.-2. júní 2012
Þórsmörk og Þakgil
Há var sól með himnalog
- hitinn engu líkur -
frum Þórsmörk og
Þakgil - ofan Víkur.

31. mars 2012
Ferðamyndir
Æ mig heillar hugartog
hópsins sem til fjalla
hefur tryggu trökkin og
trausta vini snjalla.

25. mars 2012
Hugarveröld mylur mann
mótar nauðin gildu
uns ei lengur undan rann
ofurdáðarskyldu.

4. mars 2012
Eyjafjallayndisfer
eigum nna farna
seint kvein - snemma ger:
sjtugs skreppa Bjarna.

22. feb. 2012
Eftir því sem ævin fær
ásýnd langafanna
stika okkur stöðugt nær
stundir forfeðranna.

Jólin 2011
Yfir grund og yfir hríð,
yfir vetur stinnan
ósk þér berst um yndistíð
utan lands og innan.

27. nóv. 2011
Vetrarnóttin hopar hljóð
- hóps er morgunlistin -
var - sem jafnan - jólagóð
Jökulheimavistin.

18. okt. 2011
Jökulheimasvæðið

Upptyppt hraun er ekki greitt,
ímynd kveikir dynks og hvins,
hér má líta eitt og eitt
eldagímald svæðisins.

25. ágúst 2011
Kveikir sólin kvöldið hljótt
kveður litaflosið
snertir okkur snótarrjótt
Snæfellsjökulsbrosið.

7. júlí 2011
Nú er sæta sólskinið
sæludagaflokksins
- sennilegt að sumarið
sé nú komið - loksins.

9. júní 2011
Komna vorið kælir
kuldabylurinn.
vísast senn oss sælir
sumarylurinn.

30. ap. 2011
Stökugerð

Hugur nær í niðurlag
- nokkrar myndir vaka -
svo er málið sveigt í hag:
Svona fæðist staka.

24. mars 2011
Rétt er að að raunirnar
reynast manni tregar
þó að margar þrautirnar
þyki skemmtilegar.

5.-6. mars 2011
Vaðaferð í Mörkina

Fundum bæði straum og streð,
streng og iðusvelgi. -
Voða-heppin vorum með
vaðaferðarhelgi.

10. feb. 2011
Hlaupa vetrarveðrin um,
vindaharpan þýtur,
- lyftir dimmu dögunum
dregill - sem er hvítur.

13. jan. 2011
Sumt gaf verðlaun -
- - sumt gaf tár,
sumt var betur unnið -
2010-ár
telst á enda runnið.

7.-9. jan. 2011
Vetrarferð í Mörkina

Norðan frosthríð Ísland átti
- ógn að lýð og björkinni -
þó var eins og ætla mátti
indælt allt í Mörkinni.

6. jan. 2011
Geisar hríð, - sér vart til vega,
víða frostakrapið -
aftur gengur greinilega
gamla vetrarskapið.

Jólin 2010
Hýrnar yfir högunum,
hug og vina geði -
okkar bestu óskir um
ánægju og gleði.

4. nóv. 2010
Vísa dagsins

Fægir þöll og bjarkir berar
bylurinn -
oss að venju vísiterar
veturinn.

23. okt 2010
Í Hvítárnesi

Alstirnt enn - og allt er hljótt,
er sem heiminn lesi -
undir tungli eftir nótt
inní Hvítárnesi.

2. okt 2010
Ferðafrelsis kveðju kross
Kistualda geymir.
Fylgdum öll og fylktum oss.
För sem enginn gleymir.

23. sept 2010
ADHD
krakkavefurinn

Misjafnlegrar mununar
minnist fjöldi krakka.
Þeir ADHD-heiðrunar
heiðursfólki þakka.

6. ágúst 2010
Finnum yndis fjallakór
- fáum hvíldarnæðið
þegar stikar jörfajór
Jökulheimasvæðið.

27. maí 2010
Rjóð eru himinn og rjómalognsær,
reika um fljóð og gumar,
vindur er þýður og veröldin tær:
víst er nú komið sumar.

6. maí 2010
Glæringar við gríðarmáttsins hvoft,
glampar skjótast mökkinn dökka - ljósa,
öskuskýið er við efstu loft:
Eyjafjallajökull er að gjósa.

30. mars 2010
Gosið á
Fimmvörðuhálsi

Hrundi glóð um hrannabrimin,
hraunaelfur rann -
inn í röðul-rjóðan himin
rauður loginn brann.

25. mars 2010
Irma Geirsson

Nú er Irma fallin frá
fór hún margan dalinn,
átti bæði þraut og þrá
- þar var allur skalinn.

6. mars 2010
Merkurskreppa

Það var að góðum og gömlum sið
að glettnir við kvöddum örkina
- glaðir og reifir runnum við
rigningarferð í Mörkina.

21. feb. 2010
Eyjafjöll og Tindfjöll

Þorradagsins lita leið
liðast grund og hjalla,
ljómar birtan himinheið
handan Tindafjalla.

12. des. 2009
Þrettándaferð
í Þórsmörk

Eigum tímans yndisför
- yljar loginn dýri -
ljómar bráin ljúf og ör:
líf er ævintýri.

6. des. 2009
Jólakveðjan

Stjörnublikið ber á grund,
brosir jólagaman:
væntumþykja, vildarlund,
vinastundir saman.

29. sept. 2009
Tíminn - lífsins ljúfa hnoss,
líðandinnar vegur,
fjörsins gleði eys á oss,
ævintýralegur.

20. sept. 2009
Nautalda

Aftur kemur fararfúsi
flokkurinn í hröðum skrefum:
Bjarnalækjarbotnahúsi
betri húsa einkunn gefum.

28. ágúst 2009
Sunnan jäkla

Hingað kem ég ferðafús
fram um tímaálinn
hér er ljúft og lipurt hús:
Leppistungnaskálinn.

31. júlí 2009
Sumarskreppan 2009

Sólin gyllir sumarjörð
sýslur, þorp og hreppa
- nú skal rennt í Norðurfjörð
- nú er sumarskreppa.

7. maí 2009
Hægar líða himinský
hljóðnar gnýr á vegi
hnígur sólin hafið í
- hallar góðum degi.

26. apríl 2009
Kjörið loksins komst á blað
- koðnar mörgum brosið.
Það er ljóst af þessu hvað
þjóðin hefur kosið.

16. apríl 2009
Veröldin er víð og blá
vafin þekku rími:
lipurt víkur vetri frá
vorsins birtutími.

4. apríl 2009
Þegar ógn að fjöri fer
fimur greinir ráðin.
Vigtar lítt þá lokið er
- líka hetjudáðin.

22. mars 2009
Vaðaferð
Fari áin fram með gný
finndu væða staði
loks með varúð leggðu í
leit að traustu vaði.

5. mars 2009
Vetrarskreppa
Fjöllin teygja tindana
til að litkast betur:
roðum glæsir rindana
rennibjartur vetur.

5. jan. 2009
Þrettándaferð í Þórsmörk
Mörkin veðramildi gaf -
margt var þó af grjótinu
en fyrirstaða engin af
álunum í Fljótinu.

12. des. 2008
Jólakveðjan
Jólin ber í bjarta slóð
blika vonir nýjar:
- Jólaóskir, jólaljóð,
jólakveðjur hlýjar.

28. nóv. 2008
Norðurljósa himnahrím,
heiður stjörnugeimur,
veðrastillu vetrarrím:
Vænn er Íslands heimur.

13. nóv. 2008
6 vikur
Sigið er nú siglutréð
sest er þjóðarskúta
og við segjum: útaf með
óráðsíu-stúta!


12. okt. 2008
Suðurland í austurátt
upp í slyddu strengs-vind
skutumst til að skoða hátt
Skaftárhlaup við Sveinstind.

28. sept. 2008
Ferðadöfin

Haustið með laufið í litum
og landið svo skírt og tært
og angan af eini í vitum
og Ennisfjall silfurhært.

22. maí 2008
Finningu sem örlar á
eins og handan vöku
oft á tíðum eygja má
inn um litla stöku.

8. maí 2008
Litakvöld

Birtan á blikandi kvöldum
ber okkur gleðinnar arð -
sólin hún situr að völdum:
sumar er gengið í garð.

26. apríl 2008
Sigurður Ásgeirsson

Lagði frá sér lífsins bók
- leiðir átti fínar -
þekku brosi þar með tók
þakkarskuldir mínar.

8. mars 2008
Þórsmörk og Tindfjöll

Eins og segul eigum stað
innan vegs og sanda:
Mörkin dregur okkur að
- yndisleg að vanda.

24. feb. 2008
Febrúardagur

Geislunum stafar úr stöðunni neðri
á standfjöllin hvítu og auðu.
Um hábjartan daginn í heiðskíru veðri
er hvítbirta sólar með rauðu.

4.-6. jan. 2008
Þrettándaferð í Þórsmörk
Góður hópur, glettni-lið,
gert var út af örkinni,
glöð í bragði gripum við
góða tíð í Mörkinni.

Jólin 2007
Tvöþúsund og sjö er senn
siglt úr hugans inni
okkur færði æ - og enn
indæl vinaminni.

8. des. 2007
Langjökulskreppa

Lyftir sinni, léttir arm
leið um fjallagoðann
þar sem jökulbjartan barm
ber í aftanroðann.

27. nóv. 2007
Loks má hefja leitarí
- lýkur minnisstriti -
líklega er efnið í
efnisyfirliti.

12. okt. 2007
Hugur sýnir bjartar ber:
brátt mun farið víða.
Handan regns og rosa er
rýnt til betri tíða.

3. ágúst 2007
Lágt á himni líður hlý
ljómun yfir hafi:
Kringdur röðull kveður í
kvöldsins litatrafi.

27. júlí 2007
Sumarferðin

Rennur sól í roðalog
rjóðra skýjabálka
glitar fjöll og vík og vog
Vesturfjarðakjálka.

4. júlí 2007
Þakgil og Grænafjall.
Bílaferðafélagið
fylgir tímans kalli:
þröngan stig við Þakgilið
þræðir efst á fjalli.

21. júní 2007
Glóey roðagyllir heim
glitra sund og vangur
ljómar veröld lófum tveim
lengsti sólargangur

9. júní 2007
Reykjanesferð
Kliðurinn var kríuarg
kysstu gárur dranga
heim er sóttum Heiðnabjarg,
Höfn og Selatanga.

7. júní 2007
Munar í ylinn

Kannski missir kölski ró
klökkva með og volum -
en ég vona að hann þó
eigi nóg af kolum.

31. maí 2007
Vörmum sporum vorið fer
- vaknar margur bríminn,
senn að okkur svifinn er
sumarferðatíminn.

11. maí 2007
Snæfellsnes

Snarast var á Snæfellsnes,
snætt við Djúpalónið,
- sæll er hópur sem að les
sindurbjarta frónið.

23. apríl 2007
Öll er nú fönnin orðin meyr,
ylurinn greikkar sporið,
andar á vanga þýður þeyr:
það er víst komið, vorið.

19. apríl 2007
Við Goðastein

Frystir í læki hrímishrip
hrur á klakagrein.
Farþjónn breytist í galdragrip
gengur á fanna rein.
Jökullinn er með jötunsvip
jafnan við Goðastein.
Þar er sem tefji tímans skip
- tignarleg útsýn ein.

27. mars 2007
Þórsmerkurpáskar
Svífur yfir brún og brá
bjarti geislinn hýri:
pjakkar nú og pæjur fá
páskaævintýri.

13. mars 2007
Hveravellir

Þegar Kári karlinn hlær
kátt úr veðrabrunni
heitir gott ef heiðbjart nær
helgarlendingunni.

7. mars 2007
Farhugann góða glæðum:
- giskum að vetrarkul
frysti á fjallasvæðum
framan við Langjökul.

19. feb. 2007
Langjökull

Búnað og birgðir tókum
blakkir og tóg og spil -
Langjökul austur ókum
ofan í Dauðsmannsgil.

5. feb. 2007
Vísnagaman og vísnamál

Hörður! Þakka þína bók:
þessi ljóð til manna,
hvernig vægi hvert eitt jók
hversdagsatvikanna.

27. jan. 2007
Febrúarferðin

Blásið er til fleiri ferða
fer þá margur glaður -
Landhreppsmanna Laugar verða
ljúfur gististaður.

24. jan. 2007
Umhverfismál

Heimsendina ætíð skalt
uppspinna með bragi
- engin frétt er ef að allt
er í himnalagi.

14. jan. 2007
Keldnasvæði
Minnið geymir myrkurrjóða
morgungeislaþræði.
FÍ-bílar fengu góða
för um Keldnasvæði

7. jan. 2007
FÍ á Þórsmörk
Vart þó fengjum vagl á kinn
var - úr tíðar handraðanum -
vissulega velkominn
veturinn á þrettándanum.

Jólin 2006
Jólin koma - eftirvænting vex.
Vinakveðjur flytur þessi lína:
Jólatónninn 2006
tær og bjartur gleðji þig og þína.

21. okt. 2006
FÍ á Þórsmörk
Jökullónið blikar blátt,
blær er kyrr á fleti,
ísaspegill, undragátt
yfir jökulseti.

1. okt. 2006
Í Jökulheimum
Er að renna upp á loft
árdagsbjarmi fagur
fyrir höndum er - sem oft -
úrvals ferðadagur.

22. sept. 2006
Á Þórsmörk ég vakna
og lít yfir
heiðjöklahring
hrím er á jörðu
og sólin
er afboði nætur
hraðinn er mikill í ánni
- en kyrrð er í kring -
komið að tímanum
til þess að rísa á fætur.

16. sept. 2006
Hofsjökulshringur

Nýidalur! Nú er lag!
Nú er logn á húsum!
Boðar mildan, mætan dag
mönnum fararfúsum.

8. sept. 2006
Brekánið frá Gunni

Rjúki fold við reginstig
og rofni himins brunnar
þá er ljúft að leggj'á sig
leynivopnið Gunnar.

Sprett svo upp á Sprengislóð
sprækur segi yður:
Víst er úti veðurhljóð
en veðrið gengur niður.

9. ágúst 2006
Bláa strauma blikar á
blotar undan höllum
kaldalindir kliða hjá
Keldum, Rangárvöllum.

7. ágúst 2006
Úrvalskosta á ég völ
en ég rölti milliveginn
annars fæ ég óðar kvöl:
allt er betra hinum megin.

2. júlí 2006
Mosabirta

Undrafjall með ísaskart
efsta skýið greiðir
meðan landið mosabjart
mildan faðminn breiðir.

15. maí 2006
Svínaskarð

Hug af dvala vekja varð,
- var þá enginn tregur:
liggur yfir Svínaskarð
skemmtilegur vegur.

23. apríl 2006
Skaftárhlaup

Skaftá kemur kolamor,
kastar iðuföllum,
skilur eftir flaum og for
fyllta jökulsöllum.

8. apríl 2006
Vötn og vöð

Indælir allir kantar
- áttum hér ferðaval -
mínus hve mikið vantar
myndir úr Húsadal.

2. apríl 2006
Eyjafjallajökull

Vötn og himinn voru blá -
veðrið gladdi alla,
14 bílar fóru þá
ferð á jökulskalla.

25. mars 2006
Langjökulshellar

Stálafákur stikar veg,
stíg og jökulskalla,
opnar mönnum ótrúleg
ævintýri fjalla.

4. mars. 2006
Vötn og vöð

Hafaldan hvelfist að landi
hvítsindrar brotsins foss.
Ljósmynd af Landeyjasandi
litlu sunnan við Kross.

23. feb. 2006
Eitthvað er vorið að villast.
Vegirnir slakna og spillast,
leka úr vetursins viðjum.
Vorið er á honum miðjum.

17. feb. 2006
Silfurmorgun sól óspör
seiðir fjallaköllin.
Áttum þessa fínu för
fram í Eyjafjöllin.

7. jan. 2006
Þórsmörk á fjórtándanum
Indæl vetrarveðraröð
var á helgarmótinu
áttum líka ágæt vöð
og á Markarfljótinu.

Áramót
Dagar fyrr um háa heiðið
hægt nú birtan vex:
tilbúið er tímaskeiðið
2006.

Suðurskautslandið
Fjöldinn horfir feginn á
ferðamannastandið
- ekki minnst er sjón að sjá
Suðurheimskautslandið.

Jólakveðjan 2005
Ljómar sunna lengri dag,
litar næturkjóla.
Heill þér gefi góðan hag,
- gleði árs og jóla.

23.10.2005
Vonarskarð - Bárðargata

Sést hér á mynd og mynd á víxl
malarvegurinn harði
liggjandi þar sem Kaldakvísl
kemur úr Vonarskarði

11.9.2005
Suðurjöklahringur

og Rauðibotn
Veðrið er ljúft í logni
og lífið er eins og ég vil
- mín ósk er úr andránni togni!
Það er indælt að vera til!

31.8.2005
Fyrr var áð við Sveina sjö.
Sá er fara kunni
bein um Sprengi bar þá tvö
Beinakerlingunni.

23.-24.8.2005
Kjölur, Merkigil ofl.

Fóru Kjölinn fornpeyjar
fannst og mikils virði
för úr dalnum Flateyjar
fram að Hvalvatnsfirði.

3.8.2005
GGÞ til varnar - og aftur

Halldór styður út í eitt
- ekki veitir af'ðí -
sá má aldrei segja neitt
svo ei finnist að'ðí.

17.8.2005
Veðrið um ófá áratog
aldregi betra yrði:
fundum við straumafallið og
Flatey á Breiðafirði.

15.8.2005
Eðli mannsins er að svara
áskorunum athafnanna:
enginn lætur framhjá fara
fengitíma atburðanna.

26.7.2005
Sumarmorgunsólin flott
sindrar af mér lúrinn,
manni gerir meir en gott
morgungöngutúrinn.

15.-25.7.2005
Fæeyingar á Laugavegi
Alla þreyta ásarnir,
ofan margur feginn,
þegar göngugarparnir
ganga Laugaveginn.

18.-20.7.2005
Stundum bjartan, stundum rakan,
stundum veður dimm:
sumarskrepputöfratakan
2005.

20.6.2005
á Hamaröy

Sé ég að í sálu mér
síast myndi ljós inn
væri ég sem Hamsun hér
í húsinu við ósinn.

16.-26.6.2005
Noregsmyndir

Sumarhlýr og sérlegur,
- sólin spilar rullu -
þegar Norður-Noregur
nýtur sín að fullu.

28.5.2005
Hálendið í bláma býr,
brosa fljóð og gumar,
nú er þýður þerrir hlýr
- það er komið sumar.

14.5.2005
Ofvirkniumræðan

Þjóðin undrast þannig tal,
þá fer allt í hringi
þegar fordóms fávíst hjal
fer úr skáp á þingi.

8.5.2005
Mýrdalsjökull

Undir glansi fannaflár
fundum huldusprungu
ókum næstum niðrí gjár
nærri Goðabungu.

3.5.2005
Esjan er ekki fögur
og Esjan er ekki ljót -
kærfinning mjó og mögur
mótast við hjartarót.

24.4.2005
Himinhringur nú er nýr
neistar morgunn fagur
fyllir heiði fagurhlýr
fjórði sumardagur.

26.3.2005
Merkurdagur

Ókum þokur undir ský
inn í bjarta stiptið,
meira var þó aðeins í
ánum þetta skiptið.

19.3.2005
Eitt er þarfar innantómt
ess með lykkjutaki.

Hulið margt er fremur frómt.
Freisti sá hinn spaki.

12.3.2005
Undir ferðabjartri brá
blika augu vökul -
góða skreppu áttum á
Eyjafjallajökul.

9.3.2005
árris

Bregður nótt við birtuskil
byrjar ómur lagsins
þegar vitund vaknar til
viðfangsefna dagsins.

9.2.2005
Öskudagur

Eftir taka margur má
mættinum sem ræður:
öskudagurinn sér á
átján veðrabræður.

8.1.2005
Fimmtándaferðin

Ósköp gaman þótti þá
þessum hópi sjóla:
fram á Þórsmörk fór hann á
fimmtándanum jóla.

2.1.2005
Ferðakveðja

Áramótaheitin hafa
haldið sig við trimm,
efndaferlið tak án tafa
2005.

25. des. 2004
Jóladagur 2004

Jólaóskavenjan var
vinahjörtum kosin -
kærast þökkum kveðjurnar,
kossana og brosin.

2. des. 2004
Jólakveðjan 2004

Jólasveinajólin blíð
jólaljós og sögur -
eigðu jóla töfratíð
2004.

29. nóv. 2004
St. John's

Okkar valda vesturfar
væng og hreyfla þandi -
áttum stundir ágætar
á Nýfundnalandi.

21. nóv. 2004
Vefa skör um vötn og ál
veturkóngsins fingur
Gladdi okkar munamál
Merkurvatnahringur.

10. nóv. 2004
Margt að verða, margt að ske,
margt þú kannski fyndir
færirðu á FKE
forsíðu og myndir

30. okt. 2004
Vindar blása bjartan seið
brautin víða liggur.
Okkur sýndi langa leið
Langasjávarhryggur.

24. okt. 2004
Sveipti gulli sjó og land
sól á norðurhveli
fórum þá á Fauskasand
framhjá Auraseli.

10. okt. 2004
Bylur á fjöllum

Veðrið blint er firna fól
- feykir vindur hvessinn -
þá er gripið tækni-tól:
treyst á gps-inn.

10. okt. 2004
Leið 16 og Dynkur

Erum komin öll á stjá
og með hlýju vinki
Hrauneyjunum förum frá
fram að gamla Dynki.

7. okt. 2004
Hveravallavarðinn

Höllu Fjalla-Eyvindur
átti bú til fjalla
en þó virðist ótengdur
inn til Hveravalla.

29. ágúst 2004
Síðsumarferð 2004

Heljarskarð í Hjaltadal,
hörslasandinn gríðar,
heiðina í Haukadal,
Hörðudal - og víðar.

26. ágúst 2004
Karl T. Sæm

Sólin, hún situr í hlíðum,
sindrar hin hvíta mjöll,
glaður þú skundar á skíðum
í skála við Tindafjöll.

27. júlí 2004
Orkunám

Undirbúningsiðju er
um það bil að ljúka.
Saman afl og orka fer
inn við Kárahnjúka.

24. júlí 2004
Fáskrúðsfjarðar frændaher
fimum höndum iðjar,
- silfurkveðjur senda hér
Sumarliðaniðjar.

18. júlí 2004
Brenniás

Upp um holt og ofan af
eftir heiðalendum
júlí glæsijörðu gaf
Jakobsafkomendum.

12. júlí 2004
Sumarskreppan 2004

Er ég forðum falinn lá
fyrir vinda máli
fremur góður fannst mér þá
Fremrigiljaskáli.

29. júní 2004
Ísland

Blási vindar votlegir
veðrið sólin lagar
þegar koma þjóðlegir
þúsund veðra dagar.

26. júní 2004
Forsetakjör

Ástþór keyrði í sitt fen.
Ýmsir Baldur hylla.
Órg er drottinn dagsins, - en
Davíð, - hann fór illa.

25. maí 2004
Lind

æskusindur er um hind,
ýfir vindur lokka,
hér er Lind við lífsins tind,
ljúf með yndisþokka.

23.april 2004
Dátt er að nema dyninn
í daganna böggli:
Framtíðin flytur inn
þótt fortíðin ströggli.

9.april 2004
Eyjafjallajökull
Hef ég hugann káta
hérna undir björkinni.
það er ljúft að láta
líð'úr sér á Mörkinni.

21.mars 2004
Langjökull
Yfir jökulbungu breiðir
bylurinn sitt hvíta sjal,
hríðarflókann langar leiðir
leggur fram á Kaldadal

9.mars 2004
Gullfoss
Gullfoss brimar boðaföll
bólgnar kvikan gljúpa
æðir flóð með ærslasköll
oní gjána djúpa.

26.feb. 2004
Nýtt sjónarhorn
Nýju hjónin nefna senn
nýja ungalinga,
nýrra tíma nýja menn
nýrra upplýsinga.

8.feb. 2004
Þegar loksins galar GÓP
grípast spjör og leppur.
Gleður okkar hressa hóp
Hveravallaskreppur.

25.jan. 2004
Ók í færi, frosti hertu,
fargreiður.
Skemmtilegur skjöldur ertu,
Skjaldbreiður.

11.jan. 2004
Vetrarferðin í þórsmörk

Vötn og fljót um fjalla sal
flétta streng og ála
þegar lið úr Langadal
lokar Skagfjörðsskála.

4.jan. 2004
Er sem nemi kynja-kall,
klettamyndir lesi,
meðan sit eitt sjávarfall
sæll í Fiskinesi.

26.des. 2003
Fjöllin dregur rjóð í röð
röðulsgeislinn hagur.
Kvöldið sest á tindatröð.
Takk! þú fagri dagur.

14.des. 2003
Vatnahringur

Það, að geta vaknað við
víða, bláa heiðið,
táknar bara, býst ég við,
besta æviskeiðið.

5.des. 2003
Jólakveðjan 2003

Hugarsending, heið og blíð,
hefur jólasögur,
þökk og ósk um töfratíð
2004.

1.des. 2003
Togar mann og tefur
truflar hugann ört
hvað sem maður hefur
heimskulega gjört.

20.nóv. 2003
Langadals-skreppa

Þegar á ég, vinaval,
von á ykkar fundum
langar mig í Langadal
löngum, góðum stundum.

20.nóv. 2003
Spurningalistinn

Sá sem mann úr spjörum spyr
sparar hikið stysta
ef hann hefur fengið fyr
fullan spurnalista.

6.nóv. 2003
Kærleiksspilið

Veist að þú átt þessa hlíf
- það á næsti skilið
að þú hlýju ljómir líf:
leikir Kærleiksspilið.

25.sept. 2003
Úlfatíminn

Örugglega eigum sum
erfiðleika skilið
sem að vitum ekki um
úlfatímabilið.

13.sept. 2003
13. sept.-ferð JÖRFÍ í Jökulheima

Mætti hópsins morgunbrá
morgunsól í flosi
urðu karl og kona þá
kát með fjallabrosi.

16. ágúst 2003
Davíð og Gunnur

Ykkur gangi heil til hags
hending náttúrunnar:
sá sem grípur gleðir dags
gætir hamingjunnar.

28. júlí 2003
Sumarhringur 2003

Ókum fjöll og undir ský
- yfir steina hála -
Dyngjufjalladal og í
Dyngjufjallaskála.

Fjölskyldan Sig
Spjara Sig og Spóka Sig
Sperra Sig og Rífa,
Hækka Sig og Herða Sig
Hypja Sig og Drífa.

21. júní 2003
Sólarstöðustund er nú.
Stillt er önd og vangur
er um landið líður þú:
lengsti sólargangur.

7. júní 2003
Myndrænt!

Hefur verið traust og trú
textaframsetningin.
Myndin breytir! Næst er nú
nýja uppsetningin!

25. maí 2003
Yndislegir mæta mér
Merkur-endurfundir.
Ljúfi staður, þakka þér
þínar góðu stundir.

24. maí 2003
Seinna lítum aftur á
ævi vorrar haga -
minningin mun þekkja þá
þessa góðu daga.

15. maí 2003
Apotekið

Oft fær ráðið reynslu bylt,
raðgert verkaklifin,
og hér færðu, ef þú vilt,
affelgunar-lyfin.

4. maí 2003
Þjóðarseiðinn þylur oss
þessi hvíti hökull.
Útsýnið er algjört hnoss,
Eyjafjallajökull!

25. apríl 2003
Það er eins og allir sjá
á Fríkirkjuvegi:
peysufötin prýða á
Peysufatadegi.

17.-19. apríl 2003
Páskaskreppumyndir

Oftast ekki mikið mas
meira ef affelgast, þá
verður sosum soldið bras
að setja dekkið aftur á.

11.-13. apríl 2003
myndir - ferlar

Þegar heppnir þeysa hæst
- þar á ofan hreppa
veðurblíðu - verður glæst
Vatnajökulskreppa.

29. mars 2003
Kveðja
Ilmar sýn um innstu hlið
er - í hlýju skini -
gengnir áar gleðjast við
Gísla Jakobssyni.

28. mars 2003
Umbunargaldurinn
Ekki seinkað, ekki flýtt,
allt á réttum grunni:
umbun komi ótt og títt
- eftir framvindunni

23. mars 2003
Karl T. Sæm er kominn á
kæran stað að spjalla
ljómar glettni, létt er brá,
ljúft er inn til fjalla.

11.3.2003
Byrja, skapa, búa til,
bæta, laga, græja,
hjálpa, veita vina-yl,
vera, brosa, hlæja.

26.2.2003
Markarfljótið
Oft ég þakka Inga staf
er ég kenni grjótsins
- sérlega í ýmsum af
álum Markarfljótsins.

25.2.2003
Fá í störfum strengirnir
stilling náttúrunnar
vel þeir dafna, drengirnir
Davíðs Karls og Gunnar.

20.2.2003
Ganga úr sér gúmmískór
grýtt er hraunafetið:
riðar stinnur jörfajór
Jökulheimanetið.

15.2.2003
Andartaksins fer í frí
finnst, er mikið stressar,
hvíla geð að grípa í
gamansögur þessar.

2.1.2003
Ferðakveðja
Hljóma glettnu hlýju stefin
- hlökkum ég og þú!
treystum böndin, tökum skrefin
2003.

11.12.2002
Jólakveðja
Koma jólin - hæ og hó -
hefjast jóla-párin:
Fáir gleði, frið og ró!
Farsæl komi árin.

26.11.2002
Við Tungnaá
Við Hófsvað í hlýju og regni
er horft yfir ólgandi straum
og óttast að vart mönnum vegni
að vaða og aka þann flaum.

16.11.2002
Kveðja
Víst var ei allt sem í óði
ævinnar þrönga stig
en núna var gullvagninn góði
gerður að sækja þig.

27.10.2002
Haustferðir 2002
Nú er kvaddur kokkurinn,
kær þökk húsfreyjunum
þegar ferðaflokkurinn
fer úr Hrauneyjunum.

27.09.2002
Haustferðin 2002
Jökulheimahúsakynni:
- hópur vaknar klukkan 7.
Hlýtt og bjart í haustferðinni
haustið 2002.

13.09.2002
13.sept.-ferð JÖRFÍ
JÖRFÍ er í Jökulheimum
jafnan 13-september
hækkar þá á gömlum geymum
gleðin - eins og vera ber.

12.08.2002
Héldum áður hópinn oft
hurfumst innan tíðar
hittumst svo á hótel Loft
hálfri öldu síðar.

5.08.2002
Hátíð víða fór á flot,
fólkið veður elgi,
meir en áður varð nú vot
veislumannahelgi.

21.07.2002
Ekkert nema auðnin grá
allt frá Tungná upp til fanna,
og svo við, sem vorum á
veisluborði öræfanna.

24.06.2002
Hverfur ekki sól í sjá
- sést í djúpum brunni,
bláir himnar brosa á
bjartri Jónsmessunni.

13.05.2002
Rómur fer um borg og bý
býður nemandanum
trausta mennt að taka í
Tækniháskólanum.

16.04.2002
Fa á Bjarni Bjarnason
búlu margra heima,
á ég þar á öllu von
- er að vökudreyma.

06.04.2002
Undraljóðið í þér býr,
eygir hróður víða:
lífsins óð og ævintýr
inní glóðum tíða.

03.03.2002
Bjarni 60

Sindrar nú þín sextugs-skál,
sólin hyllir drenginn,
höndin traust og hugdjörf sál
hefja gleðistrenginn!

12.02.2002
Leggur aldrei ár í bát,
opin vina gættin.
Hún er bæði kær og kát
Krakavallaættin.

10.01.2002
Sigurjón Pétursson

Þegar siglir Sigurjón
sali himinvinda
vinahugur fer um Frón
fullur kærra mynda.

02.01.2002

Hlaupum, klifum, hvergi rifum
heims um undrin sjö,
iðum, tifum, töfrum, lifum
2002

13. des. 2001
GÓP og Ragna gaman skrifa
- góðum hug er veitt:
Jólakveðjur til þín tifa
2001.

8.10.2001
Áttirnar á enda sér,
um er lognið tæra:
eg hef beðið eftir þér,
yndishaustið kæra.

2001
mottó Vefskólans:

Eitt er gott um allan veg
og sem aldrei bilar:
úthaldsþrjóskan elskuleg
árangrinum skilar.

29.07.2001
Morgunn
í Jökulheimum:

Ljóssins þytur nú er nær,
niðar lognsins bragur,
jötunbliki jörðu slær
Jökulheimadagur.

02.07.2001
Ofvirknibókin
Kemur lið við lítinn kút,
lagast brautin flókin:
Loksins komin er hún út
Ofurvirknibókin.

12.06.2001
Ættarmót
Ættarmótið, ættarmótið,
einu sinni enn!
Allir koma saman
afskaplega gaman!
Erum saman, erum saman
einu sinni enn!

11.05.2001
Alexander Bjarmi
og litli bróðir

Trítlar inn og tosar sæng
tindrandi og rjóður
tekur undir verndarvæng
voða lítinn bróður.

Ferðaloginn:
úr Far-Roðanum

:,:Oss framtíðin laðar
um fjall og um vað.
Vér förum á fjarlægan stað!:,:

29.3.2001:
Bjarni og Helga

Ykkur réttum - yfir lönd
yfir bláan sæinn
alúðar og heillahönd:
Til hamingju með daginn!

24.3.2001:
Ferðadöfin
Nú er veröld víð og blá,
vitjar þankinn kæri:
snjór um hlíðar, ísar á,
ævintýrafæri.

7.1.2001:
Þórsmerkurferðin
Nóttin líður - nú er hér
niður ísa-lagsins
og þau bíða eftir mér
ævintýri dagsins.

11.12.2000:
Eigðu happ og heillafund,
heilsubót og glaða lund,
jólahug og jólastund!
Jólakveðjan 2000.

05.12.2000:
Töfrar okkur tíðin mild:
tifar blærinn svalur.
Sólin leikur litasnilld:
ljómar himinsalur.

í heita
pottinum
ág. 2000:

Auðvitað er alltaf kíf
og einhverjir sem deyja
en það er lúxus þetta líf
það verð ég að segja.

Þórsmörk
(Morning has broken ..)
18. júlí 2000:
Þórsmörk er alveg
einmuna staður
ymur þar galdur
árið um kring.
þar kem ég glaður,
þar kem ég dapur
þar kem ég hljóður
- og þar ég syng.

úr
En-lausu 1994:

Nýjar fregnir telja trú
og traust í alla yður:
Gísli Ólafur er nú
aftur kominn niður.


23.4.2000:
Páskaskreppan
við Arnarvatn:

Klukkan sjö og sól er há
sem er þeirrar gerðar
að hún kallar okkur á
og til nýrrar ferðar.

9.4.2000:
Oddur B. Grímsson
50 ára:

Ævintýrin eigir víð
íss á landi kjörnu
gangir alla ævitíð
undir heillastjörnu.

2.4.2000:
Merkurferð 1.-2.4

Vetrarfæri, tóg og tog,
tiplað yfir grjótið -
oft um Krossá ekið og
yfir Markarfljótið.

31.3.2000:
GÓP-60

Finnumst við og fögnum dátt
fátt er meira gaman
en að geta glaðst og átt
gleðistundir saman.

13.03. 2000:
Freyja og þórir

Eruð fyrir ofan skýin
og með blik í augunum
gangið allan ævistíginn
undir heillabaugunum.

Feb. 2000:
Gleðivélin

Óðar kveikir bros á brá
- bræðir skelina,
glampar auga, glóir á
gleðivélina.

26.02.00-18:17
Hekla

Mökkur hátt á himin rís,
hver sér vægðar biður,
upp um herðar Heklu gýs,
hraunið vellur niður.

10. feb. 2000:
23.01.00 57sm

Ertu kominn, unga tröll!
- af þér ljómar sjarmi
og þú gleður okkur öll,
Alexander Bjarmi.

24. jan. 2000:
Myndavefurinn

Ókum austur veðravor
- vildum finna björkina.
Víða lagði vatnaspor
vetrarferð í Mörkina.

9. jan. 2000:
Spinnst úr tímans miklu móðu
mögnuð lífsins stund
- ykkur færi allt í góðu
árið 2000.

23. des. 1999:
Ykkur berast okkur frá
og á hlýjum nótum,
allra bestu óskir á
árþúsundamótum.

3. des. 1999:
Töfrum búni tímans rokkur
teygir hjólin
og úr buska yfir okkur
eru jólin.

27. nóv. 1999:
Í Þórsmörk í fjölbreyttu færi.
Um fjöllin lék árroðinn kæri
og himinninn tæri
sem hló þótt ég færi
upp Hvanná með krapið í læri.

28. okt. 1999:
Eins og hálfgert hitableyti
haustið er -
nú er hér á næsta leiti
nóvember.

15. okt. 1999:
Ók í einu rúsi
yfir harða velli
upp að úrvals húsi
undir Miklafelli.


26. sept. 1999:
Morgunn við Álftavatn
Álftavatn úr niði nætur
nú er slegið töfrablæ.
Þytur dagsins þýðast lætur.
Þorgeir Helgi segir: Hæ!

25. sept. 1999:
Á Þórsmörk
Blíðast er á okkur yrt
allar Merkurstundir:
gróður brosir, kjarr er kyrrt,
Krossá ymur undir.

19. sept. 1999:
Einum galdri eg hef kynnst
uni heilla-sáttur
er mig töfrar yst sem innst
orðsins kyngimáttur.

23.07.99
Drjúpa stóru droparnir
drög og mýrar flota,
síga jarðar soparnir
- senn er allt í blota.

26.06.99
Fróm er þökk og fjarska hlý
frá oss hjónum, brellnum,
fyrir úrvals fæðu í
Fjöruhúsi, Hellnum.

18.06.99
Kveðja

Roðar heiminn rjóða ský
- roðnar það af hlýjunni
er Jakob Hallgríms hljómar í
himnasinfóníunni.

14.05.99
Baðar nú sólin bjartan sjá
bæi og sveitir lands:
þjóðinni færir alúð á
afmæli forsetans.

13.05.99
Vorið nýja nú ég sé:
næturhúmin dvína,
bráðnar þeli, bruma tré.
Bráðum fer að hlýna.

1.05.99
Hvíld frá ysi, hvíld frá bæ,
hvíld frá gný og skralli:
ferð í Þórsmörk fyrsta maí
fóru GÓP og Kalli.

19.04.99
Einhvern veginn held ég helst
heilsufarið batni
ef í læknisfræðum felst
ferð að Hagavatni.

12.03.99
Upp ég rifja enn á ný
ævintýri dagsins
þegar kvöldið kveður í
kvæði sólarlagsins.

07.02.99
Um Þingvöll á þorranum björtum
- það er ein stórkostleg för
sem upplyftir hugum og hjörtum
og heldur brosi á vör.

17.01.99
Í Básum

Mild í logni Mörkin hló
- man ég Básateiti:
mér var borið kakakó
kælt að nokkru leyti.

Gleðilegt ár 1999
Vinda tímans oft er undruð
- enda upp á tíu!
Nú er komið nítján hundruð
níutí' og níu.

Jólakveðjan 1998
Fer um hugi fákur besti
fetar kæra minnishlíð.
Ykkur beri gæfu-gesti.
Gleðilega jólatíð!

Gömul jólavísa:
Ganga jól um garð og hól
- gleðja sjóla skjaldar -
nýjárssól við norðurpól
næturkjóla faldar.

2.des. 1998
Haustsins blíða heldur sér
hlýtt er tíðin spunnin,
nú er síðast nóvember
næsta þýður runninn.

17.okt. 1998
Í Áfangagili

Nú er búið næturhlé
nú er lokið kríu -
enginn trúir að hún sé
orðin fimm að nýju.

Sept. 1998
Andar blærinn undur laust
- yljar náttúrunni.
þetta ljúfa litahaust
líður seint úr minni.

Sept. 1997
Hátt yfir tærum tindum
tifar hún, stjarnan skær.
Ísland í öllum myndum
er mínu hjarta nær.

19. jan. 1997
Vetrarferð í Þórsmörk

Öndin kemst á æðra stig
- yndi býr í sinni -
hamingjurnar heiðra mig
hér á Þórsmörkinni.

Sept. 1996
Kveðja

þegar lít ég þunda jörð
þeysa sé ég Hreiðar
yfir hæstu himinskörð
- hefur tvo til reiðar.

17. júní 1995
Endurbæta alltaf má
Íslendingabraginn
þó að allir þekkist á
þjóðhátíðardaginn.

19. febr. 1995
Framhlaup Tungnaárjökuls

Nú er lag að nýta dag,
nú skal rís'á fætur:
okkur gengur allt í hag
ef að vanda lætur.

24. jl 1976
PS 60

Þótt sé hverfull heimurinn
hver sinn skerf þar hlýtur.
Besti erfiseimurinn
er að hverfa nýtur.

26. júní 1968:
Jöklasystur sá ég fyrst
sólu kysstar rísa
hvassar, byrstar, efst og yst
- ímynd nyrstu dísa.

6. nóv. 1965:
Sprengisandur

Við höfum séð er sunnudagur
settist upp á loftið, fagur,
sólflóð braut á silfurhæðum
sindraði í litaglæðum:
- hvílík ægifegurð fleyg
er fengum við í einum teyg!

10.3.1962:
Jakob Gíslason sextugur

Þó að vísan verði sein
vill mig dísin hvetja, slynga,
svo að rísi rímugrein
um rafurlýsi Íslendinga

Góð upplausn er 800*600
- betri er t.d. 1920*1200
Kveðja!
Gisli ólafur Pétursson
webmaster