GÓP-fréttir Vísur af ýmsum toga ***
(738)

16. des.
2018

Frá ölstofunni Klaustri
Þar héldu nokkrir þingmenn hávær ræðuhöld um öryrkja og fleiri.
Öryrki einn var á næsta borði og tók ræðurnar upp á símann sinn. 
Þingmennirnir ákváðu að hafa verið að ljúga sig upp og kærðu öryrkjann fyrir upptökuna.

Kostur stefnu svo er sá
samt hvort á því klifir:
kjörtöl engin kynna þá -
Klaustur-málið lifir.

(737)

6. des
2018

Þú

Oft er fátt og ekkert sagt
allt þótt látir flott í té -
ótal margt til lista lagt
en lætur eins og ekkert sé.

(736)

30 nóv.
2018

Guðmundur Rúnar í Japan við dýrindis krásir
Á Facebook

Matarlistin ljúfa
leikur margan grátt
- fimir forðast kúfa
- finna nett og smátt.

(735)

25. nóv
2018

Eitt af þessum augnablikum

Úti frostið stendur stillt
stekk á hug til fjalla
andartakið fagurfyllt
faðmar veröld alla.
 

(734)

18. okt.
2018

 

Guðlaugur Jónasson ævintýramaður býst til þjálfunarlotu með nýtt hné
Á Facebook

Varúðar er gott að gæta
gangferð stranga -
afturhröp að betrumbæta
bágt vill ganga.

(733)

12. okt.
2018

Vikar Pétursson 74

Tíminn hvergi tefur neitt
taktinn hraða stikar
- okkur finnst hann ganga greitt -
góðar kveðjur Vikar !!

(732)

2. okt.
2018

 

Til Högna

Takk fyrir pósta og tiltekna þanka
sem tyllast í lykkjur og raðast á hanka
hlaðast og magnast uns byrja að banka
og bera sinn svip út í starfsheilans tanka.

Hér eins og alltaf er ýmsu að gegna
þótt atburðir þyki til lítilla fregna
sumt er í deiglunni, sumt er í þófinu,
sumt bara glatað í atburðakófinu.

Í morgun var Esjan með hlíðarnar hvítar
heima á mælinum 5 gráður nýtar
- sólbaðið er fyrir sérlega hrausta -
- sennilíklega er farið að hausta.

Svo er nú komið að sjá má í vestur
er sólnökkvinn niður í marinn er sestur
nóttin er lengri og meira er myrkur
og magnast að sjálfsögðu andlegur styrkur.

Rétt er sem segir þú: sumarið kemur
og síljúfan ljóshringinn virðir og fremur
fagnandi tökum því - sjáum hvað semur -
seiðandi er hve oss tilveran temur.

(727)

30. sept.
2018

 

Svörtu skrifin eiga að fara í ruslakörfuna !!
Sett við slík skrif á Facebook

Sumt á til að tifa
og taka róna hvurt -
skratti gott að skrifa
ef skrælt er aftur - burt.

(726)

30. sept.
2018

Yndismorgunn

Opnið augun! - sjöfn og sveinn -
sjáið: logns er bragur !
- það er kominn ennþá einn
yndislegur dagur !!

(725)

19. sept.
2018

 

Um hreyfingar í fylgi stjórnmálaflokka

Eitt að kjósa - síðan sjá
svigagöngur flokka -
hallast að því - eftir á
- upp að vilja stokka.

Nálgist kjörið njóta má
nýrra lofa víðast
koma svo og kvitta á:
- kjósa eins og síðast.

(723)

20. sept.
2018

Karlvæna fortíðin
Berserkir þrá #MeTo-fyrndar karlasælur 

Margt er í grasið gengið
- gjördjöfluð hugarloft -
konur á kjaftinn fengið
- kúgaðar aftur, - oft.

(722)

17. sept
2018

1930: Högni Egilsson dr. Philos. - 88
Sent að kvöldi 16. sept:

Blikar sinni - boðin sögð -
- bíð ei sólarlagsins -
verður hérna vafin lögð
vísa morgundagsins:

Dunar foss og Geysir gýs
glæst í hugarskini -
kveður heillir Huldan vís
Högna - Íslandsvini. 

(719
+1=
720)

24. ágúst
2018
1946: Þórir Steingrímsson formaður Heilaheilla,
(
fv. rannsóknarlögreglumaður)

Flottur er og fylginn sér
fer upp margan hamar -
stundum þar og stundum hér
- stendur oftast framar.

(718)

25. ágúst
2018

 

1964: Jóhanna Eydís Vigfúsdóttir

Tímans skarpi skári
skellur hælum nær -
þú ert einu ári
eldri en í gær !!

(717)

21. ágúst
2018

1958: Jóhanna Margrét Steindórsdóttir
- hárgreiðslustofan Primadonna

Morgunrjóðu fjöllin fer
finnur leiðir greiðar
Jóhanna - sem ætíð er
æskumegin heiðar.

(716)

24. júlí
2018

Morgungangan

Þegar stika stigana
stendur í mér þankinn:
streðirðu við strigana
streitist orkubankinn.

(715)

24. júlí
2018

Pétur Sumarliðason 102 ára

Blikar í sinni og bankar á dyr -
Bolungavíkurgára:
PS er - höfði þótt hallaði fyrr -
hundrað og tveggja ára.

(714)

18. júlí
2018

Um grín og háð
Til: Högni Egilsson

Öll við hverfum öðrum frá
- um það mætti tala -
greinast mundu allir á
einhverfingar skala.

Grínin setja mark á mig
- mylja undan fótum -
hæðnin drepur hvert eitt stig
- hug minn slær að rótum.

Einhverft með mig fasið fer
- finn mig oft ókvæða -
vera þar sem annar er
einhvern gríni hæða.

Þegi oft ef þörf finnst á
- þá sem ekk i skildi -
hvað sem segi það er þá
það sem meina vildi.

Þessi vangaveltan ær
veltur á þig meðan
morgunbláa kveðjan kær
kemur til þín héðan
.

(709)

28. júní
2018

sjá (150)

1918: Ragna Freyja Gamalíelsdóttir 100 ára

Ævifleyið áfram ber
eilíf tímans gára:
Ragna Freyja orðin er
alveg hundrað ára.

(707+1=708)

25. júní
2018

Bílakílómeterinn = 200 bílar á æsitíð  

Þegar athugun er gerð
og í bílinn litið
er þar maður einn á ferð
- eins og það sé vitið.

(706)

24. júní
2018

 

Árni Björn Ómarsson (53) fallinn frá   

Gleymdi því að það er til
- þótt sé allt í lagi -  
grátt að eiga úrvals spil
undir hjartaslagi.

(705)

23. júní
2018

 


Sjálfa: Freyja við Miðjarðarhafið

Hafið allt ein geislagljá
- glampinn bráðum sestur -
Ísland undir sól að sjá
soldið norðar vestur.

(704)

20. júní
2018

 

Berta Rögn  

Tíminn líður - leikur sér
langa stund að klára - 
bestu kveðjur berast þér,
Berta, 14 ára.

23. júní - daginn fyrir heimflugið:

Fjórtán árin fínu ber
- fim að gæta lagsins -
vænt - með kveðju - virkar hér
vísa morgundagsins:

Upp í flugvél og af stað
yfir höfin söltu
beint til Íslands - brun í hlað:
Berta Rögn frá Möltu.

(700+1=701)

8. júní
2018

 

RFr 78 

Yndislegt að þú ert þú,
þér til heilla skáli - 
kemur loksins, kæra frú,
koss - í bundnu máli.

(699)

7. júní
2018

 

Rún 56

Heill þér Rún sem ferð um fjöll
fersk með léttu geði
gönguskjót og skíðasnjöll
skenkir öðrum gleði.

(698)

26. maí
2018

Yndisveður á Möltu

Gott að yrkja stöku stöku
stöku sinni -
liggja svo í slakri slöku
slakur inni.

(681-696+1=697)
(HE11-15)

25. maí
2018

Úr Högnapóstum

25. maí 2018 til Högna sem er þegar þjáður af sumarhitum

Sér til bláma - sest er fokið -
sólin yljar grundinni -
silist tíminn - senn er lokið
sumarklukkustundinni.

13. maí 2018 til Högna sem spyr um þjóðleikhússtjórann

Hæ og hó - þaðra með þrúðgum -
þjálfuðum, snjöllum og prúðgum -
vorinu skrýddum og skrúðgum
skrafandi hugmyndaúðgum.

Um Þjóðleikhúss Ara
eg uppfletti bara
já - á því sko - var ekkert vom -
því innum um Ara
var auðvelt að svara
hér sérðu hvað útúr því kom:

Ari Matthíasson
Þjóðleikhússtjóri

* * *
Þar með er dagurinn dottinn í gang
- dunandi sími í vasa
fuglinn sér lyftir um fjall og um drang
- flugurnar komnar í asa.

4. apríl 2018 skrifaði Högni Egilsson 

Gott er frá góðum að frega
gleður mig æfinlega.
Ljúft er um landið að dreyma,
Ljúft er að segja "heima".

Söknuður er mín saga,
seiðurinn alla daga
vina að vitja "heima",
vorkvöld og haustregn dreyma.

10. apríl 2018 skrifaði Gísli Ólafur Pétursson 

Hér - sem fyrr - í fréttum smátt
fyrir utan húsið
heimsins fregnir heiðra fátt 
- hérna inni - knúsið. 
 
Ragna hjarnar - hér er Rún - 
- hefur eina viku - 
veðrin aðeins ygla brún
- óma spár um bliku. 

Páskahretið gerði gott
- gysti Vetur kallinn - 
útsýnið við fengum flott
- frost í Esjustallinn. 

Hér svo eigum sumarmekt
- sjáum fram til vega - 
ykkur dreymi dásamlegt
- drauma yndislega.

26. mars 2018 skrifaði Gísli Ólafur Pétursson 

Kært ég þakka þetta ljóð -
það er mikill heiður
er þú semur svona óð
og sendir til mín greiður. 
 
Set ég það til  línulags
ljóðunum á vefnum 
sér til ótal söngvadags
að söngboðunum gefnum.
 
Hjartans kveðjur héðan frá
- hörfar vetrargríma - 
 eigið gleði ykkur hjá
- yndislega tíma. 

26. mars 2018 skrifaði Høgni Egilsson 
Blessaður vinur i vesturhöfum.
Páskar í húsum og á hauðri.
En veturinn neitar ad kapitulera.
I dag ætla ég að senda þér vísukorn, sem eg orti til konunnar minnar fyrir skömmu. Reyndar fylgdi fallegt lag með, en það er erfiðara að setja á blað.

Vil du le med meg når livets radder synger?
Vil du løfte meg når dagens byrder tynger?
Vil du følge meg på vei, når jeg må fare?
Vil du gi meg styrken din, når jeg må svare?

Vil du fortsatt holde hånd mi når jeg sover?
Vil du holde rundt min kropp nå dag er over?
Vil du våke ved min seng når sorgen kaller,
Vil du sove inntil meg når mørket faller?

Vil du akte meg når jeg er øm og liten?
Vil du elske meg når jeg er bøyd og sliten?
Vil du fortsatt holde hånd mi når jeg sover?
Vil du holde rundt min kropp når dag er over?

2. mars 2018 skrifaði Gísli Ólafur Pétursson
Högni nýkominn heim af spítala

Kært er þér heilsað ný komnum til Píu 
svo kraftmeiri, hressari - alveg í skýjum - 
og huglega förnum á fjallvegum nýjum 
að fara um landið í komandi fríum. 
Hæ! Hó! - heima í hlýju !!

Gamanfullt hefi ég greypt mynd í ramma
sem Gunnýju senda skal eftir stund skamma
og hafandi vafið í harðpappastramma
svo haldist hjá póstum með pakkann að þramma. 
Hæ! Hó! - hugmyndir flamma!

Myndina sjálfa í hérpóstinn hengi 
svo hangi hún þar bæði örstutt - og lengi - 
já - þar má sjá Gunnýju geisla í tengi
við glaðbeitta frændur - tvo brosandi drengi. 
Hæ! Hó! - ættinnar strengi!

Kemur ný streymandi hátt yfir hafið
og hirðir ei um hvort er heiðið né skafið
og enginn fær gómað né gripið í lafið
og gert það að verkum að bréfið sé tafið.  
Hæ! Hó! - ei svíkur rafið!!! 

 (680)

25. apríl
2018

Hugfar 

Gegnum rökkur, ryk og úr
renn með engu stoppi -
öræfanna fjallaflúr
fæ af efsta toppi.

(679)

20. apríl
2018

Forafmælisvísa Liv Randi Opdal og Rune
sem eru að koma sér fyrir á hóteli til njóta afmælisins 25. apríl.
 

Kæru mæðgur - kemur hér
kveðja yfir hafið
yndisósku trúa tér
tónum hugans vafið. 

(678)

20. apríl
2018

Daníel Snær Davíðsson 17 ára

Afmæli á Daníel í dag
drengurinn er orðinn sautján ára 
ævin renni honum vel í hag 
og hafi fjölda verkefna að klára.

(677)

19. apríl
2018

Ekki hægt
annað
en að
lauma
þessari
yndislegu
kveðju
Valgerðar
hér inn
af
Face-
bókinni -

!!

19. apríl 2018 - af Facebook.
Afmæli Valgerðar var tveim dögum áður, 17. apríl.

Gísli Ólafur Pétursson til Valgerðar Snæland Jónsdóttur:

Kærar kveðjur og afmælisóskir !!

Valgerður Snæland Jónsdóttir

Kærar þakkir Gísli Ólafur Pétursson og þakka þér fyrir kveðjurnar  :-)

Ég hef verið að rifja upp fyrstu kynni mín af þeim sem hafa sent mér afmæliskveðjur að þessu sinni hér á þessari síðu  :-) ... Úrvalið er tilviljunarkennt ... Geri þetta eftir hendinni ... vildi gjarnan komast yfir alla ... Er búin með mjög fáa enn sem komið er  :-) ... Það er svo einstakt fólk sem ég hef fengið að kynnast á lífsleiðinni ...

Fyrstu minningar mínar um þig rek ég til þess tíma er ég var þrettán ára nýflutt í Kópavoginn (á Álfhólsveg 95) ... en hingað flutti ég ásamt fjölskyldu minni vorið 1963 frá Ytri-Njarðvík ... og þú varst einn af þeim einstöku kennurum

(Einar Bragi, Sigurjón Hillaríusson, Jón Böðvarsson, Elín Skarphéðinsdóttir, Haraldur Einarsson, sr. Sigurjón Einarsson, Anna Einarsdóttir o.fl.) ...

sem ég var svo heppin að hafa í Gagnfræðaskóla Kópavogs ...strax í fyrsta bekk gagnfræðaskólans ... Það árið kenndir þú mér landafræði á ógleymanlegan hátt ... Ég man mjög vel hvaða kennsluaðferð þú notaðir og ég hef oft á kennsluferlinum hugsað til landafræðitímanna þinni í Gaggó ... og reynt að gera eitthvað svipað  :-) ...Það var landafræði Íslands og hún var "meistruð" í smáatriðum og ég hef notið þessa lærdóms alla tíð síðan  :-) .. Snilldin var m.a. að þú lést okkur krakkana búa til tugi spurninga úr námsefninu ... og síðan unnum við út frá spurningum hvers annars ... Allt á fullu ... Allir virkir allan tímann  :-) ... Engin hegðunarvandamál þar  :-) .. Svo kenndir þú mér aftur í 4. bekk stærðfræði undir gagnfræðapróf ... þú gerðir það líka mjög vel ... það skilaði sér í því að ég komst í Kennó í framhaldinu og mér hefur alltaf fundist gaman í stærðfræði  :-) ... Það var alltaf gaman í tímum hjá þér .... Kennarastarfið er eitt af mikilvægustu störfum hvers samfélags  :-) ... Kærar þakkir fyrir öll góðu áhrifin  :-)

Gísli Ólafur Pétursson:

Aldeilis þú áttir mér
yndislega gleðju -
hjartanlega þakka þér
þína góðu kveðju.

(676)

17. apríl
2018

Takk fyrir komuna - Rún flaug í dag

Þökkum fyrir þessa daga,
þú átt beggja megin skylt -
velkomin í heimahaga
hvorum megin sem þú vilt.

(675)

10. apríl
2018

Mats Wibe Lund á FB sýnir mynd af snöggklæddum manni í heyskap 

Heyskapur í Haukadal - 
hreppi Biskupstungna -
magnar glæst þitt myndaval
myndin sumarþrungna.

(674)

31. mars
2018

109 kveðjur í tilefni dagsins 

Minjamengi fer á flug
- fjöldi góðra kynna -
- kært ég þakka hlýjan hug
heiðursvina minna.

(673)

4. mars
2018

Bjarni Birgir Pétursson 76  

Kæri bróðir - kemur hér
kveðjan frá í gær -
allt í haginn aukist þér
ætíð klár og fær.  

(672)

18. feb.
2018

Pétur Örn Pétursson 69

Íhugandi allt sem er
- aðstoðar með hlýju -
sætar kveðjur sendum þér
69.

(658-671)

11. feb.
2018

Til Bertu með þökk fyrir
Shakespear-sonnettuna hennar

Þökkum fyrir þetta ljóð
- þríein meining hulin -
minnir og á Shakespear´s sjóð:
sögn þar stundum dulin.

Seinna verður spáð í spjall
- sport að hamra stálin -
ljóðum öllum lyft á stall
- ljúft að ræða málin.

Þessi kveðja þýtur nú
þá að hafi söltu -
örugg finnur yndisbú
ykkar suðrá Möltu.

Bestu kveðjur berast með -
brosum ykkar fagna
- vilja ætíð gleðja geð
GÓP og Ragna. 

(657+1
leggst við 696)

8. feb.
2018

Fimmtudags

31. maí 2018:

Segja má að sumri skært
- sér þó hvergi refinn -
samt er orðið fundarfært -
fimmtudagur gefinn.

8. febrúar 2018:

Hnötturinn ei hnikar sinni för
hnútar rakna - bara alla vega -
birtan vex og okkur finnst það fjör
að fimmtudagar koma reglulega.

(656)

7. feb.
2018

Við afboðun vegna veikinda

Hér er kannski óþarft ort
en ég segi allavega:
pestir eru ekkert sport
og skal taka alvarlega!

(655)

29. jan
2018

Við fráfallsfregn

Virtur penni víkur frá
veröld ekki samri -
þankinn er með þökkum hjá
Þorsteini frá Hamri.

(654)

22. jan.
2018

Alþingismönnum nokk sama um þá sem hafa þrengri kjör

Hafa mörg sitt feitt að flá
- forðast hvern sem ekkert á -
hroki auðs og harka valds
hrekur fólk til undanhalds.

(652-653)

3. jan
2018

Spilamennirnir við Perluna undir hnígandi  sól

Myndir gamlar, myndin ný,
myndir fjölmargar:
Spilakarlar spyrtir í
sporlist Þorbjargar.

Ófust hvolfin enn á ný
undrum sólarlagsins:
ljóðræn voru, ljúf og hlý
ljósaskipti dagsins.

(651)

11. nóv
2017

Lind Freyjudóttir 34

Syngjum kveðjur dagsins dátt
duna ár og fossar
til þín svífa heiðið hátt
heillaóskakossar.

(650)

10. nóv
2017

Ragna Freyja Gísladóttir 57

Hoppa yfir höfin söltu
heillaóskirnar -
syngur Grenigrundin Möltu
gleðikveðjurnar.

(642-649)

28. okt
2017

kjördagur

28. okt.: Kosningapóstar um Atlantshaf

Þó að enn sé ótalið
upp úr síðsta kassa
þingliðið er útvalið
og í ýmsum klassa.

Ekki verður undin stjórn
innan fárra nátta
ýmsir verð'að færa fórn
fremur en að þrátta.

Nú er átta hópum hár
hestakraftur tamur
- veldur mestu kapteinn klár
komi lausnasamur.

Forinn ugglaust finnast mun
fyrir pólí-skarfa
setur þá á svig og brun
saman til að starfa.

Hver það verður veit ei neinn
vant er um að spáa - 
líða tímar einn og einn
út á haustið bláa.

2. nóv. miðnæturans:

Fátt er að segja af landinu ljósa
sem líður af sumri um haust inn í vetur
- vika senn liðin - við vorum að kjósa
sem var þó svo fréttnæmt að færist í letur.  

Katrín í vinstrinu veifar nú sprota
að virkja til forystu samherja forna
til þess þarf innbyrðis andúð að slota
- annars mun enginn sjá ríkisstjórn borna. 

Svífur á rafrásum kveðjunnar kallið
sem kliðmjúka tóna í meðfylgið lætur 
og dregur úr hraðanum - fer yfir fjallið 
og fær ykkur, vinunum, svefnríkar nætur.

(641+1
Leggst við
719)

21. okt
2017

20. - 21. okt.: Haustskreppa í Þórsmörk

Innan Krossár - undir björk
yndis haustsins nutum vel -
áttum svefnstað inná Mörk
Alex, GÓP og Daníel.

(641)

12. okt
2017

 Fótboltaundrið: Íslendingar

Lyftir hug og hressir geð
- hyllt með sigurfánum -
fólkið sem að fæðist með
fótboltann á tánum.

(640)

6. okt
2017

Katrín Valgerður Karlsdóttir 56
Svana Björk Karlsdóttir 55
Kristín Björg Karlsdóttir 46
Guðmundur Rúnar Pétursson 39

Frænkunum og frændanum
flyst með þessum bragi
okkar kæra óskin um:
allt í besta lagi.

(635-639)
(HE10)

6. okt
2017

6. okt. - GÓP ans:

Kominn úr blíðum baðvistum
búinn að skreppa göngu
búinn að lesa blaðið um
billjóna afturgöngu. 

Læt mig þá setjast loksins við
lifandi tölvuskjáinn 
- póstur sem engin gefur grið
grípur mig út í bláinn. 

Fljótskroppið var hvert far af stað
forðum á milli hreppa
- hraðað þó enn svo haft er að
hingað má alltaf skreppa. 

Er svo til ber í þanka þér
- þegar þig heillar sólin -
sestuppí vél og sittu hér
setjum á aukajólin. 

Verður nú þetta litla ljóð 
loksins úr huga vafið -
vagga þess til þín rennur rjóð
rétt yfir Atlantshafið. 

6. okt. - Högni:

Í Noregi, norðurvegi,
náttsvalinn heilsar degi ....
Ísland, mitt Ísland vaknar.
Önd min viknar og saknar.

(634)

3. okt
2017

Guðmundur Þorgrímsson breytir til

Hvar sem ferð á víðum vangi
vinum mótar braginn -
elsku bróðir - æ þér gangi
allt sem best í haginn.

(626-633)

29. sept
2017

29. sept. Heilsukveðjur til Högna í Noregi

Kæri vinur - kominn er
kætiríkur, fagur,
sólarlaus en fleygur fer 
- fyllir veröld - dagur. 

Héðan er að frétta flest
fritt á heimateignum 
þó að ytra púist pest
af pólitískum eignum. 

Þó má segja þaðan skell
- þroskamark og stiku - 
þegar stjórn af fótum féll
fyrir einni viku:

Aldrei fyrr á Ísavin 
almennt mat og siður
hefur rotað réttarskyn
ríkra manna niður. 

Ef er stigið aðeins frá
yfirlitið sviðið
óttast maður mest að fá
móraltóma liðið.
... 
Seyðir hugann Súgandinn
sér til Birkihlíðar
- næst er beislum bílgandinn
brunum þar - og víðar.

Okkar allra bestu bón 
berum ykkar sloti
siglir hlýjust himnalón 
hugamyndafloti.

Enn er logn í morgunmál
- merlar sólin tinda -  
kveðjan send um Atlantsál, 
- örskot rafurvinda. 

(618-625)

24. sept
2017

Í gestabók Gamla læknishússins á Eyrarbakka

24. sept 2017 - GÓP og Vikar

Lögðum upp með ljúfast þel
að líta eftir húsinu
sem brosti við og bar sig vel
- beið bar'eftir knúsinu.

22. sept. 2017 - Fundargerð ?

Hugmyndanna fossaflóð
flæddi - nú er dokið.
Fundarsóknin frekar góð.
Fundinum er lokið.

Ágústlok 2017

GÓP og Vikar glugguðust
gekk það nokkra daga
fram og aftur ferðuðust
- firna mögnuð saga.

26. júlí 2017
settum saman vinnuborð

Hárrétt er um hingaðferð
að hafa nokkur orð
en hún var til þess hingað gerð
að hamra saman borð.

Dagsetning rifjast upp síðar

Ólík hlutverk - ólík svið
átti gamall brúsi -
- kærum hugum kveðjum við
kyrrð í gömlu húsi.

2. febrúar 2017
máluðum seinni umferð á búrgólfið

Enn er kvöld sem að oss ber
eftir mál-ferð staka
kveðjustefið komið er
- keyrum nú til baka.

30. janúar 2017

Ber nú að brottfararstundina
bónandi at-vinnu lundina
- brúandi ættliða undina -
endandi Læknishússfundina.

25. janúar 2017

Dvínar okkur dagurinn
dokum ögn í rúsi
rennur niður - ríslar inn
ró í gömlu húsi.

(617)

17. sept
2017

1930: Högni Egilsson

Yfir höf og yfir lönd
okkar huga renndum
vefast Högna vinabönd
- varmar kveðjur sendum.

(616)

24. ágúst
2017

Berta Rögn (13) hefur skólagöngu á Möltu

Sífellt er svo ofursvalt
út um heim að fara -
Berta toppar - til í allt:
Tími! Komdu bara!

(615)

21. ágúst
2017

1958: Jóhanna Margrét Steindórsdóttir
- hárgreiðslustofan Primadonna

Einart fas og orðin skýr
- eins og fylgir kyni -
eigðu lífsins ævintýr,
ást og góða vini.

(614)

5. ágúst
2017

1994: Ágúst Örn Ólafsson

Hann er ekkert hér um bil
- eftir á að hyggja -
og nú er hann - telst mér til -
tuttugu og þriggja.

(611-613)

4. ágúst
2017

Góðrar nætur póstur til Högna:

Þrátt ég hvergi haldinn sé
höfund sólarlagsins -
þar með glottir GÓP
grönnum pistli dagsins.

Freyj'og Berta, báðar tvær,
búa nú á Möltu -
léttar yfir liðu þær
lönd og höfin söltu.

Ykkur gangi allt til hags
- ekkert kíf né róstur -
gleðji þessi gamaldags
góðrar nætur pósur.
 

(610)

4. ágúst
2017

Af vef Alþingis: Birgitta Jónsdóttir alþingismaður
Mynd af vef Alþingis

Birgitta Jónsdóttir pírati mun hætta á þingi
svo sem hún raunar hefur áður planað

Fregnin barst um vík og vog
- var þó meðal plana -
verður sjónarsviptir og
sárt að missa hana.

(609)

1. ágúst
2017


Mynd: Árni Pálsson - Snilldarverk.

Daníel Snær í Esjuhlíðum:

Þótt vart þreytu greini
þarna sá hann klett
og af Esjusteini
eflir nýjan sprett.

(608)

22. júlí
2017

1949: Baldur Benedikt Ermenrekur Kristjánsson

Baldur fær hér afmælds óð
- ósk um bestan haginn -
okkar kærra kveðju flóð
kæti honum daginn.

(607)

í júní
2017

Nanna og Gnýr á tímamótum:

Orkan gneistar úthaldsdug
í ævintýrum löngum
ykkar fyrsta áratug
- ykkar sigurgöngum.

(606)

26. júní
2017

Marta Jónsdóttir lýkur BA í lögum

Margar vörður magnaðar
mótast lífs á dögum -
fléttaðir til fagnaðar
fyrsta skref í lögum.

(605)

25. júní
2017

Ragna Freyja enn við Esjustein

Eins og fimust fjallageit
fer um Esjuskriður:
hoppar upp í himnasveit -
hleypur aftur niður.

(604)

20. júní
2017

Berta Rögn Þórisdóttir Zhu - 13

Frísk þér brosir framtíðin
- freyðir lífsins bára -
ævintýra-yndishlín
orðin þrettán ára.

(603)

17. júní
2017

Þegar lýsispakkinn skilaði sér til Lindar og Péturs

Ætla má - og oft til ber -  
upp að gleðin rísi 
opnist pakki og þar er
íslenskt þorskalýsi.

(602)

8. júní
2017

Ragna Freyja Karlsdóttir 77

Afmælið þitt vekur
ótal minni góð -
þig með kossum þekur
þetta óskaljóð.

(601)

7. júní
2017

- frá
gena-
veitunum

Freyja Rún Gísladóttir 55

Er í Norge elskufljóð
- afmæld snilldarskvísa -
hérna kemur hjartagóð
heillaóskavísa.

(600)

29. maí
2017

1948 Steini Kalla 

Augun eins og glampagos
- geyma dul og hlýju -
situr nú með sælubros
sextíu og níu.

(599)

Í maí
2017

 

Refur féll frá - á hlaði

Hikar manni hugurinn
heima og á fjöllum:
Íslands forni refurinn
- réttdræpur af öllum.

(589-598)

5. júní
2017

Birkir
Friðbertsson

lést
5. júní
2017.

Sjá
hér
hans
mikla
vísna
safn
eftir
útgáfu
bókarinnar

"Ljóð
og
litlar
vísur"

Í gestabók Guðrúnar og Birkis í Birkihlíð í Súgandafirði og af fögrubókinni:

16. maí 2017: Í gestabókina að morgni suðurferðar með Birki til hressingar á súkrahúsi:

Glaðlífsstundin senn er sigld
- sitja minnin pökkuð -
leiðsögn, vinsemd, fas og fylgd
ferðarvinum þökkuð.

19. feb. 2017: FB-kveðja til Birkis í hressingu á súkrahúsi:

Eykur kraftinn seggur sá
sem á mörgu lumar -
hlökkum til að þiggja þá
þegar kemur sumar.

5. ágúst 2016 >> myndir

Yfir fjall og innum vog
ökum náttúruna
hér er kært að koma og
kynda vináttuna.

28. mars 2016: FB-athugasemd til Birkis
sem spaugar um framboð í sæludaga sem forseti á Bessastöðum:

Auðveldara en á síld
eða göngum hröðum
þó er hvorki þægð né hvíld
þar á Bessastöðum.

8. ágúst 2015 >> myndir

Þökkum bros og blíðurnar
Birkihlíðarinnar -
nutum spjalls og nálægðar
niðjasveitarinnar.

15. september 2014 >> myndir

Seiðir okkur Súgandinn
sat hér vinaflokkur
kæra þökk í þetta sinn -
þrátt er von á okkur.

4. ágúst 2013 >>  myndir

Vindsins ljúfa vinarödd
vermir hug - í ómi þýð:
Verið ætíð kærast kvödd,
konungshjón í Birkihlíð.

Kornungur dóttursonur fékk og þessa vísu:

Tek ég ofan háa hattinn
- hér er ævintýris von -
heilsar okkur prúði pattinn
Pétur Ingi Jóhannsson.

11. ágúst 2012 >> myndir

Kviknar margt sem mótar oss
milli svars og spurnar -
- þakka vinsemd, þakka koss,
þakka samræðurnar.

14. ágúst 2010 >> myndir

Fas og viðmót þakka þýð
og þekkri fremstu von
- blessuð! Guðrún, Birkihlíð
og Birkir Friðbertsson.

 
(588)

7. maí
2017

Assa Ósk Ólafsdóttir 30

Horfir yfir vík og vog
vinnudaginn langan
okkar kveðja kemur og
kyssir þig á vangann.

(587)

25. apríl
2017

Liv Randi Opdal 80

Sannlega af mörgum mærð
- það mótar okkar brag -
og ást og óskir fínar færð
þinn fyrsta eighties-dag!

(586)

25. apríl
2017

Soffía Margrét Pétursdóttir 50

Hefur allt við traustan taum
og tugi fimm í haginn -
sendum hlýjan heillastraum:
til hamingju með daginn!

(583-585)

20. apríl
2017

Sumardagurinn fyrsti - fyrir fagurbókina:

Úr sortanum má sumarkomu greina
og sannarlega mun hann létta til
og vorið flæða land og stokk og steina
og streyma fram í dal um hamragil.

Tækifærin hitta hönd og fót,
til framtíðanna liggja margir vegir
og sífellt eru óvænt tímamót
og ævintýrakaflar skemmtilegir.

Og þegar eins og allt kemur til alls
og upp er staðið - hressist tónn og bragur:
hann hefur leikið nokkurn veðravals
en verið góður fyrsti sumardagur.

(573-582)
(HE7-HE9)

18. apríl
(3. í páskum)
2017

28. mars 2017 - Högni Egilsson póstar: "Manstu þessa?"
(Úr Íslandsljóðum Högna)

Þú hvílir ennþá djúpt í draumi mínum
með dal og fjörð og ljósa fjallatinda.
Ég leita þín við litla blómsins rætur.
Ég leita þín í sölum himinvinda.
Ég sakna þín um sumarbjarta óttu,
ég sakna þín um kalda vetrarnóttu.
Og loks, þá ég, og draumur minn er dáinn,
skal draumsins minning verma kaldan náinn.

GÓP póstar: Bakþanki Útför GÓP

Undratöfra tilviljun
tengdi mig við lífið
þakka fyrir þetta brun -
þakka ævintýrið

Mörg var stundin munaklökk
- margur himinn rauður -
góðum vinum þyl ég þökk
þar til ég er dauður.

Þegar burtu andinn er
- ekkert slag i hjarta -
afgangurinn af mér fer
inn í logann bjarta

Högni póstar:

Vel er ort um Íslandsála,
og því skulum báðir skála, 
meðan vorið vekur gleði
vinum tveim og þeirra geði.
Kemur sumar, kemur andi,
kætast menn á Ísalandi.

Nóttin flýr úr Norðurvegi,
nú skal fagnað lífi og degi.

18. apríl 2017
Högni póstar af páskaheima þar sem Rolf er gestur - og saknar glataðs pósts:

Engri speki eftir man
útúr síðsta skrifi
- sumt er of og annað van
allt á meðan lifi.

Rolfi færist kveðja kær 
- kátt var þá á fjöllum
er oss brostu sól og sær
sindurkostum öllum. 

Þar er og um þínar frúr
þær fá kveðjur okkar
minnið geymir margan túr
- margur annar lokkar.

Héðan er að frétta fátt
fer þó allt að vonum
við í búi sitjum sátt
sýslum dagverkonum.

Páskar sigldu bjart um ból 
- brast oss engin kannan - 
heila viku höfðum sól
- hellirok á annan.

Besta kveðja björt frá oss
bláum jöklum kinkar
yfir haf og ár og foss
- ykkur landið vinkar.

Eigið veður yndislegt,
ánægju að fagna,
- eflist gott og gleðilegt!
GÓP og  Ragna.

(571-572)

17. apríl
2017

 

2. páskadagur - kveðja um höf og hauður:

Bestu kveðjur hátt um höf -
hafið góðar stundir -
eftir fjör og veisluvöf -
veljast endurfundir!

Rún er komin heim í Lillehammer úr skreppu til Mið-Ameríku:

Velkomin í heimahús
haf þar ró og frið
ná þér eftir bjór og bús
bras og ferðanið.

(570)

29. mars
2017

 

Vikar spyr: "Hver eru þín plön?"
(= ertu á leiðinni austur í Læknishúsið í dag?)

Innanbæjar eru plön
eins og fyrri daginn
ekkert nema ös og þön
út um allan bæinn.

(569)

28. mars
2017

 

1966: Högni Karsten Hoydal 51

GÓP og Rögnu gleðispil
guma efli haginn -
óskum Högna Hoydal til
hamingju með daginn!

(568)

6. mars
2017

Við
útför.

Hermann Guðmundson (12.09.1932-18.02.2017)

Fossárdalur fyllir hug
fylgdum góðra manna
ymur þakkarfuglsins flug
feril samskiptanna.

(567)

19. feb.
2017

1949: Pétur Örn Pétursson 68

Rennur hugur fold og fjall,
fornar, kærar slóðir -
hópum saman hélstu snjall -
heill þér, Pétur bróðir.

(566)

13. feb.
2017

 

Á Fögrubókinni

Hér er klassinn klári 
kominn - til í allt -
kemur og að ári
efldur þúsundfalt!

(565)

11. feb
2017

1950: Sturla Þengilsson 67

Muninn opnar sjóð og sér
sýn til Strúts og Hengils -
kærar kveðjur hefur hér
Heiðurs-Sturla Þengils.

(564)

3. feb.
2017

 

1989: Arna Björt 28

Arna Björt - með afmælið í gær !!
- alltaf tíminn burt frá manni skokkar -
úrvals bestu óskir stúlkan fær
og innilegar kveðjur allra okkar !!

(563)

23. jan.
2017

 

Alexander Bjarmi

Alexander Bjarmi ber
bros og hlýjan hug -
markar slóð og setur sér
sautján ára dug.

(562)

13. jan
2017

C-listi og A-listi ganga á hönd D-lista og mynda ríkisstjórn á Íslandi
C og A höfðu áður uppi kröfur um bætt Tortólasiðferði leiðtoga D-lista en sú krafa gufaði upp er gengið var í stjórnarbjörgin.

C A greiddu setugrið:
- siðakröfufórnina -
til að geta tjaldað við
Tortólingastjórnina.

(561)

8. jan.
2017

 

Þrettándaferðin í Þórsmörk 2017

13-ferð í janúar og þá er nóttin svört
í þyngri færð er heimsótt Merkurgoðið -
en nú var veðrið yndisblítt og nóttin stjörnubjört
svo næsta sjaldan er á fínna boðið.

(560)

3. jan
2017

1950: Kolbrún Stefánsdóttir

Nýju ári fylgir það að festa ósk á blað
um farsæl ár og allt þér gangí haginn
og af því þú átt afmæli þá fylgir auðvitað
að óska þér til hamingju með daginn!

(559)

25. nóv
2016

 

1937: Jakob Jakobsson 80

Afmælt dokar Jakob Jak
jólastundu hlýja -
gengur - eftir andartak
áfangana nýja.

(558)

12. nóv
2016

Berta Rögn - eftir Eskimo-sjó

Vösk og glöð og velur sér
vals og Óla-skansa,
brosir, hlær og beitir sér:
Berta Rögn að dansa.

(557)

10. nóv
2016

 

1960: Ragna Freyja Gísladóttir

Veröld brosir glaðlega og unga fólkið er
upp á tá að sveifla sér og teygja
og dagurinn er hýrlegur og hlýr - sem vera ber -
til hamingju með afmælið þitt, Freyja!!

(556)

9. nóv
2016

1965: Bjarni Bjarnason

Átt þér gutta einn og þrjá
- elskar Kötu fínu -
eigðu gleði alltaf hjá
yndisfólki þínu.

(555)

12. okt
2016

 

1944: Vikar Pétursson

Vikar - sem í aðgerð er -
afmælir í dag
honum vísan birtu ber
og besta óskalag.

(554)

8. okt
2016

Á
hátíð
Guðmundar:
50+60 árin

1956: Guðmundur Þorgrímsson, sextugur 30. okt.
Sonur Birnu Björnsdóttur og Péturs Sumarliðasonar.


Gísli Ólafur, Vikar, Guðmundur Þorgrímsson og Pétur Örn Péturssynir.
Myndina tók Hólmfríður Þórisdóttir á Fosshótelinu í nýuppgerða
Franska spítalanum á Fáskrúðsfirði - sem sést á myndinni í bakgrunni.

Svipur, form og fasa-hlað
flíka líkum gildum -
meir en ljóst er mönnum að
margt er líkt með skyldum.

(553)

29. sept
2016

 

Boðað til fyrsta FKE-fundar haustsins

Erum komin enn í stand
eftir sumrið glæsta
lyftum okkur létt á Grand
laugardaginn næsta.

(551-552)

17. sept
2016

1930: Högni Egilsson

Ævintýr um ævibrúna 
- ekkert fjandans pex -
yfir lítur og ert núna
áttatíjogsex

Að þér stefnum yndis-skeytum
- öll af hlýrri gerð -
minnumst fjölda margs - og heitum
margri hinstu ferð.

(550)

21. ágúst
2016

1958: Jóhanna Margrét Steindórsdóttir
- hárgreiðslustofan Primadonna

Lipurt fingrar lokkaspil
lífgar gleðibraginn -
hjartans óskir henni til
hamingju með daginn.

(549)

19. júlí
2016

Morgunn í Kerlingarfjöllum - eftir næturregn
Í hitabylgju sumarsins var endalaust ryk þar sem rokið gat og margur þráði duglegt regn - sem skyldi koma um nótt - en áfram yndisveður að morgni. Þannig fór. Þá var Þórarni Þórarinssyni þakkað:

Þórarinn með Þorins mátt
þekkir mögn á óttu -
þú - sem okkar þakkir átt
þegar rignir nóttu.

(548)

5. júlí
2016

1946: Ásmundur Jakobsson 70

Heill þér frændi - heims um veg
hiklaus, snjall og rötugur -
semur öppin æsileg
og ert glaður sjötugur.

(547)

19. júní
2016

 

Heilræðavísa á húsgangi

Ef - þótt þú sért ekki veikur -
eitthvað svefninn heftir
mundu að hinn ljúfi leikur
léttir svefn á eftir.

(546)

11. júní
2016

Vakin er athygli á því hversu auðtrúa fólk er á að það viti betur en vísindin og hve bullyrði um staðreyndir geta hrakið fólk í greipar firranna - svo sem að berjast gegn bólusetningum og fjölmargt fleira.

Vísindunum velt á svig
vitleysurnar glita -
hugarórar halda sig
heldur betur vita.

(545)

8. júní
2016

 

Ragna Freyja karlsdóttir 76

Hæ!! Mín elsku hjartans frú !!
hér til þín ég ljóða
ósk mín er að eigir þú
alla daga góða.

(542-544)

31. maí
2016

 

Fb-
vísur

Forsetakosningar á Íslandi og í Bandarikjunum
Forn-íslenska aðferðin á flutningsmenn beggja megin hafs:

Byrla rætni, belgja sig,
blaðurskjóðum tjalda
sannleikanum slá á slig
- sloraleið til valda.

Mogginn átti einn frambjóðandann og dreifði frí-moggum honum til dýrðar.
Þá kom upp spurningin hvernig sá styrkur reiknaðist þar sem hverjum frambjóðanda er aðeins heimilt að taka við 400 þúsund krónum samtals í styrk frá hverjum einum aðila:

Fjögur-hundruð-þúsund þó
þiggja megi eyra
kjörblað Moggans - ó og ó
óvart soldið meira.

Á svipuðum tíma kom umræðan um einstakling sem fékk fúlgur fjár afskrifaðar í bankakerfinu og nú orðinn eigandi eins elsta dagblaðs þjóðarinnar

Lánið mér aftur - nú ekkert að spara
- afskrifið þá ég er búinn að fáða -
íslenska trikkið er auðvitað bara
að eiga sitt fjárband við þá sem að ráða.

(541)

5. maí
2016

Rétt fyrir miðnætti

6. maí: Steinunn Jakobsdóttir

Mælt er af við morguns dyr
magnast töfraseiðir -
hafðu ætíð óskabyr
ævintýraleiðir.

(540)

2. maí
2016

Þorsteinn Ólafsson með nýja mynd á Facebook

Flinkur - og á flottum stað
fleytir glöðum huga -
býsna fáa ber hér að
betur sem að duga.

(539)

28. apríl
2016

Stungið upp á fimmtudagsfundi

Úti svalt þótt eigi hrími
- augans hringur fagur -
áfram flýgur okkar tími
- enn er fimmtudagur.

(538)

7. apríl
2016

Ans við norskri fyrirspurn um hvort virkilega sé áfram
skattaskjólsfólk í ríkisstjórn Íslands

Ránfuglarnir ríkja hér 
- rétt þú segir, frómi.
Harmur er í hjarta mér.
Horfinn Íslands sómi.

(537)

31. mars
2016

Þakkir á Facebook í tilefni dagsins

Kæru vinir
- innilegar þakkir fyrir hlýjar kveðjur af tilefni lokadags mars sem er annars vegar minn halló-heimur!-dagur og - raunar af útsmoginni hendingaröð atburðanna - einnig okkar bókaði tengidagur.
Heppinn!! - því annars hefði sjálfsagt fatast minnið einu sinni - eða þó trúlega oft - á næstliðnum 57 árum - rétt eins og margir karlar hafa orðið frægir fyrir.
En himnasending á afmælisdegi gleymist aldrei -
hann verður tvöfaldur hátíðisdagur.

Því er ljóst - og segir sig
sjálft - að er í haginn
gumunum að gifta sig
góðafmælisdaginn.

(536)
(HE-6)

29. mars
2016

"Fagursvalt" hóar á skáldfák Högna Egilssonar:

H.E.: Heilsun í húmi kvölds!

"Fagursvalt" er firngott mál
fellur vel að sinni.
Á það vel við auma sál
ofurkært í minni,
flýg ég yfir Íslands ál
að andaljóstrun þinni.

GÓP.: Ans

Að er þrengdi Þorrans tíð
þótti mæðrum, feðrum
fylgja stundum fylling blíð
fagursvölum veðrum.

(535)

21. mars
2016

Sextug 12. febrúar Inga og 21. mars Jón Óttarr

Heiðursmann og heiðursfrú
hér á sælum vetri
hyllum settið saman nú
sextju árum betri.

(534)

14. mars
2016
 

Til Kristjönu Sigrúnar sem ávallt leysir málin

Hljóðna heimsins fuglar frakkir
friðar gæta meðan
mörgum sinnum þúsund þakkir
þú færð sendar héðan.

(528-533)

Með Högna
í mars
2016

12. mars til Högna
sem m.a. hefur sagt af löngu gleymdu frumsömdu söngverki sínu með lögum og ljóðum og er á mörkum furðu og hneykslan á sjálfum sér.

Kært ég þakka þína pósta
þótt mér ansist seint
stend og ei með stun né hósta
- strikið ramba beint.
***

Laumaðist í sálarsinnið
senugjörðin þín -
djúpt í minni er það innið
er til stefnu skín.

Lesinn texti lífgar veröld
lausa öðrum frá
finning upphefst - á sér líföld
- erfiða að tjá - .

Hvað skal segja - hvernig lýsa
hvar má finna orð??
- síðast leggst mér soldil vísa
- sögð á annað borð:
.......

Innri vitund seiðir sinn
að setja mark við hyll -
- snemma þokast þumallinn
að því sem verða vill.

11. mars 2016 15:55 til Högna í blotaspám

Heppnin nú sendir oss hraglandans kveður
að herja um sveitir uns vikan burt dvín
en það eru einmitt hin voslegu veður
sem vekja manns gleði er betra við skín.

(527)

11. mars
2016

2003: Freyja og Þórir - og Þórir 55

Senn er hann kominn - ykkar afmælisdagur
indælar kveðjur og gleðibros lyfta hér sinni
frá okkur RFr er kominn afmælisbragur
með einhuga þökkum fyrir öll okkar kynni.

Vinarhug er vart að tjá
varða eða lýsa
- en hér koma björt og blá
blóm - og heiðursvísa.

(526)

22. feb.
2016

Morgungöngutúrinn

Það er ljúft að labba
og líta allt um kring,
sjálfs við sinni rabba
og semja vísuling.

(525)

21. feb.
2016

Áminning

Eigi þýðir hætishót
hikandi að voma -
eins og fyrr er búningsbót
að bregða við - og koma!!

(524)

18. feb.
2016

Pétur Örn Pétursson 67

Afmæli - og er á leið
út um veröld víða
- ævintýra óskaseið
eigið þú og Fríða.

(523)

14. feb.
2016

 

Jóhanna Kristjónsdóttir 76

Kærar óskir káta frú
keyrist þér í haginn -
heiðurskona hafðu nú
hamingju með daginn. 

(522)

2. feb.
2016

Arna Björt Ólafsdóttir 28

Halló - elsku Arna Björt
- afmæld enn og aftur -
berð á fundi brosin smört
- bilar hvergi kraftur.

(521)

1. feb.
2016

Í gestabók Gamla læknishússins

Komum hingað fyrsta febrúar -
- fagurt kvöld með loftið roðatónað -
áttum fund og höfðum hyggjurnar
- heimferð síðan - þegar allt er bónað.

(520)

29. jan.
2016

Til Steineyjar og Stemmu-liðs

Glöð og ánægð - allar þið -
- út um gluggann bátar -
eigið gleði - undra lið -
ævinlega kátar!

(518-519)

25. jan. 2016

Afmælis-
dagurinn
er
16. janúar

Birgitte Egilson Opdal

Afmæliskveðjan kæra
- kemur hér aðeins sein -
hefur þér fram að færa
fögnuð í merg og bein:

Eigirðu unaðsdaginn
- yndi og glóð á brá -
gangi þér heilt í haginn
hvað sem þú byrjar á.

(509-517)

24. jan.
2016

Til Högna Egilssonar
- sem raunar spyr frétta

Þegar hæst til höggs er reitt
hittist sjaldan markið
og þótt oft sé veitt og veitt
verður aðeins slarkið.

Vísan sem ég sendi þér
seint hún vildi dona
eftir snúning ýmsan hér
endaði hún svona:

20. jan. 2016 * Hverfandin
Kvödd svo mörg úr minnis hlíð
meður raddir slyngar -
hverfur stundin hugarblíð,
heit og tilfinningar.

Sjá þar hvernig "hverfandin"
hverjum manni strýkur
- allt sem vissi, veröldin,
visin burtu rýkur.

Allir við og okkar lið
- eigum glaðar farir -
allra bíður ekkertið
- unum meðan varir.

Lífið er eitt ævintýr
- umgert æ í sinni -
stýri minnishnoðinn hlýr
hverri rifjuninni.

Upp úr stendur allt sem tókst,
- allir gleðidynir -
og - er veröld ólmast skókst -
yndislegir vinir.

* *
Forláts bið í fréttagerð
- fóru kviðir léttir -
en svo bara - eins og sérð -
ekki nokkrar fréttir.

Fáið hér um tímans trekt
texta fárra sagna - .
Ykkur gefist gleðilegt!
GÓP og Ragna. 

(508)

23. jan.
2016

Alexander Bjarmi Davíðsson 16

Tíminn stórum stikum fer
streymir lífsins bára
Bjarminn Alexander er
orðinn 16 ára.

(507)

21. des.
2015

Gömul vísbendingarvísa með jólaböggli

Snertir fólk - og snortin er -
Snælandshringaskorða
- þennan pakka á - sem er
eitthvað gott að b.... .

(506)

16. des.
2015

Kl. 06:50 - ABD á leið í morgunsundið áður en skólinn hefst

Morgunverði meður skeið
mokar styrkum armi -
er á sinni óskaleið
Alexander Bjarmi.

(505)

21. nóv.
2015

Hlédís Guðmundsdóttir 74

Hlédís! ferska frænka mín,
færð hér heilsur kærar -
eigðu gleði - eigðu grín -
eigðu stjörnur skærar.

(504)

14. nóv.
2015

Nanna Þorbjörg Pétursdóttir 45

Sértu ætíð sæl og hraust
- segir þessi ríma -
sem þér óskar endalaust
yndislegra tíma.

(503)

11. nóv.
2015

Lind Freyjudóttir 32

Gamanið er lífsins lind
- ljúfa tóna setur -
heill þér káta, kæra Lind
og kveðja til þín, Pétur.

11. nóv.
2015
Ragna Freyja Gísladóttir 55 - i gær

Eins og aðra - hellist yfir oss
að okkar vísa kemur dögum síðar
en kveðjur til þín fljúga eins og foss
sem fléttar gleði upp um allar hlíðar.

(502)

9. nóv.
2015

Bjarni Bjarnason 50

Fimmtugur Bjarni Bjarnason
- baði hann heillaþróttur -
með drengina þrjá og kærleikskvon
Katrínu Júlíusdóttur.

(501)

7. nóv.
2015

Jón Gnarr, mitt átrúnaðargoð, fékk á sig hraktar fullyrðingar

Kæri Jón Gnarr leggðu lið
lofi mínu á þér,
segðu bara: afsakið -
eg var fljótur á mér.

(500)

1. nóv. 2015

Draumastund - og blessuð blíðan
- blaktir hvergi yndis hár -
glæðibjart um geiminn víðan
- gleður hugann öld og ár -.

(499)

11. okt. 2015

Vikar ´44 og Lilja Hlín ´89

Gangi ykkur allt í hag
- áfram tíminn stikar -
eigið ljúfan lukkudag,
Lilja Hlín og Vikar!

(498)

5. okt. 2015

Sudokan

Biðstólinn ég brá mér á
- brá !! - ég var að gleyma !!
Æ -- ég segi - svei mér þá:
Súdokan er heima!

(498)

21. sept
2015

Vigfús Magnússon f.: 3. júní 1933 - d.: 21. sept. 2015
andast í haustferð við Hágöngur á leið í Nýjadal
og að Beinakerlingu norðan Sprengis á Sprengisandi.

Flokkinn prýða ferðagen
- fer þar margur snjallur -
vinagleðin varir - en
Vigfús, hann er allur.

Sjá einnig hér næst fyrir neðan í póstum til Högna

(476-497)

17. sept
2015

Högni Egilsson 85

Gær-vísunni aftur ​​ota má
- eftir dag er stundin sigld á glæinn -
burtu horfin sjónum - svifin hjá -
sendist þér með hlýjan yl í bæinn:

Strýkur blærinn blómarósirnar
- blæs þó hraðar lífsins gangur ær -
héðan koma heillaóskirnar:
til hamingju með daginn þinn - í gær.

Sunnudagur 20. sept. Ans við "takk"-pósti Högna

Hér kemur póstur með takk fyrir takk
- takkið er menningarlímið -
takk setur hugann á fljúgandi flakk
fléttandi minnin í rímið.

​Sitt og hvað hér tínist til
tapast stund úr hendi
loks við sólarlagabil
línum saman vendi.

Mánudagur mætir senn
mun til fjalla haldið
beggja deilda merkis-menn
munda saman tjaldið.

"Beggja deilda merkis-menn" merkir: "Hér verða á ferð bæði Efrideildarmenn, yfirleitt eldri og því með möguleikum til ferða á virkum dögum og einnig Neðrideildarmenn sem yfirleitt eru bundnir af launavinnu á virkum dögum". Þessi ferð var gangsett að undirlagi Efrideildarmanna en nokkrir neðrideildarmenn slógust í förina.

​Gistum nótt í Nýjadal
nætur-rismál​ síðan >> (Á fætur upp úr kl. 05.)
Beinakerlu bjóða skal
blíðan morgun víðan. >> (Vera hjá henni við sólarupprás.)

Spárnar lofa ljúfri stund
létt á Sprengisandi
blási svo með bleytugrund
bara óstöðvandi.

Æ skal fara eftir þeim
- ekki þýðir dokið -
liðið mun sig hypja heim
- haustferðinni lokið.

​Okkur þykir ferð um fjöll
flétta skarð í vanann
- ​næstu daga erum öll
endurbætt í framan. 

Föstudagur 2. okt. Ans við pósti Högna
sem minnist á skerta einbeitingu sína
og ágæti farplansins hér næst að ofan.

Þakka póst sem þó mér ber
þér sé ögn að förlast
- þótt sé yngri þá mér er
þetta sama gjörlast.

* * *
Gíslavinir gerðu för
- gripu spárnar blíðar -
veröldin úr vænu gjör -
vindlaust allar hlíðar.

Kvölds í stillu klukkan sjö
kallað var í síma
karl við stýri kváðu tvö
kominn á sinn tíma.

Deyi maður dokar við
dynur ferðalagsins -
kalli svarar - kemur lið
kerfis samfélagsins.

Áttum saman stund og stað
straum af minjum góðum
- hugur manns við heimsins vað
hvarf á fjallaslóðum.

Flokkinn prýða ferðagen
- fer þar margur snjallur -
vinagleðin varir - en
Vigfús, hann er allur.

Ferðin var að hönnun hans
- hópur skipti liði -
fórum við í fjallaglans
fram að ljósamiði.

Fyrr var áð við Sveina sjö.
Sá er fara kunni
bein um Sprengi bar þá tvö
Beinakerlingunni.

Spurt var hvaðan sunna sá
- sjá - ef það hún kunni -
og hún beindi bránum hjá
Beinakerlingunni -

Valinn dagur, valin stund,
vikan jafnra dægra -
eftir nettan næturblund
náðum geislum lægra.


22. september 2015 - kl. 070352. Sól á Trölladyngju.

Áttum loksins ans við spurn
- ei þótt fuglar syngju -
upp kom sól á undraturn
yfir Trölladyngju.

Þegar vinir falla frá
fengið lán er prísað
meðal annars má þá sjá
meira - hér til vísað.

http://www.GOPfrettir.net/open/VigfusMagnusson

(475)

7. sept
2015

Björg Pétursdóttir 54

Yfir holtið heim til þín
hleypur þessi kveðja
afmálsóskin fylgir fín
fléttar saman bros og grín
hugarsólin skæra skín
að skemmta þér - og gleðja.

(473-474)

4. sept
2015

Eftirá að hyggja ...
Þegar unglingurinn spyr hvað sé að gerast - í hvað er hann kominn !?!

Margt er okkur skemmtun skeð
- skýringar þó grunnar -
grípum loks: það gerðist með
galdri náttúrunnar.

Undarlegt hve oft er þóst
engu á að byggja
allt þó virðist ofurljóst
- eftir á að hyggja.

(472)

4. sept
2015

Myndatökuheilræðið

Munum öll að myndast vel
- meir en best á kosið -
opnar sjónir! ástríkt þel!
og svo gleðibrosið !!

(471)

27. ágúst
2015

Hallfríður Anna Björgvinsdóttir 32

Heil og sæl - til hamingju með heilladaginn!
Okkar gleðiósk í bæinn!
Ykkur gangi allt í haginn!

(462-470)

(HE-5)

20. ágúst
2015
Póstur til Högna Egilssonar
- sem situr einn að heimavinnu en þykir margt ógert

Höfðingi í heimaríki
- hugans orku bóli -!!
Segjum trútt að sælum líki
sess á friðarstóli.

Eigi dugar víl í vomum -
ver úr helsi kífsins,
fagna öllum uppákomum -
ævintýrum lífsins.

Koma dagar - koma ráð
- kraftur vex að stími
markar spor og drýgir dáð.
Dunar stund og tími.

Margt er lengi ógert í
atburðanna keðju
- raunar lítið ráð við því -
Ragna sendir kveðju.

23. ágúst Högni ansar

Vísur þínar, vinur góður
vef ég mér að hjarta.
Vísa hver er ástaróður
inn í veröld bjarta.
Þrautir allar,
þankar myrkir
þínu ljósi skarta.

28. ágúst ans til Högna

Kvöldar enn og kiprast sjón
knappt er dag að rifja
- fuglar allir - einnig ljón
eiga til - að syfja.

Bilar þó ei bros og fjör
blikin áfram tifa
ævintýrin eru gjör
öllum þeim sem lifa.

Jafnt í tjaldi sem við sel
sem og inní kofa
eiga lýðir yndi vel
út við horn - að sofa.

Ég þér sendi eitt og hvað
- auðvitað er kraftur -
leitast þó í laumi að
leggja sjónir aftur.

Þar með skoppar skeyti mitt
- skjáinn þinn á lendir -
og er orðið þar með þitt
- þig ég kveð - oog - ENDIR.

(461)

13. ágúst
2015

Pétur Sturla Bjarnason 35

Eigðu kraft og andans log
yl í sinn og óskatind -
sendum knúsin kærstu og
kveðjur þér - og ykkur Lind!

(459-460)

5. ágúst
2015

Ágúst Örn Ólafsson 21

Ósköp flýtir ævin sér
- eins og missi tímans far -
haldið skal til haga hér
heillaósk til Ágústar:

Líf er sport og skark og skrif -
skák - og spjall í síma -
óskum þér - og ykkur Sif -
yndislegra tíma.

(457-458)

2. ágúst
2015

Hundar ávarpaðir við Vífilsstaðavatn

Gætu farið mál á mis?
- myndi hér sig gretta
hundur utan heimilis
horfandi á þetta?

Lausi hundur! - líttu hér,
læs og smart og flottur. -
(Lausa minka leyfum vér
líka mýs og rottur.)

(456)

27. júní
2015

Með síðsendu mánaðarlegu fundarboði til MR59
132. fundur í Flóru miðvikudaginn 1. júlí 2015 - klukkan 15

​Eins og vissir - utan pósts​ -
ætlum við að hittast -
eiga gaman - utan hósts.
Allar biðir styttast.

(455)

27. júní
2015

Hólmfríður Þórisdóttir 54

Fríða - bæði fersk og hress -
frískar upp á streymið -
á sitt góða gps
- glettin leiðir teymið.

(454)

20. júní
2015

Berta Rögn Zhu Þórisdóttir 11

Glymur okkar gleðisögn:
Glói þér í haginn!
Blítt þig heiðrum, Berta Rögn,
bjartan júnídaginn.

(453)

12. júní
2015

Í óvæntum nafnalista á Bók andlitanna

Upp úr huga ekkert gref
- auð er minnis kista -
ósjálfrátt ég álpast hef
inn á þennan lista.

(452)

10. júní
2015

Þóra Þórisdóttir 63

Af er mæld við yndisvog
andrá tímans lestar -
- kærar gæfu-óskir og
allar kveðjur bestar.

(451)

29. maí
2015

Nanna og Gnýr "flýðu" kalda skerið að njóta syðri blíðu -
- hér heima stefndi þó í ágæt veður

Kær er ósk að glöð þið gerið
góða ferð
- brakar ylur - baðar skerið -
- besta gerð.

(450)

4. maí
2015

Röðunin

Raðast hann ofar og innar ?
eða í skál ?
- regluverk röðunarinnar
er raðarans mál.

(449)

30. apríl
2015

Húsráðið í blómastríðinu

Eiturlyfin ekki láta að sér hæða.
Daprist blóm þá gríp til gæða:
Græna þruman - blómafæða.

(448)

22. apríl
2015

Earl Grey gleður morgungest

Vænir eru vinir þessa manns
og vilja honum allt til besta lags -
Gráni jarl er góðkunningi hans
og gefur honum styrk að morgni dags.

(447)

20. apríl
2015

Á lyfjastundu

Mætt er dagsins meðalstund
- minna erum ræðin -
eflir mann á alla lund
elsku læknisfræðin..

(442-446)

20. apríl
2015

Högni Egilsson ruggar Radda-bátnum sem hefur legið við ból
Sagði af draumi þar sem Raddir voru leiknar með texta og undirleik. Hans er von er sumrar.

Heill og sæll svo vís og vakinn
vorsins aðdáandi glaður
Ísland brosir - klár er klakinn -
komdu sæli ferðamaður!

Þinni sögu Gísla gladdir
glettniríkum hugarflaumi
er þú heyrðir óma raddir
inní þínum cd-draumi.

Plansins bátur bundinn liggur
- bárur falla utan myndar -
vaknar dræmur, stúrinn, styggur,
standi til hans loksins vindar.

Áfram-ætlan sem að sefur
sjálfsagt er að ýta við
svo sem þú með þessu hefur
þokað aftur upp á svið.

Óskaskeyti orða snjallra
okkar hugum vafið
sendum við til ykkar allra
yfir Atlantshafið.

(435-441)

4. apríl
2015

Til Högna Egilssonar - svar við afmæliskveðju

Áður var eg inni á
ævimælitölunum
en þær hafa ætt mér frá
- út úr normalskölunum.

Auðvitað er ekkert mál
og óþörf för í björgin dimm
þó að eigi yngri sál
aldurmældur sjö og fimm.

Ýmsu verður á mann klínt
- allir verð'að taka því -
eins þótt það sé yndisfínt
en ekki skilji nokkuð í.

Einn sem þoldi þúsundfalt
þökk og heiðrun sanna
- kvaðst svo taka undir allt
- allra ræðumanna.

Minningin mér leggur lið
lyftir hug og geði
öll sú stund sem áttum við
- íhugun og gleði.

* * *
Nú í kærri vísu vil
vefa hlýjast spunnar
þessar bestu þakkir til
þín og fjölskyldunnar.

Högni sendi kveðjur frá fjölskyldunni og Rolf sem kominn var í heimsókn

Þakkir fyrir pena pósta
- potast þeir um himinhvolf -
stilla bæði stun og hósta
- stefna kveðjur og á Rolf.

(434)

20. mars
2015

Aþena Ísey - Össu og Steinarsdóttir - eins árs

Aþena Ísey -
einlæga ungmey
eins árs í dag -
æfðu þitt ungfley
- allt verði ókey
efli þinn hag.

(433)

11. mars
2015

Þórir Hálfdánarson 54

Kemur okkar óskaský
örlátt baðar hlýju
þig - sem leggur alltaf í
ævintýrin nýju.

(432)

3. mars
2015

Bjarni Birgir Pétursson 73

Hamingjukveðjur á hæðarveg
heppnin að venju þig styrki
dagsstundin gangi þér gleðileg
- og góðu óskirnar virki !!

(431)

18. feb.
2015

Pétur Örn krusar í Ameríku

Eruð hvíld og endurnærð
- og á góðu kari -
kærar afmáls óskir færð,
Ameríkufari.

(430)

12. feb.
2015

Síðla veikindadags ber gestur fregn af hæstaréttardómi í hús
Kvöldvísa til Högna:

Ekkert í fréttum og engu fylgst með -
auðsstjórnin símagnar ergelsi -
þá kom einn - brosti og bætti vort geð:
banksterar dæmdust í fangelsi.

(429)

11. feb.
2015

Furðulega áráttan - að ganga með uppspertar axlir

Þegar ég er orkuskertur
út ég fer á stjá
geng svo óðar axlaspertur
eins og liggi á.

(427-428)

27. jan.
2015

Morgunvísur

Þann 27. janúar 2015 kl. 7:59 Högni Egilsson:

Dögun vaknar draumablá,
dögun þurrkar tárin,
dögun vekur dána þrá,
dögun þakkar árin.

Megi dagurinn verða góður !!

Þann 27. janúar 2015 kl. 11:19 GÓP:

Rumskar hugur - hyggur sér:
- hvað er um að vera?
Þar á eftir þessi hér:
Það er fullt að gera .. .


Kærar morgunkveðjur !!​

(424-426)

(HE 2-HE4)

26. jan.
2015
Noregsdrápuans

From: gisliolafur@gmail.com
To: hegils@hotmail.com

Hugrenningar heilsubæta:
- hér er galdralofturinn -
allt mun hingað kominn kæta
kraftar nýir sogast inn.
* * *

Þegar hjaðnar þessi skafl
þá mun rómum kátum
rifjað aftur radda-tafl
- raustir hljóma látum.

Legg ég póst á loftin blá
ljúft hann tekur veginn -
​hefur hlýja heilsun frá
hjónum - hérna megin.​

... og ans við því:

Þann 26. janúar 2015 kl. 15:22 skrifaði Høgni Egilsson:

Gamli vinur, Gísli sæll,
gott er frá að heyra,
í lofti kvakar lóuþræll
ljúft vid kalið eyra.

Ennþá brennur Ísalands
eldur við mitt hjarta,
ennþá þennan eldibrands-
óð ber nóttin svarta.

Lifum heilir hugsun í
hljóma tónar lagsins
ennþá bak við óræð ský,
- óður morgundagsins.

(423)

23. jan.
2015

Alexander Bjarmi 15

Gleðin roðar lífsins lag
leiftra blik á hvarmi
fimmtán ára er í dag
Alexander Bjarmi.

(421-422)

18. des.
2014

Arna Björt stúdent

Montinn af þér; unga mær,
enn var hjalli klifinn
- senn til nýrrar farar fær!
Fylgist með þér - hrifinn!

Og "Wild Rover - viðlagið" er:

Eftir útskriftargleði * * * *
gríptu geirinn í hönd !!
Um allt eru leiðir
í ónumin lönd !!

(420)

15. des.
2014

Guðrún Jónsdóttir 72

Vitundin kallar með virkni á ferð
um vináttur nýjar og fornar
og afmælisóskir af albestu gerð
eru þér rjúkandi bornar.

(419)

2. nóv.
2014

Guðmundur Þorgrímsson 58 þann 30. okt.

Hér kemur til þín sæluboði sendur
með sinnis glaðan yl í bróðurbæinn
við Ragna teygjum til þín hlýjar hendur:
Til hamingju með áfangann - um daginn!

(411-418)

24. okt.
2014

Staðir
á korti
hafa
númer.

Umræddur
staður
hefur
númerið
19
og er í
Hvanna-
lindum.

Heimildar-
maður er
Sigurður
Kristinsson
kennari
f. 1925

Allur
textinn
þ.e.
vísurnar
saman
settur
af
GÓP

Hér eru
nokkrar
myndir
frá
svæðinu

Í aðdraganda umræðu um Fjalla-Eyvind og dvalarstaði hans
Póstur til Hjartar Þórarinssonar um fornt innlegg Sigurðar Kristinssonar, kennara.

Þér - þú Hjörtur Þórarins -
þakka kveðju góða
og óska góðs sem gönguvins
gamlra Eyva-slóða.


Músaðu á myndina til að fá aðra læsilega

Ábendingu á um stað
innan Hvannalinda
- Siggi Kristins segir það
sigur felumynda - .

Þar menn áður þreyttu at
- þar var gæs í sefa -
þar menn unnu, átu mat,
og áttu feng í klefa.

Öllu skipti auðvitað:
engir vita mega;
- hverjum manni harðbannað
að herja gæs ófleyga.

Mannvirkin á morðastað
mættu nýjum augum
- ó! nú hvolfist ógn um að
iðnir far' á taugum.

Fáar einar fjölskyldur
fjandinn sjálfur skekur -
þá er dauði Eyvindur
uppfundinn - og sekur !

Engin skepna ófleyg á
innleið þar né haga
- hugun mátti þegar þá
þetta bull út draga.

Landsins fornra fræða vin
féll í þessa súpu
en bændur hófu höfuðin.
- Höfðu varist lúpu.

(415)

23. okt.
2014

Margrét Ákadóttir 64

Margrét frænka fyllir ár
- fimar sig og skokkar -
henni strýkur kveðjan klár
og kær úr hugum okkar.

(414)

22. okt.
2014

Eva Ólafsdóttir 68

Frænku setjum saman vísu
sendum hlýjan gleðibrag
Evu, dóttur Ól'og Lísu:
- afmæli á hún í dag.

(413)

28. sept.
2014

 

Veðurstofan boðar komu þriggja lægða - en ...

Okkur er hótað með regni og roki
sem rjúkandi komi með lægð eftir lægð
samt er þó oft eins og dýrðviðrin doki
og dragist á langinn og hverfi með hægð.

(411-412)

1. og 7.
sept.
2014

Jóhanna Kristjónsdóttir - úr hópnum MR59 - birti á fb giftingarmynd úr fornöld

Þetta stælta stelpuskott
stekkur fyrir öngu -
hefur verið fín og flott
frá því fyrir löngu.

Þetta stælta stelpuskott
stekkur fyrir öngu -
hún var orðin fín og flott
fyrir langalöngu.

(410-411)

28. ágúst
2014

28. ágúst 2014 Paul Opdal fallinn frá

Hugur fer um farna slóð
fléttar bros og gleðjur
í sinn mætra minja sjóð,
munans hinstu kveðjur.

3. sept. 2014 Högni snarar boðskapnum á norsku fyrir afkomendur Pauls:
„Tankene mine søker tilbake og maner frem smil og glede.
I dag sender jeg min siste hilsen fra den dyrabare samlingen av gode minner.“

Hugsun hefur snarað snar
snjallstur orðafeykir
þér að streyma þakkirnar
- þjóðans orðaleikir.

(409)

14. ágúst
2014

14. ágúst 2014 - Heitum á Pétur Sturlu Bjarnason Íslandsmeistara ársins 2014 í maraþon.
Í Reykjavíkurmaraþoninu 23. ágúst 2014
tileinkar hann hlaup sitt stuðningi við Heilaheill, félag slagþola á Íslandi.
Hann fær þessa hvatningu:

Gríptu sprettinn, glaður, heill,
gerðu von að efndum
með þér við í Heilaheill
hugarstrauma sendum.

(408)

7. ágúst
2014

Auglýsingin:

Auglýsing er lygalist
- lukkuvonin höfundinum -
verðlaun þiggur þá þó fyrst
þegar sér á okkur hinum.  

(407)

7. ágúst
2014

Jón Egill Karlsson 24:

Gjarnan öðrum eykur lið
íhugull og laginn -
Jóni Agli óskum við
ánægju með daginn.

(406)

5. ágúst
2014

Ágúst - mánuðurinn
þegar mundangsfólk skólanna tekur á móti opnum hugum

Yndistíma átti sér
ungur, bráðger drengur -
mætti smækkun og nú er
ekki bráðger lengur.

(405)

4. ágúst
2014

Mánudagur verslunarmannahelgar
Ólafur Freyr og fjölskylda koma af fjöllum

Öræfanna fjallaflúr
fléttast hlátrasköllum
ljúft er svo að líta úr
laug á Hveravöllum.

(403-404)

4. ágúst
2014

Snorri Vikanes Bjarnason 14 ára (1. ágúst):

Snorri boðar alla á
elskufund með bros og grínum -
bestu kveðjur fær hann frá
Færeyjum og afa sínum.

Snorri boðar alla á
afmælis- og gleðifund -
bestu kveðjur fær hann frá
frændfólki á Grenigrund.

(402)

3. ágúst
2014

Freyja Rún sendir póst:
- þau Einar að fara í skemmtiferð.

Oss þú gleður óðara,
yndisgeislinn hýri,
eigið bras og brandara,
bros og ævintýri.

(401)

20. júlí
2014

Jakob Jakobsson færir á Fb:
Stutt á milli stórafmælanna á þessu ári: Við
Moira gift í 50 ár, Pétur okkar 50 í des og
Moira nýlega 70.

Gæfufrændi! Glæsivíf!
galdrar okkar segja:
Eigið gamn og gleðilíf !!
GÓP og Ragna Freyja.

(400)

21. júní
2014

Ragna Freyja Gísladóttir MA

Heiðursfrú og mastermænd
mjög sem fróðleik unni
eftir hugstörf, hrist og spænd -
hyllt af fjölskyldunni.

(399)

20. júní
2014

Berta Rögn 10

Afmælisungfrú tíu
orðin á skammri stund
og fer neð augun hlýju
ávallt á gleðifund.

(398)

6. júní
2014

Ragna Freyja 74

Eigðu góðan yndisdag
og allt í þessu fína
- ómi þér í eyrum lag
við ástarkveðju mína.

(397)

4. júní
2014

 

Sigurður Þórðarson

Sigurður er bak við blóm
- beitir huga laginn -
þurfi lið og þurfi róm
þarfur tekur slaginn.

(396)

30. maí
2014

Friðgeir Magni Baldursson

Sextugsóskir ylji þér
- árin tifa lon og don -
fagnaðskveðjur færðu hér
Friðgeir Magni Baldursson.

(395)

29. maí
2014

Hersteinn Karlsson

Þú ert orðinn sextíu og sex
- sem í raun er ekki nokkur aldur,
reynslan traust og virðuleikinn vex -
þig vermi gæfuósk og ættargaldur.

(394)

28. maí
2014

Fanney Magna Karls og Katrínardóttir útskrifast frá FB
(og með margfaldan verðlaunaárangur!) 

Djarfur hugur - dagur nýr -
dátt þér allir fagna
eigðu bros og ævintýr
ungfrú Fanney Magna.

(393)

25. maí
2014

Freyja Rún - góða ferð heim til Noregs

Sindrar fold og sólin skín
- syngja landsins verðir -
yfir hafið - heim til þín -
hafðu bestu ferðir.

(392)

24. maí
2014

Marta Jóns og Ingudóttir útskrifast frá VR
(og slær einkunnamet skólans!) 

Ævintýrin eru hér
- allir dagar rósóttir -
alls hins besta óskum þér
ungfrú Marta Jónsdóttir.

(383-391)

10. maí
2014

 

Lotan
stóð
frá
sjúkdóms-
greiningu
18. mars
til
andláts
10. maí
 

Í gestabók Gunnar
Gunnur vildi vísur í bókina

Gestabókin geymir söfn:
góðar reisur farnar -
yl og bros og ótal nöfn -
- endurminningarnar.

*

Mjög er indæl munabót
meðan svo til hagar
að í hug - sér mæla mót
margir góðir dagar.

*

Man ég þegar Mörkin seiddi
mannskapinn í ferðalag
minnisparta marga sneiddi
mjög til yndis nú í dag.

*

Klárari veður og kyrrviðraspá,
- kalla hæ! rósanna þyrnar -
sóley upp gægist og sólin er há -
sumarið bankar á dyrnar.

*

Sunnudagur sólskinsfagur
seiðir bros úr augunum -
Alexanders úrvalsdagur
ennþá býr í taugunum.
(28. apríl. ABD fermdist í gær hjá Siðmennt og Gunnur kom í veisluna í einmuna góðu veðri.)

*

Með vakandi augu og valkyrjufas
eins og víkingadrottning þóttir -
gekkst allra verka - jafnt glans og bras -
Gunnur Elísa Stefánsdóttir.

*

Við heilsumst öll við hjúkrabeðinn þinn
sem hér ert umlukt mengi góðra vina
við horfum til og heiðrum veginn þinn
með hjartans þökkum fyrir samfylgdina.

*

Elnar stigið eftir stig
- strekkir heimsmyndina -
hugur okkar þekur þig
- þakkar samfylgdina.

*

Fæðing, lífið, ævintýrið - uns
opnum brám er loksins aftur strokið
markar ramma alls vors ævibruns
- eilífð hvers og eins er þar með lokið.

(376-382)

1. maí
2014

Fréttapóstur til Högna

Fyrsti maí er kominn og kallað var til fundar
og komu saman fleiri en minnið getur um
menn fylktu sér í liðið og fjöldinn allur skundar
og fagurt veður yljaði þátttakendunum.

​Ég hef ekki gleymt þér þótt glás sé frá af dögum
og glettnin næstum rokin úr augnakrókunum:
fermingu er lokið - í okkar heimahögum -
og hefur gengið auðvitað eftir bókunum.

Sjúkri þyngist lotan og þverr æ frekar máttur ​
svo þyngist öllum kringum og gufar krafturinn
og lífsreynslan er allra og aðstandenda háttur
er ómagjarnt andante og treginn strengurinn.

​Samtíminn og þjóðin ​eru þrotlaust meðaltal
og því er alveg sama um hvern einn einstakling
sem mitt í sínu áfalli á ekkert verkaval
í verkakröfum hversdagsins er engin uppstytting.

Ógert hópast saman, sem út af degi stendur,
og umhægingin slakar í ráðrúm fyrir það
og komist kraftur aftur í endurunnar hendur
er öruggt að um síðir kemst maskínan af stað.

Oftast er það þannig þá vísur dapurt vísa​
​þeim vísast út um gluggann og aðrar settar inn
en þetta eru fréttir og þeim má alltaf lýsa
og þannig er hann til þín kominn, fréttapósturinn.

​Brakandi er veröldin og brátt fer allt í gang​
​við ​brýnum sjón og raust og andans sveðjur​
​og sumarið er komið og ​sólin breiðir fang,
- við sendum ykkur allra bestu kveðjur.​

(375)

25. apríl
2014

Gylfi og Gunna eiga 52ja ára brúðkaupsafmæli

Þið - sem eruð yndisleg -
ævi megið fagna
- gangið áfram gæfuveg!
GÓP og Ragna.

(374)

24. apríl
2014

Fyrsti sumardagur

Kæru vinir vítt um lönd
vakin, sofin, halló! þið!
inn til fjalla - út við strönd
- ykkur glæði sumarið.

(373)

21. apríl
2014

(f. 20.03.'14)

Innlit Össu og Steinars á gönguferð á öðrum degi páska.

Sniðugur er Snælandsbær
snjallar gerir dróttir -
komin er hér yngismær
Öss'og Steinarsdóttir

(372)

11. mars
2014

Þórir Hálfdánarson 53

Mars-ellefti er nú á
og endurómar hó!
heimafólkið þenkir þá
til Þóris útá sjó.

(371)

3. mars
2014

Bjarni Birgir Pétursson 72

Ykkar heiðruð hjónasaga
hefur ætíð glæstan brag
- bestu óskir alla daga
ykkur gangi allt í hag.

(369-370)

23. feb
2014

Pétur Logi og Kristófer Áki tveggja ára

Pétur Logi lyftir sínum ljósu brúnum.
Hann fer senn með hönd að pára,
hann er orðinn tveggja ára.

Kristóferi Áka óskum alls hins besta.
Heiminn á með augnaráði
orðinn tveggja ára snáði.

(368)

18. feb
2014

Pétur Örn Pétursson

Óskum þess hann ætíð nytji
ævigleðitrimm -
Pétur Örn í sæmdum sitji
65.

(367)

28. jan
2014

Við innsetningu mynda Evu Grétars úr Merkurferðinni

Fjölmörg sýnin fangar auga ferðamannsins
og við stopp er ljúft að lynda -
loksins kemst ég út að mynda!!

(366)

23. jan
2014

Alexander Bjarmi Davíðsson 14

Ljómar ör við ævivor
- alúð, bros og varmi -
þú átt yndi, afl og þor
Alexander Bjarmi.

(365)

20. jan
2014

Ásmundur Ingimar Þórisson 63

Ásmundur Ingimar Þórisson
afmælir lífsins far -
umvefja'nn þökkum, úð og von,
afmælisóskirnar.

(352-364)

17. og 19.
 jan 2014

Sjá
hér
myndir
úr
þessari
ferð

Svarað fyrirspurn Högna
um þrettándaferðina í Þórsmörk 11.-12. jan.
og sóknarför 18. janúar 2014

17. janúar 2014
Við áttum ljómandi laugardag
laugaði sólin tinda
inneftirferðin var ljúf sem lag
logn varð í höllu vinda.

Nóttin að rismálum reyndist blíð
- rumskað þó fyrst klukkan átta -
lopaði jökla lítil hríð
ljúflegur boði slátta.

Margt var þó ýmist bras og bið
braskað við snjó og klaka
herti og sífellt hvítu-ið
- örðugra fram að aka.

Fokið komst nú upp í fyrsta stig
fellibylsstyrkjaskala
varð þá og betra að vanda sig
- vorum með bíla-hala.

Eftir þar létum eina fimm
allir í stærri settust
á bættist nú hún nóttin dimm
niðdropar hennar slettust.

Heimferðin gekk þó vonum skár
víst nokkra klukkutíma
þarf því um hana þeygi pár
þar dugði bílaskíma.

Eigum nú bílabland við ár
- blástur í minni orgun -
ágætar eru útlits-spár -
ætlum í sókn á morgun.

19. jan. 2014

Okkur gekk allt í haginn
austur á laugardaginn
ýttist þó ögn í blæinn
- áttum svo gott í bæinn.

Tíminn hann stóð við stiku
- strand vorum við og hjúin.
Helgin sem varð að viku
virðist nú loksins búin.

Hjarna nú venjur vanans
- varlegt þó hugarsprang -
viðfangið verkakranans
vonandi fer í gang.

Héðan þó fer ei fleira
felum við eld í stó
kveðjunnar klið má heyra -
komin er næturró.

Des. 2013 Til Högna

Yfir hafið kemur kall
- komið hér á borðið -
þú ert alveg eitursnjall
- áttir lokaorðið.

(351)

26. des
2013

Jakob Jakobsson 76

Afmælisdagur er áningarstaður ferðar
ögn er þá dokað og endur er nýjaður kraftur -
félagagleði og fjölskylduheimsóknir gerðar
fagnað með öllum - og síðan er lagt af stað aftur.

(350)

11. nóv
2013

Lind Freyjudóttir 30 -
þau Pétur eru á heimsreisu siglandi við Ástralíu

Allra besta afmælis
ósk - og hvergi töfin -
rétt- og líka rangsælis
rýkur yfir höfin.

(349)

10. nóv
2013

Ragna Freyja Gísladóttir 53

Færð úr heimahögunum
heiðurdagsins kveðjur
okkar góðu óskir um
allar bestu gleðjur.

(347-348)

28. okt
2013

Til umhugsunar -
í umræðunni um forsætisráðherrannn, Sigmund Davíð Gunnlaugsson, vegna fjarvista hans úr vinnunni og viðkvæmni hans við umræðunni:

Öll við þekkjum ofurfólk í aflífsviðri
sem þó ávallt - undir niðri -
áleit sjálft sig lítils virði.

Þá er líka þraut að eiga þrumusprota
- alla heilla, rökin rota.
Reynist mörgum erfið lota.

(346)

28. okt
2013

Rannveig Haraldsdóttir
setti á F-bókina kyrrðar mynd við spegilslétt vatn

Eitt af þessum yndislegu augnablikum
sem á dimmum vetrarvikum
verða mér að ljósastikum.

(345)

12. okt
2013

Vikar -

Ljúfur er þinn lífsins stæll
ljómar yl og hlýju
öllum verkum sinnir sæll
69.

(344)

12. sept
2013

Ólafur Freyr 54

Fetar stíginn öruggari
- ofar víðar sér -
þú átt daginn, fjallafari,
fólkið gleðst með þér.

(343)

29. júlí
2013

Þann dag -
hafði kynningarpóstur verið sendur hópverjum lífs og liðnum og velvirðingar beðist á mistökunum.
Sem sagt:

Óvart mail til andaðaðra anda brunar
- að þeir lesi okkur grunar
og þá biðjum afsökunar.

(342)

20. júní
2013

Berta Rögn -

Heiðra hana fólksins fögn
fima daman klára -
bjarta, glaða Berta Rögn
brosir níu ára.

(341)

7. júní
2013

7. og 11. júní - Rún og Íris

Hugur fer og finnur ykkur tvær
sem fyllið ár í norskum gleðitóni -
ykkur faðmar óskaheitur blær
með orkustraum frá okkur - hér á Fróni.

(340)

6. júní
2013

 Frétt af dugnaðarmanni sem fékk vellaunaða vinnu við að gera við bilun

Þegar glaður einn fær auð
annar honum tapar -
einhvers vandi - annars brauð
okkar hagvöxt skapar.

 

(339)

16. maí
2013

Í gestabók GGí

Evrópsk hefur skemmtun skeð
- skeður annað slagið -
vel fór Eyþór Ingi með
Evróvisjónlagið.

(338)

31. mars
2013

Í nýja gestabók GGí

Eftir spjöllin inn við stafn
einföld eða flókin
ánægð geymir orð og nafn
yndisgestabókin.

(337)

23. mars
2013

Veðravindan

Þótt svalviðrin hríði um hlíðar og gil
og hvíni um land og um sæ
þá sittu í rónni og sannaðu til
að sumarið kemur í maí.

(336)

21. mars
2013

Í gestabók GGí

Yrkinganna orðaglíma
einum er sem hugann kyrrði
öðrum finnast orð sem ríma
uppskrúfuð og lítils virði.

(335)

11. mars
2013

10 ára brúðkaupsafmæli - tinbrúðkaup Þóris og Rögnu Freyju

Þórir Hálfdanarson 52

Heillaför um Hjónavog
- heiðrum vegferð slíka -
sendum kærar kveðjur og
kæti hugans líka.

(334)

3. mars
2013

Ásmundur Jakobsson  sendir bílapóst:

Þá er hann kominn bíllinn sem vantaði:

Sex hjóla Benz

Nema þú viljir frekar þennan:

Koenigsegg

Svar til Ásmundar:

Bílum þessum firður fagni
- feyki virðuleg er gerðin -
ef þeim ekur ljúft - með lagni
lukkast honum fjallaferðin.

(333)

3. mars
2013

3. mars 2013 - Bjarni 71

Heyrðu okkar heillaköll
- hlýjur á þig ýri -
eigðu marga för um fjöll,
fjör og ævintýri.
 

(332)

18. feb.
2013

Pétur Örn - afmæli

Augnablikin fara fljót
fram til sólarlagsins -
- hér fær okkar bræðrabót
bestu kveðjur dagsins.

(331)

24. jan.
2013

GGí á spítala - systkinafundur:

Söfnuðumst og samkomumst,
saman töluðumst,
spurðumst þá og spjölluðumst
og spekúleruðumst.

(HE-1)

30. des 2012

Hlýjar óskir um nýtt gott ár - og þakkir til ykkar, kæru vinir !!
Högni, Liv
og Birgitte.

Frá Högna Egilssyni: Áramótakveðja

Hvað er svo glatt sem góða vísu smíða
við gleðibrag og vinarkveðjulag
sjá árin koma og þau aftur líða
og ennþá hverfur nótt við ljósan dag.
Því er það gott að kveðja eymd og angur
og eiga góða stund á hugarleið -
nú aftur heilsar morgunn, ljós og langur,
og leiðin milli vina bíður greið.

(330)

24. des.
2012

Vísbending með gjöf frá jólasveini hússins

Ljósið kemur, linast pex,
líður brautu dimman,
rósemd eykst og værðin vex
við að lesa krimmann.

(329)

21. des.
2012

Ársins lengsta nótt

Stress upp spanar ótt - svo ótt
ýtni jólabrímans,
- líður ársins lengsta nótt
ljúft í spili tímans.

(328)

11. nóv.
2012

Afmæli Lindar, leikskólakennara og nuddara - í Svíþjóð

Austur fer - eitt andrárbil
yfir bláan sæinn -
heillaóskin hlýja: "til
hamingju með daginn!"

(327)

10. nóv.
2012

Afmæli Freyju

Afmælið þitt er í dag - það gleður okkur öll -
við óskum þér hins besta - engar sóttir!
Kná þú tekur verkefnin og klífur öll þín fjöll,
kæra Ragna Freyja Gísladóttir.

(326)

8. nóv.
2012

Í gestabók GGí

Krimmar eru ágætt sjó
okkur skemmtan bera
- kannski er hann Columbó
kominn til að vera.

(325)

23. okt.
2012

Afmæli Margrétar Ákadóttur, leikkonu og hótelstjóra

Veit eg eina undrasnót
efla landsins dróttir:
eigðu gleði-mannamót
Margrét Ákadóttir.

(324)

19. okt.
2012


Katrín með soninn Pétur Loga (?) og föður-langamman, Guðrún Gísladóttir.

Katrín Júlíusdóttir gefur kost á sér í fyrsta sæti á lista Samfylkingarinnar í Kraganum

Okkur þætti skemmtun skeð
og sköpuð von á traustum fæti
kæmi listi Kragans með
Katrínu í fyrsta sæti.

(323)

4. okt.
2012

BBP birtist gráskeggjaður á skjánum eftir frækna göngu fræga
gönguleið á Spáni - með tvo íslenska bakpokafána

Auðvitað er á því von að einhver gráni
jafnvel þó að fylgi fáni
fari maður hring á Spáni

(305-322)

30. sept.
2012

"Hefðbundin" útför

Fæðast, lifna, leggj'af stað -
lífsins galdur eygja -
ævir líða - loks er að
leggja sig og deyja.

Jóhanna Harðardóttir, blaðamaður og Kjalnesingagoði ritaði pistil undir þessu nafni í Mbl. þann 14. sept. sl.. Þar velti hún gangstéttarhellum venja og siða við útfarir og undirstrikaði mikilvægi þess að menn geri ljósan vilja sinn um sína eigin útför.
Þetta var góð grein og í framhaldi af henni kemur hér uppskriftin að útför GÓP:

Hér er komin - sett með sinni,
- síðar þarf ei um að skottast -
uppskriftin að útför minni
eftir að ég dauður vottast:

1. Engin trúmál:

Alveg ljóst er fyrsta fallið
feitum ritað penna rauðum:
hvorki prests né kirkjukallið
komi nokkuð að mér dauðum.

2. Ódýr kassi úr pappa eða mótatimbri:

Dulítið af dagsins slæðum
dugði mörgum fornum kappa
- hæfir mér í köldum klæðum
kassi gjör úr stinnum pappa.

3. Strax bál og vindar:

Liðsforingi lífs míns sveitar
lætur undir öllu kynda,
afgangs tekur agnir heitar
út í bjarta sali vinda.

4. Fagnaður síðar - t.d. í næstu þrettándaferð í Þórsmörk:

Þeir sem eiga góðar gengnar
gamanstundir sér í minni
heiman - og á fjöllum fengnar -
fá sér einhvers staðar inni,

lífga sína gömlu gleði
glettnir minnast bross og ferðar
- eru svo með sætu geði
sælar áætlanir gerðar.

5.  Ummæli:

Ævisaga frá 2009.08.25

Ævisagan öll í kvæði:
Eftir upphaf:
heill og yndi hafði bæði.
Hrökk svo uppaf.

Starfshjal frá 23. ágúst 2014:

Iðjan lífs var mundangsmerk
- má í stráum fegra -
eftir liggur ekkert verk
öðru merkilegra.

Kæru vinir - 16. maí 2017:

Glaðlífsstundin senn er sigld
- sitja minnin pökkuð -
leiðsögn, vinsemd, fas og fylgd
ferðarvinum þökkuð.

6.  Bakþanki 29. mars 2017

Undratöfra tilviljun
tengdi mig við lífið
þakka fyrir þetta brun -
þakka ævintýrið

Mörg var stundin munaklökk
- margur himinn rauður -
góðum vinum þyl ég þökk
þar til ég er dauður.

Þegar burtu andinn er
- ekkert slag i hjarta -
afgangurinn af mér fer
inn í logann bjarta.

7.  Hverfandin

Kvödd svo mörg úr minnis hlíð
meður raddir slyngar -
hverfur stundin hugarblíð,
heit og tilfinningar.

Sjá þar hvernig "hverfandin"
hverjum manni strýkur
- allt sem vissi, veröldin,
visin burtu rýkur.

Allir við og okkar lið
- eigum glaðar farir -
allra bíður ekkertið
- unum meðan varir.

Lífið er eitt ævintýr
- umgert æ í sinni -
stýri minnishnoðinn hlýr
hverri rifjuninni.

Upp úr stendur allt sem tókst,
- allir gleðidynir -
og - er veröld ólmast skókst -
yndislegir vinir.

*  *  *

(302-304)

27. sept.
2012

Miss Marple-vísur í gestabók GGí:

27. sept. - eftir miss Marple:

Það er ætíð velsæld viss
að vænta gamans svona
enda er hún Marple miss
mesta heiðurskona.

20. sept.:

Festumst í ærslum og eymdum
en áttum þó ágætis geim
-missinni Marple þó gleymdum
og mál er að fara heim.

13. sept.:

Mamma er lítið eitt lúin
og lýkur við kvöldsins geim
- missin hún Marple er búin
og mál er að fara heim.

(301)

17. sept. 2012

Afmæli Högna - austan hafs

Móandi í morgunroða
merkisdags á Högna eyju
kemur yfir káta boða
kveðja okkar Rögnu Freyju.

(300)

7. sept. 2012

Við fjölmenna útför Magnúsar Bjarnfreðssonar:

Berumst öll á banans spjót.
Breiðfylkt er með vini -
enda hæfa mannamót
Magga Bjarnfreðssyni.

(299)

3. sept. 2012

Blaðamenn þindarlaust þjálfar
- og þá ekki einungis -
vefsíðan "Molar um málfar
og miðla" á Eidur.is

(298)

29. ágúst 2012

Við útför Freysa, Vilhjálms Freys Jónssonar:

Þinn hugur, svo frjór, svo oft farinn á stjá
fram um hvel sem er veröld öll -
suður Helgrindadal, yfir Heljargjá,
heim að jökli við Ljósufjöll.
 

Þekktir þú Freysa?
Vilhjálmur Freyr Jónsson var sérfræðingur um fjölmargt - þar á meðal var hann fróðastur allra um leiðir á Jökulheimasvæðinu. Hann beitti sér þrotlaust fyrir því að halda leiðum hálendisins opnum fyrir þann almenning - sem ekki er á stutta göngugarpalistanum, - barnafólk og börn, fullorðið fólk, aldrað fólk, tímalaust fólk, hamlað fólk, þreytt fólk og uppgefið - sem samtals er yfir 90% hverrar þjóðar, líka Íslendinga. Í framlínu þeirrar baráttu er nú skarð fyrir skildi.

Kt:
080159
-2509
*
Reikningur:
323-13-2827

Tillaga um
framlag:
Það sem
kostar
að fylla
aðaltank.

Minning og samúð við fráfall Freysa

Í pósti frá JÖRFÍ - Jöklarannsóknafélaginu - segir:
"Að beiðni vina og félaga Freysa hefur Kristjana, eftirlifandi eiginkona hans, stofnað styrktarreikning fyrir fjölskylduna.

Ef þú/þið viljið votta samúð ykkar með því að leggja inn á reikninginn þá eru upplýsingar um númerið hér fyrir neðan.

Kt: 080159-2509
Reikningur: 323-13-2827

Ef þú / þið þekkið einhverja sem þekktu Freysa og eru líklegir til þess að vilja votta samúð með þessum hætti, vinsamlega sendið þessar upplýsingar áfram."

(297)

5. júlí 2012

Ásmundur Jakobsson - afmæli:

Kann á mörgu skrítnu skil
- skarpur, hlýr og laginn -
hér með óskum honum til
hamingju með daginn.

 (296)

6. júní 2012

Til þess sem tepptist af sumri og sól:

Sittu ljúft í sólarstrandi
- senn mun stundin uppurin -
örstutt oft á Ísalandi
eru yndis-sumurin.

(294-295)

1.-2. júní 2012

GÓP og ABD í Þórsmörk og Þakgil

Há var sól með himnalog
- hitinn engu líkur -
fórum þá í Þórsmörk og
Þakgil - ofan Víkur.

Svona er veðrið - vindalaust -
víðastur himinhringur.
Yrðlingur milli skugga skaust
- skari af fuglum syngur.

(293)

29. feb. 2012

Afmælin

Afmælin sem á mann hlaðast
- eru áfangar á leið -
oft sem honum gerir glaðast
- gefur kraft í næsta skeið.

(292)

9. feb. 2012

Í gestabók GGí:

Veðuráttin eins og fer
eftir flöskustúti
klárt er þó að komin er
kalsarigning úti.

(291)

12. jan. 2012

Í gestabók GGí:

Dunar vor stund meður drauma og þrár
og dagarnir liðast og þeysast
en gamanið er þegar glöggskyggnar brár
sjá gáturnar rakna og leysast.

(290)

12. okt. 2011

- afmæli Vikars

Af andrár öldutoppi
sem yptir tímans knerri
er eins og skeyti skoppi
með skemmtiósku hverri
og brosi sem að blikar
er bjarminn ljómar Vikar.

(289)

5. sept. 2011

GGí 91 árs:

Mamma er hress - leggur örvunarorð
í ómaflóð septemberlagsins
og inni í stofunni breiðast um borð
blómin í tilefni dagsins.

(288)

25. ág. 2011

Til Högna sem kemur eftir tvo daga:

Góðan dag - og gleðilega
gangi allt til hags -
eigðu kosti allra vega
Íslandsferðalags.

(287)

22. júlí 2011

Í gestabók GGí

Spjall um sitt og heimsins hvað
- hugmyndir og skissur -
umræðan fór auðvitað
út um allar trissur.

(286)

5. júlí 2011

Ásmundur Jakobsson á afmæli í dag

Tíminn gengur ár og aldaspor
og iðkar hvorki þjálfun eða trimm
en hann er sá sem heldur áraskor:
Til hamingju með 65!

(285)

11. júní 2011

Íris Hild á afmæli í dag

Heiðursmær - oss hlý og skyld -
hannar gripi klára.
Þetta er hún Íris Hild
- orðin átján ára.

(284)

9. júní 2011

Í gestabók GGí á svalri tíð

Komna vorið kælir
kuldabylurinn -
vísast svo oss sælir
sumarylurinn.

(283)

7. júní 2011

Afmæli FRG

Rún af-mæli ársins á
útá Norðurlöndunum
heillaóskum úðast frá
Íslands sólarströndunum.

(282)

24. mars 2011

Raunir og þrautir -

Rétt er það að raunirnar
reynast manni tregar -
þó að margar þrautirnar
þyki skemmtilegar.

(281)

25. nóv 2010

Ekkert - manni með sín gen
meðan blikin tifa -
gleðilegra getur en
gamanið: að lifa!

(280)

10. nóv. 2010

Afmæli RFG

Fimmtuga á fögrum degi
Freyju hyllum þúsundfalt -
ljós og stoð á lífsins vegi
létt og djörf - og til í allt.

(279)

7. nóv 2010

Lýsing

Kliðmjúk eins og klukka
klýfur tímans haf -
lífsviðhorfið LUKKA
ljómar henni af.

(278)

4. nóv. 2010

Í gestabók GGí undir haustveðragný

Fægir þöll og bjarkir berar
bylurinn -
oss að venju vísiterar
veturinn.

(277)

7. okt. 2010

Í gestabók GGí eftir sjálfvirkar staðfærslur frá tilteknum kapítula ævinnar

Minnumst glöggt, við gleymskuós,
gleðinnar og kífsins:
stendur okkur stjörnuljós
stúdentskafli lífsins.

(276)

25. mars 2010

Sjá hér
kveðju

Irma Geirsson - útför frá Selfosskirkju 25. mars

Nú er Irma fallin frá
fór hún margan dalinn,
átti bæði þraut og þrá
- þar var allur skalinn.

(275)

11. nóv. 2009

Freyja - afmæli:

Við óskum þess að allt þér bæti hag
og efli snjallan hug og lipran fót,
þú eigir margan ævintýradag
og allir dagar marki tímamót.

(274)

1. okt. 2009

Í gestabók GGí eftir stjórnmálaspjall

Títt er talað, margt er mál,
mörg er orðaspíkin -
hún er illyrt orðaprjál
Íslandspólitíkin.

(273)

25. ágúst 2009

 Undir útfararpresti. Hugleiðing um styttri æviþulu:

Ævisagan öll í kvæði:
Eftir upphaf
heill og yndi hafði bæði.
Hrökk svo uppaf.

(272)

20. júní 2009

Berta Rögn 5 ára

Glæsiveisla, malt og mix
magnar yndishag
nú er unga fröken fix
fimm ára í dag.

(271)

10. júní 2009

Hægt gengur að gangsetja Touched by Life – bókargerð

Margt er í krókum sem teljast til tafar
- en tekst þó að mjakast -
og öll munu kurlin svo komast til grafar
og kolagerð takast.

(270)

31. maí 2009

Nafngiftardagur Emblu Júlíu Mjallar

Upplitið djarflegt og augun skýr,
ákveðin, einlæg og snjöll -
ævin þér verði ljúft ævintýr
Embla Júlía Mjöll.

(269)

17. maí 2009

Sunnudagur  - Þjóðhátíðardagur Norðmanna - sem fengu gull á Júróvisjón í gær

Halló Noregur - og til hamingju með Eurovision !!!!!!!!!!!!!!

Í logni og óvanalega hlýju veðri hugsum við hlýlega til frænda okkar í Noregi. Við sendum þeim hátíðarkveðjur í tilefni dagsins - og hamingjuóskir í tilefni sigursins í Júróvisjón í gær.

Okkar frábæra Jóhanna söng okkur Íslendinga upp í annað sæti - en vegna fjárhagsstöðu landsins erum við einnig þakklát Norðmönnum að vera í fyrsta sæti með glæsibrag og taka þannig að sér þann útgjaldabikar að halda hátíðina næsta ár.

Lognið glampi glæinn,
gleðin fylli bæ,
sólarsunnudaginn:
sautjánda í maí.

Bestu hátíðakveðjur!

(268)

14. október 2008

Böðvar Bjarki 1962

Tafarlaust er tímans mikla spil -
tapast grönd og slemmur eru unnar.
Við sendum bjartar bestu kveðjur til
Bjarka og til allrar fjölskyldunnar.

(267)

12. sept. 2008

Ólafur Freyr 1959

Efldu þína léttu lund
lífs er skammvinn saga
eigðu marga unaðsstund,
yndislega daga.

(266)

20. júní 2008

Berta Rögn fjögurra ára

Hoppar glöð á hæl og tá
hefur viljann klára
einarðleg með bros á brá:
Berta - fjögra ára.

(265)

14. júní 2008

Lind útskrifast sem leikskólakennari frá Kennaraháskóla Íslands

Leikskólann muntu laga
lipur og glögg og skýr -
eigðu um alla daga
yndisleg ævintýr.

(264)

8. júní 2008

Til Freyju Rúnar

Strýkur blærinn blómarósirnar
- blæs þó hraðar lífsins gangur ær -
héðan koma heillaóskirnar:
til hamingju með daginn þinn - í gær.

(263)

29. maí 2008

Suðurlandsskjálfti 6,4 á Richter- kl. 15:45
- en þá vorum við raunar þrír í Esjugöngu og fundum ekki fyrir neinu.

Ærir það kálfa
ærir það álfa
ærir oss sjálfa
æ þegar jörð fer að skjálfa.

(262)

26. maí 2008 

Rekkar sem að rak í nauðir
reynast hljóðari
þeir sem ekki eru dauðir
eru fróðari.

(261)

9. mars 2008

Gestabókin í Þórsmörk var svo fullskrifuð að nöfn okkar tróðust á öftustu kápusíðu:

Margur hingað innúr ók
- átti stundu hlýja:
það er ljóst að þessa bók
þarf að endurnýja.

(260)

3. mars 2008

Bjarni 66

Aldurstalan ætíð vex
- eldumst báðir saman -
þín er orðin sex og sex
sem er bara gaman.

(259)

2. febrúar 2008

Afmælisveisla á nýja heimilinu

Húsmóðirin, hún er smört,
hefur veislu klára.
Hjartans óskir! Arna Björt,
orðin nítján ára.

(258)

24. janúar 2008 

Eins og spuna furðuflug
úr föstum skorðum
er að hitta eigin hug
í annars orðum.

(257)

17. janúar 2008

Hjá mömmu - sem er lífsglöð og lagin til hugar og handa

Guðrún hefur glaða brún
- glettin nýtur lagsins -
opnum huga eygir hún
yndisleika dagsins.

(256)

12. október 2007

Til Vikars:

Afmæli á eilífð hvers
er sem tímans bryggja:
sigldu glaður, sæll og hress,
sextíu og þriggja.

(255)

1. ágúst 2007

Hjá Stellu Guðmundsdóttur í Heydölum:

Heydalina höfum gist
- hér kom ferðasella -
eftir þessa yndisvist:
- ástarþakkir, Stella!

(254)

29. júlí 2007

Minjasafn Egils Ólafssonar að Hnjóti við Patreksfjörð:

Kemur fjöldinn forvitinn
- fagnar gömlu dóti -
margan fornan fróðleikinn
fundum við á Hnjóti.

(253)

24. júlí 2007

Eftir vikudvöl í Kerlingarfjöllum
fengu ráðskonur staðarins þessa þakkarkveðju sem syngja skal við sama lag og Bjarnastaðabeljurnar:

Kerlufjallakonurnar
þær kokka mikið núna
ýmsa rétti einfalda
og aðra mikið snúna

Þær efla okkur öll
þær gleðja okkur öll
sem komum í Kerlingarfjöll.

(252)

27. júní 2007

Í tilefni dagsins

Sunnan-andinn sólblíður
seiðir kul úr gjósti
- hérna færðu, Hólmfríður,
heillaósk í pósti.

(247-251)

7. júní 2007

 Heitt - eða hlýtt?

Þann 7.6.2007, skrifaði Høgni Egilsson:
Blessaður.-... - Hér úti er ekstra-sumar og 30 gráður.
Heldurðu að það sé heitara í helvíti? Kær kveðja - Högni

Þegar spurt er þess hve hlýtt
þegnum býðst í neðra
er þess von að enn sé nýtt
íþrótt vorra feðra:

Sífellt föðurmyndin mín
mælti ósköp fegin:
striplið yrði Péturs pín
Paradísarmegin.

Eftir lífsins erilstreð
allur hyrfi bagi
kæmist hann í kofa með
kyndingu í lagi.

Ylnum fagnar í sitt vé
- aldrei of af hlýju -
þótt í gráðum þá hún sé
þrjátíu og níu.

Kannski missir kölski ró
klökkva með og volum -
en ég vona að hann þó
eigi nóg af kolum.

(246)

5. feb. 2007

Til Harðar Zóphaníassonar fyrir ljóðabók hans Vísnagaman og vísnamál
sem hann gaf mér laugardaginn 3. febrúar.
Yfirleitt blaða ég og les svo ljóð og ljóð í ljóðabókum en þessa bók las ég langtímum.

Hörður! Þakka þína bók:
þessi ljóð til manna,
hvernig vægi hvert eitt jók
hversdagsatvikanna.

(245)

27. des. 2006

Opnun nýrrar gestabókar Irmu

Gestabókin góða er
gleðispegill tímanna:
það sem hugum birtu ber
blikar meðal rímanna.

(244)

20. des. 2006

Magnea Lillý Friðgeirsdóttir stúdent

Fjölskylduliljan, ljúfa, snjalla,
leiftrandi augun snör -
Magnea Lillý - ævina alla
eigirðu góða för.

(243)

20. des. 2006

Um þessar mundir er Framsóknarflokkurinn níræður.
Hann hefur rýrnað bæði að atkvæðahlutdeild, fjölda kjörinna fulltrúa og tiltrú kjósenda.
Í Reykjavík er þó kominn til stjórnunarstarfa síðasti Móhíkaninn sem raðar vinum og pólitískum samherjum á jötuna. 
Það nefna sumir afturgengna háttsemi.

Aftur gengur frammaranna far
- forni tónninn þekkir stillinguna:
nýr og stæltur stjóri Framsóknar
sterkur kemur inn í spillinguna.

(242)

14. des. 2006

Hugleiðing

Manna sjóð til silfurs tel:
sá er þjóðar hella
sem er góður, gerir vel,
gengur hljóður ella.

(241)

7. desember 2006

Þekkt er sú skemmtan að raða orðum upp á óvanalegan máta
svo venjuleg merking þeirra búi til nýja liti í huga heyrandans - eða lesanda ljóðsins.
Oft er hljómurinn svo raunveruleikalíkur að menn villast á honum og heiminum.

Tjáning hvers orðs míns í orðanna öruggu röð
útmálar fyrir þér hug minn um veraldar keröld,
- uppstokkuð verða þau óður á endastöð
sem aðeins er til inní hugarins sérstæðu veröld.

(240)

30. nóv. 2006

Í gestabók GGí

Mömmu höfum við hressta
það heitir hjá sonunum
með óskir um allt hið besta
einnig frá konunum.

(239)

23. nóv. 2006

Í gestabók GGí

Sitjum við hérna saman
synir og móðir vor
spjöllum og gerum gaman -
gæfan á fjölmörg spor.

(238)

3. nóv. 2006

Til Guðrúnar Gísladóttur
sem 30. október árið 1940 giftist Pétri Sumarliðasyni á 61. afmælisdegi Aðalbjargar Jakobsdóttur.

Til þess þér að glæða bros og gleðja
svo glitri fornar minningar í huga þér
þá kemur hérna til þín tölvukveðja
í tilefni af 30. október.

(+1
bætist við 707)

8. sept.
2006

Leynivopnið Gunnar
Tengdadóttir mín, Gunnur Elísa gerði mér magnað þéttheklað ullarbrekán sem frábært hefur verið að grípa til. Svo reyndist í Nýjadal í haustferðinni á Kárahnúka þegar hávaðarok var á og hellirigning næturlangt.
Þessi varð morgunvísan:

Rjúki fold við reginstig
og rofni himins brunnar
þá er ljúft að leggj´á sig
leynivopnið Gunnar.

(237)

2. júlí 2006

Þórsmerkurferð með Högna Egilssyni
Mosabjört var grænbreiðan fram undan Eyjafjallajökli

Undrafjall með ísaskart
efsta skýið greiðir -
meðan landið mosabjart
mjúkan faðminn breiðir.

(236)

30. mars 2006

Í gestabók hjá GGí:

Engu ætla eg að lýsa
eða leita svars
því var samin þessi vísa
30. mars.

(235)

23. mars 2006

Í gestabók hjá GGí:

Þetta á að verða vísa
- veit þó ekki enn um hvað -
Nú er víst að koma krísa,
- kannski best að geyma það.

(234)

19.janúar 2006

Við kveðjuathöfn í Langholtskirkju um Jónu Jakobínu Jónsdóttur frá Vogum við Mývatn.
Útförin gerð nyrðra þann 20. janúar.

Minnisdagar rifjast rósóttir
- rennur fylking undir áratogum -
Jóna Jakobína Jónsdóttir,
ég var hjá þér forðum útí Vogum.

(233)

21. nóv. 2005

Við útför Sigurðar E. Þorkelssonar, skólastjóra og skákmanns

Hugurinn er þýður þótt
þeysi minnisfákar:
Siggi Þorkels hefur hljótt,
hlustar, brosir, skákar.

(232)

21.-23. okt. 2005

Við Köldukvísl við Svarthöfða - á suðurleið úr Vonarskarði:

Mörg hefur lítil lænupísl
lagt oss gildru snúna -
ósköp var þó Kaldakvísl
kurteis okkur núna.

(231)

29. sept. 2005

Á teppi handa Bertu Rögn

Undur heimsins horfir á
hlý og björt í sinni.
Með sitt glaða bros á brá
breytir veröldinni.

(230)

29. ágúst 2005

Til Lindar

Til þín brosir veröld víð
- veitt er skyr og rjómi!
Um þig leiki alla tíð
ævintýraljómi.

(229)

5. ágúst 2005

Ágúst Örn 11 ára

Vakna, klæðast, brosa breitt,
byrja, gera, klára,
öllum störfum annar greitt
Ágúst - ellef' ára.

(228)

24. ágúst 2005

Félag kennara á eftirlaunum fór sumarferð
frá Akureyri í Fjörður og Flateyjardal og naut kvöldverðar í Grenivík.
Þar var á boðstólum vín með matnum sem varð tilefni eftirfarandi endurtekningar á vísunni frá 26. ágúst 2000:

Vín ég þigg með þessum bita
- það er sosum ekkert aððí
utan það sem allir vita:
eg verð bara fullur afðí.

(226-227)

3. júní 2005

Við útför Björns A. Kristjánssonar, múrarameistara

Fjöldamörgum lagði lið
- lét sér annt um vini -
bestu kveðjur berum við
Birni Kristjánssyni.

Bjarni Ólafsson sat við hlið okkar og þá tengdist Ólafur Jónsson Birni í huganum
- svo sem var forðum í félags- og bæjarmálum:

Fengu oft að öðrum hlúð
- almenningsins vörn -
ríma tveir í innstu úð:
Ólafur og Björn.

(+1
leggst við 700)

25. maí
2005

Berta Rögn - að lenda

Dásamlegu dularmögn
dömu geyma fína
bráðum kemur Berta Rögn
beina leið frá Kína.

(225)

2. des. 2004

Við útför Gísla Friðriks Þórissonar

Minningin, ljúf sem í ljóði,
ljómar þinn gengna stig.
Óvænt var gullvagninn góði
gerður að sækja þig.

(220-224)

17. október 2004

Morgunn í Jökulheimum


Músaðu á myndina til að sjá þær allar úr ferðinni.

Jökulheimahúsið er
hlýr og traustur skúti
hvort sem lægð um loftin fer
eða logn er úti.

Hvít er iðan - hvert sem sný -
hvín við ramman slaginn -
gamla húsið grillir í
glaðabjartan daginn.

Líður vel við ljúfan yl
leiðangri sem er’ðar
- samt er kominn tími til
að tygja sig til ferðar.

Ævintýrið á sér stað
og þá bætir haginn
lífsins góða gaman - að
geta tekið slaginn.

Veðrið blint er firna fól
- feykir vindur hvessinn -
þá er gripið tækni tól:
treyst á gps-inn.

(215-2019)

11. ág. 2004

Hva blev ideen til?

Det var engang en tanke
- ide, et bud til ven,
men ordets skröbe-skranke
beskrive kunne ei den.

Dog var der orde andre
som en da fikk i sving
- ideen ville vandre
- der vandret nogen ting.

Og vennens örer vifter
han vet: nå kommer ord.
Han ordets innhold sifter
ved ordets eget bord.

Hvert ord med idebiter
skal inn i dette spil.
Hans hjerte ljuvt påliter
hvad laget hjernen til.

Ideen, der opdukket
og drev til ordespil -
er denne derved slukket?
Det spörs: Hvad ble den til?

* * *

(214)

Júní 2004

MR59 mótar stefnuna
- fyrsta miðvikudag í mánuði frá september 2004

Finnumst aftur, félagar,
fögnum glöð í lundu
meðan okkar forna far
fléttar ögurstundu.

(213)

2.-4. jan. 2004

Í Fiskinesi

Gistum við Pétur Örn hjá Þóri Hauki Einarssyni og Lilju Sigrúnu Jónsdóttur í Fiskinesi við Drangsnes. Sigrún sýndi mér listaverk sem hún hafði unnið í námi og var myndskreytt ævintýri frá umhverfi Fiskiness. Bæði þessi kvöld hófust seint - því við fórum úr Reykjavík fyrra kvöldið en frá Ísafirði það síðara. Við sátum því saman svo sem einn sjávarfallstíma:

Er sem nemi kynjakall,
klettamyndir lesi,
meðan sit eitt sjávarfall,
sæll í Fiskinesi.

(212)

18. des. 2003

Helgarvetur! Skreppum skjót,
skoðum ísalinginn,
Merkurár og Markarfljót:
Merkurvatnahringinn!

(211)

4. okt. 2003 

Gott er stef með góðu rími -
gæða fólk og góðir fundir,
góður dagur, góður tími,
góðir vinir, góðar stundir.

(210)

14. des. 2002 

Ísland - þar sem allir hugsa sitt -
og er menn standa frammi fyrir vanda
veit hver og einn að arfa-rangt er hitt!
Aðeins ég á réttu hef að standa!

(209)

10. júlí 2002

Ókum hingað árvökul
og í tákn var lesið:
leiðin upp á Langjökul
lá um Skálpanesið.

(208)

25. ágúst 2001

Hjá Irmu:

Eru komnir ungir tveir
og með bros á hvarmi:
Það er Ágúst Örn og þeir
Alexander Bjarmi.

(203-207)

Sumarferðin 2001

um Norð-Austurlandið

4.-5. ágúst 2001:
Í gestabók Réttarkots - en það hús reyndist langtum glæsilegra en kot-nafnið gefur til kynna:

Fagnar lúi ferðasveins
fínu Réttarkoti
gistir seint í öðru eins
úrvals glæsisloti.

6.-7. ágúst 2001 í gestabók í Ytralóni:

Hver sem þetta lúinn les
lyfti huga glaður:
Ytralón við Langanes
er ljúfur gististaður.

10.-11. ágúst 2001- í gestabók Sigurðarskála í Kverkfjöllum:
Húsverðir voru þær Rakel og Sirra. Stæld hrynjandi Jóns Helgasonar í Áföngum:

Kverkfjallavættir kyrja: Hæ!
kalla á fætur lýði.
Litríkt er hvolf um lognsins bæ
laugar nú sólin gríði.
Sumarið veitir blíðan blæ
bljúgur er andinn þýði.
Rakel og Sirra sitji æ
Sigurðarhús með prýði.

10. ágúst  2001- í Sænautaseli:
Það eru hjónin Björn Hallur og Lilja sem sinna ferðamönnum í Sænautaseli. Heitar lummur eru lostæti staðarins:

Bóndinn í Sænautaseli
segir okkur af kúnni.
Allt er á hverfanda hveli
- hvar má nú leita að frúnni?


Í Sænautaseli er næði
og sætt fyrir þá sem vilja
og lummurnar bjóða þau bæði
Bjössi Hallur og Lilja.

(202)

27. júní 2001

Hólmfríður Þórisdóttir - fertug

Fríða - með sinn innri eld
alla vefur hlýju
og er núna - að ég held -
orðin 40.

(201)

21. júní 2001

Aðalbjörg Eir Endurnýjar skírnarheitið
Veisla í Haukahúsinu á Ásvöllum 24. júní 2001

Glöð og broshýr, fim og fjörg
fari lífs á degi
okkar snjalla Aðalbjörg
Eir um gæfuvegi.

(200)

Maí 2001

Katrín Valgerður útskrifast úr Listaháskólanum

Legg ótrauð á lífsins stig,
listin bætir haginn.
Heill og gæfa heiðri þig!
Til hamingju með daginn!

(199)

29. apríl 2001

Guðrún Andrea fermd

Signir daginn sól á sprangi
um Selfossbæinn
og við óskum að þér gangi
allt í haginn.

(198)

8.04.2001

Leifur Ingi Vilhelmsson fermdur

Sindrar land í sólarkossi
- signd er okkar ósk og von:
ljúft og milt þér lukkan hossi,
Leifur Ingi Vilhelmsson.

(197)

8.04.2001

Assa Ósk fermd:

Yndisveröld augað sér
- allt fer þér í haginn.
hamingju við óskum þér,
Assa Ósk, með daginn.

(193-196)

20.01.2001

Hvatningarvísur

Eitt er gott um allan veg
og sem aldrei bilar:
úthaldsþrjóskan elskuleg
árangrinum skilar.

Vinnur áfram - veist að senn
verkið klárast - undan brunar -
þá er ljóst að þú ert enn 
þrjóskari en sjálfið grunar.

Tökum þétt í tímans hramm
tálmar undan hníga
eina leiðin liggur fram
- lát ei undan síga.

Vart þó hafi tíma tímt
og trufli kvíðinn ærni
verkefnin sem við er glímt
veita snilld og færni.

(192)

20.01.2001

Árangursdraumur kennarans um nemandann er svona:

Líða dagar, líða ár,
líða sérhver sinni:
vertu alla ævi klár
eftir okkar kynni.

(191)

15.01.2001

Í gestabók hjá GGí

Þú sem lítur þennan stað
því mátt yfir lýsa
að hér finnist fest á blað
fremur ódýr vísa.

(186-190)

4. janúar 2001

Kveðja við fráfall Svövu Jónsdóttur á Snælandi.
Svava var frá Geitavík í Borgarfirði eystri. Hennar maður var Halldór Pétursson, rithöfundur, fæddur og upp alinn á Héraði. Hann starfaði hjá Iðju, félagi verksmiðjufólks, og síðar lengi hjá Kópavogshreppi og Kópavogskaupstað. Bræðurnir Halldór og Runólfur reistu húsið sem þá hét Snæland 2 árið 1947 en Runólfur var þá annar bóndinn á Snælandi við Nýbýlaveg í Kópavogi.

Árið 1967 fluttum við hjónin inn í austurendann - þar sem Runólfur áður bjó. Halldór og Svava bjuggu hinum megin í húsinu en hljóðbært þil skilur húsið í tvær íbúðir. Við vorum því hvor um sig - fyrir handan. Halldór féll frá tíu árum fyrr.

Snæland geymdi mannamót
mörg var gestablandan
er Héraðsbur og borgfirsk snót
bjuggu fyrir handan.

Undangenginn áratug
áttu hvort sinn veginn
hittast nú við brautarbug
að búa hinum megin.

Halldór alheim er að þvo
í óði sólarlagsins -
hefur gullvagn sendan svo
Svava njóti dagsins.

Halldór kallar hátíð þá
hóar vinum snjöllum
Svava veislu annast á
Iða- grænum völlum.

Nú er kominn tími til
að tala, brosa, fagna!
-
Þökkum gott við gamalt þil.
GÓP og Ragna.

(185)

25. sept. 2000

 

Irma Geirsson áttræð - sjá hér

Ævihafið yfir fer
eilíf tímans gára:
Irma Geirsson orðin er
áttatíu ára.

(184)

26. ágúst 2000

Nú er frændaflokkur glaður
- fínt er vín sem konan lagðí
víst er það þó verst að maður
verður bara fullur afðí.

(183)

27. ágúst 2000

Skírður Friðrik Óli Kristinsson og Guðbjargar

Eigðu ráð og úrlausnir
æ á friðarstóli.
Heila ævi hafðu byr.
Heill þér, Friðrik Óli!

(176-182)

18. júlí 2000

Þórsmörk
Texti: GÓP - 18. júlí 2000
Gaeliskt þjóðlag: - Cat Stevens/Morning has broken

Þórsmörk er alveg einmuna staður
ymur þar galdur árið um kring.
Þar kem ég bjartur, þar kem ég glaður,
þar kem ég hljóður - og þar ég syng.

Jökullinn Mýrdals, jökullinn Eyja
Joldustein kalla útvörðinn sinn.
Tilkomumikil Tindafjöll hneigja
tindrar í sólu hvíthaddurinn.

Markarfljót dunar, mylur á eyrum
mynnist við Þröngá - óma þar gil,
áfram þær renna, eiga með fleirum
átakafundi: Krossá er til!

Hérna er Mörkin, hérna er friður,
hérna er bunulækurinn tær,
fljótanna niður, fuglanna kliður -
fannhvítur jökull blikandi skær.

Sólbráðin iðar, ólgar og æðir
ofan í iður og út um tær
safnast í strauma síðan hún flæðir
- sér þá ei lengur að hún var snær.

Veðursæld ríkir árið á enda
áveðrin kyrrir jöklanna skjól.
Byljir og hret á björgunum lenda.
Blíðasta ró um dali og hól.

Ársólin glóir, glampar á viðinn,
gliti á vatnaspegilinn slær:
Hér á ég tímann, hér á ég friðinn,
hér er mér opin Þórsmörkin kær.

(156-175)

22.-23. janúar 2000

Myndirnar
eru

HÉR !!

Myndatextar í  Þórsmerkurferð

Ókum austur veðravor
- vildum finna björkina.
Víða lagði vatnaspor
vetrarferð í Mörkina.

Ljúf er veröld, logn er á,
léttur er´ann Blesi -
engar fannir er að sjá
inní Langanesi.

Jóni Agli af er sagt:
á sinn gleðipinkil.
Hann til gamans hefur lagt
höfuðið í vinkil.

Stakkholtsgjá á hægri hönd
horfum fram á Stakkinn.
Handan ganga Goðalönd,
gegnt þeim: Stangarslakkinn.

Krossá umdi ljúflingslag
létt var því að finna vöð
ákváðum þann eina dag
yfirferð í hliðar-röð.

Ekki verður öllum kalt
er á snjónum lenda -
eftirvænting eflir allt
inn við Stóra-Enda.

Angar sýnast - eins og hér -
orðnir rótabenda -
Jóni Agli - eins og mér -
inní Stóra-Enda.

Brekkurnar til beggja handa
- bratt er undir hamraþili -
Þórir og hann Óli standa
yfir Litla-Enda-gili.

Ef ég mætti óskir senda
einni mundi þannig haga:
Steinboginn í Stóra-Enda
standi alla mína daga.

Myndirnar eu HÉR !!

Hér er þessi mikla mynd.
Merkilega gaman
er að finna fjall og tind:
fjórar myndir saman!

*

Myndirnar
eru

HÉR !!

 

Sigmundur er ætíð snar
öruggur við stýri -
Merkurferðin veit ég var
vatnaævintýri.

Allt er hér með einum blæ
og af léttum toga
útí logni, útí snæ
eldaskíðin loga.

Ellefu hún orðin er
og á degi nýjum -
Eggjarnar í blámann ber.
Blikar sól í skýjum.

Er sem stefni allir á
Einhyrning - með spjótið!
Yfir fara þurfum þá
þunga Markarfljótið.

Margur gleðigaukur hló
gaman er á völlunum -
og má líta ögn af snjó
uppá Tindafjöllunum.

Myndirnar eru HÉR !!

Markarfljót á aurum er
oft með þungum hætti
- sá sem ugg í brjósti ber
björgulegri þætti.

*

Myndirnar
eru

HÉR !!

Hvernig var nú vistin þeim
vinum sem hér dvöldu
innfrá fyrir öldum tveim
í árferði köldu?

Þið sem eruð allir hér
ævintýri hljótið
af því að nú ætlum vér
yfir Markarfljótið.

Myndatökumaðurinn
má í engu slaka:
strax er fundinn staðurinn
- stokkið svo - að taka.

Yfir skafli er eitt ský
- einhver grasapjatla -
þar sem fossinn fellur í
fagurgerða Katla.

Göngum við á Gunnarsstein
- gamall bálkur vísar.
Rangá af sér ryður ein:
- rosalegir ísar.

Myndirnar eu HÉR !!

(155)

Desember 1999

Jól - opnun nýrrar gestabókar hjá GGí:

Allt sem tíminn yfir ók
er í minnislundi:
geymir þessi gestabók
góðra vina fundi.

(154)

21. júní 1999

Árnaðaróskir:

Fallegt hús á fornu býli
fullt með borð og stóla.
Ást og hlýja ætíð skýli
æsku Smáraskóla.

(152-153)

Maí 1999

Unimog 4004 auglýstur - og seldur:

Fyrst var hann auglýstur:

Stærstu tegund á ég af
Unimog til sölu.
Ók þó færi allt á kaf
- og í veðri svölu.

Síðan var hann seldur. Hann hafði verið kynntur á vefsíðunni svo þar þurfti að setja upp tilkynningu um að hann væri seldur:

Upplýsingar yður flyt:
Unimog er seldur.
Ekur bráðum - og á vit
ævintýra heldur.

(151)

Ágúst 1998

Þorgeir Þorgeirson, kvikmyndagerðarmaður og rithöfundur, ritar nafn sitt með aðeins einu s-i. Þar um hefur hann átt í nokkru stappi við staðlastjóra Hagstofu Íslands

Þorgeir hefur þennan sið -
það menn gerir hlessa:
neitar hann að notast við
nema annað essa.

(150)

28. júní 1998

Sjá (709)

Ragna Freyja Gamalíelsdóttir 80 ára -

Ævifleyið áfram ber
eilíf tímans gára:
Ragna Freyja orðin er
áttatíu ára.

(149)

Annað gildismat

Annað gildismat
Þegar kaupmaðurinn missti konuna sína fór hann að endurmeta stöðuna. Verslunin gekk vel, húsið hans var stórt og nýtt og einkasonurinn var vel giftur og þau áttu tvö yndisleg börn. Hann ákvað að gera þeim vel. Hann eftirlét syninum verslunina fyrir málamyndagreiðslu sem aldrei var raunar innt af hendi og hann bauð þeim báðar hæðir hússins en flutti sjálfur upp í tvö herbergi í risinu. Þau voru hjartanlega þakklát og gleðin geislaði af þeim.
Þegar árin liðu varð þessi tilvera æ hversdagslegri og þar kom að gamla manninum fannst veruleg breyting orðin á viðmóti sonar síns og fjölskyldu hans í sinn garð. Það var orðið engu líkara en þeim þætti hann vera orðinn eins og niðursetningur á heimili þeirra. Þetta féll honum afar þungt.

Hann ræddi þetta stundum í trúnaði við fornvin sinn sem þótti hér komið í vont efni. Eitt sinn þegar þeir hittust sagði vinurinn að þeir skyldu taka til sinna ráða. Hann hafði tekið með sér eina milljón í peningum og lét gamla kaupmanninn hafa. "Í kvöld kem ég í heimsókn til ykkar" sagði hann. "Ég þekki son þinn vel og hann er vel stæður. Þegar við höfum allir spjallað saman stutta stund þá ber ég upp erindið sem er á þann veg að ég eigi í skammtíma erfiðleikum með fjármögnun og bráðvanti eina milljón strax. Það mun sjálfsagt standa í syni þínum að verða við þeirri málaleitan að lána mér þá peninga. Þegar það er sýnilega komið í þrot þá skalt þú koma hógværlega til skjalanna og bjóðast til að lána mér upphæðina. Eftir viðeigandi gleði mína skaltu fara upp til þín og dvelja þar dálitla stund en koma svo aftur niður og láta mig hafa þessa peninga."

Þetta gekk nú eftir. Vinurinn kom í heimsókn og fór fram á skammtímalán sem sonurinn sá engin ráð til að verða við. Gamli kaupmaðurinn kom þá til skjalanna og sótti upp í herbergið sitt eina milljón í peningum sem hann lét vininn hafa.

Eftir þetta gerbreyttist viðhorf sonarins og eiginkonu hans til gamla mannsins og nú var eins og hann væri aftur orðinn dýrmætur hluti fjölskyldunnar. Þegar hann dó flýttu þau hjónin sér að kanna herbergið hans nánar. Þar fundu þau ekkert fémætt - aðeins umslag sem stílað var til þeirra. Í því var þessi vísa:

Ég er farinn allra veg
- ást og hlýju ykkar finn.
Okkar tíð var yndisleg -
einkum seinniparturinn.
(148)

8. apríl 1998

Aðalbjörg Eir 11 ára

Árin komi, mæt og mörg,
milt ég til þín pára
bestu óskir, Aðalbjörg,
- orðin ellef' ára.

(147)

18. febrúar 1998

Pétur Örn 49 ára

Töfra bjóða tímans dyr
- tökum þátt og hikum eigi -
hamingju- og heillabyr
hafir þú á nótt sem degi!

(144-146)

31. janúar 1998

Bragi Skúlason sextugur.

Bragi og Ingunn héldu teiti í Tjarnarbæ við Sauðárkrók þar sem komu stórt hundrað manns og stóð fram á nótt. Aftast á síðu gestabókarinnar er þessi vísa:

Pennann minn ég ber á blað
- bráðum fer að daga -
dýrt ég met að eiga að
Ingunni og Braga.

5. febrúar 1998 - var gengið frá VHS-spólunni með afmæli Braga. Á spólubakinu eru tvær vísur. Önnur segir frá því að í afmæli Braga kvaddi sér hljóðs Jón, skólastjóri í Hólum, og kom víða við en sagði m.a. að það mætti ráða af göngulagi Braga hvort hann væri ánægður með verk sitt:

Jón í Hólum stakk við staf,
sté til árs og daga:
gæðastaðal greindi af
göngulagi Braga.

Með kveðju frá okkur RFr fylgdi þessi vísa:

Hugur veit af vinastað
vestan Tröllaskaga
bjart er þeim sem eiga að
Ingunni og Braga.

(143)

21. desember 1997

Þórir Pétur Pétursson skírður

Vaskur skírður var hann á
vetrar-sól-stöðunum -
framtíð kemur - fer hann þá
fimur á vöðunum.

(142)

13. desember 1997

Vísa næsta árs

Vinda tímans oft er undruð
aldrei leitar sátta -
nú er komið nítján hundruð
níutí'og átta.

(141)

1. nóvember 1997

 Laugardagur hjá GGí

Í vari hjá mömmu eigum við eina stund:
ofan í hugann seytlar rósemd og friður,
æsingur hjaðnar og glæðist hin létta lund
og loks verða áhyggjur allra sem dúnn og fiður.

(140)

19. okt. 1997

Á Ljósafossi hjá Irmu

Blikar á bláa strengi
blíðan er endalaust
tíbrá um teig og engi
- tindrandi fagurt haust.

(139)

18. október 1997

Í matarboði hjá Freyju og Þóri

Fölur er skógur og farið að dimma
- fléttast um himininn bjarmar í loga -
þá komum við hingað á Klapparstíg 5A
í kvöldverð af algjörum hátíðatoga.

(138)

27. júlí 1997

Í Berlín - Guinnes-gestabók.

Þar var 40 tonna gestabók sem stefnt var á að verða heimsmetsbók og fá inni í heimsmetabók Guinnes. Þar bættu RFr og Irma nöfnum sínum við og þangað fór einnig þessi vísa:

Sá hér orðum eftir tók
á því getur klifað
að í Guinnes gestabók
GÓP-i hefur skrifað.

(137)

19. júlí 1997

Á Eyrarbakka

Gísli Jakobsson og Johanne voru á Eyrarbakka og einnig Signý dóttir Jagga og Jon maður hennar. Þar var margt fólk bæði skylt og einnig tengt Geirakoti þar sem Gísli var í sveit. - Í gestabók:

Stundin er flogin með fögnuð í sinni
en framtíðin lengi skal minningu vagga
um hópinn af fólki sem hérna var inni
er hér komu Gísli og Signý hans Jagga.

(136-138)

5.-8. júlí 1997

Guðrún Gísladóttir og GÓP í Norðurlandsreisu

Við skoðuðum minjasafnið á Akureyri:

Það er nú ekkert voða, voða
með verðlausa hluti fleiri og fleiri,
- mér fannst samt ágætt að mæta og skoða
Minjasafnið á Akureyri.

Við gistum í Skúlagarði í bjartri og sólríkri hásumarsnóttinni og fögrum morgni:

Þessi veröld er af fegurð full,
ég fór hér út í logn og sól og starði -
það var morgunstund sem gaf mér gull
að geta vaknað upp í Skúlagarði.

GGí færði Safnahúsinu á Húsavík myndir úr fórum Herdísar Jakobsdóttur. Úti voru veður mild og inni gekk hugurinn í bland við næstliðna öld:

Veröldin er engu lík
- öll með blíðuveður,
Safnahús á Húsavík
hug og auga gleður.

(135)

30. júní 1997

Kveðja til Jóns úr Vör

Vísa með bókinni Í erli dægranna til Jóns úr Vör. Textinn allur á blaði festu fremst í bókina Í erli dægranna:

30. júní 1997 - Atvikin hafa gert mér þá gleði að ég hefi kynnst Jóni úr Vör. Á næstliðnum þrjátíu árum áttum við fyrst samstarf og síðan góða viðkynningu og hann hefur gefið okkur Rögnu Freyju nokkrar ljóðabóka sinna. Þessi atvikaflétta veitir okkur kærkomið tækifæri til að færa honum þessa ljóðabók.

Orðsins jöfur, Jón úr Vör,
jafnan höfuð bragsins!
Hér í stöfum: Erill ör,
und og töfur dagsins.

(134)

27. maí 1997

Jón Sæmundsson 75 ára - vísa í skeyti:

Léttur - og í lyndi glaður,
ljúfur sínum frændum öllum.
Heill þér, vin og heiðursmaður!
Heill þér, Jón frá Krakavöllum!

(133)

27. maí 1997

Við útför Þóru Jóhönnu Jónsdóttur.

Þóra starfaði mörg ár með RFr við Sérkennslustöð Kópavogs og líka eitt ár sem við vorum öll saman ásamt Karli Jónssyni í Hlaðgerðarkoti.

Langt er nú síðan að ljúfast við kvöddumst.
Lýsir enn huganum minningasproti
er saman við unnum og saman við glöddumst
í Sérkennslustöð og í Hlaðgerðarkoti.

(130-132)

21. maí 1997

Íslenski Everest-dagurinn

Þreyttir - en UPPI! á Everest
eftir torfæru-sniðglímur -
inntu af höndum afrek mest:
Einar og Björn og Hallgrímur.

Fýsti að kanna þol og þor
þreyja frostið og fjallavindinn
klifu æ hærri klettaskor -
klifu að lokum upp á tindinn.

Þeir hafa klifið Gríðar-Geir
- gætilega með færni slynga - .
Án þess að ætla - eiga þeir
aðdáun allra Íslendinga.

(129)

18. maí 1997

Fermingarsystkini GGí hittast á 100 ára afmæli

Eyrarbakkahrepps Liðin eru 63 ár frá fermingardeginum og aðeins eru eftirlifandi 8 af 16 eða 17 alls. Samkoman var í Gamla-Læknishúsinu.

Ennþá vakir æskugaman
aftur er ég orðin(n) krakki.
Hingað okkur hóar saman
100 ára Eyrarbakki.

(128)

12. maí 1997

Svona fæðist staka:

Hugur nær í niðurlag,
nokkrar myndir vaka,
svo er málið sveigt í hag:
svona fæðist staka!

(124-127)

5. og 12. maí 1997

Nokkrar veðurvísur

12. maí - nú tindrar allt
- talsvert betra veður:
nú er ekki norðan-kalt
- nýtt sem skjaldan skeður!

6. maí er sól við hnjúk
- sindri landið klæðir -
þó er bæði frost og fjúk:
Fýkur yfir hæðir.

5. maí 1997

Jökulsins blik er í blænum
og blikið er næturkalt
og enn er'ann svalur af sænum
þótt sólskinið ylji allt.

þessi vísa var ranglega dagsett þann 6. maí og þegar það uppgötvaðist varð þessi til:

Núna er ég alveg hlessa
- ei er tíminn kyrr!
Ljóst er að ég orti þessa
einum degi fyrr!

(123)

22. mars
1997

Til Karls Jónssonar.

Um traust og lipurt aksturslag Karls Jónssonar - hvað sem á gengur og hversu stór sem bíllinn/rútan er.

Öryggið er ökusiður
- eins þó verði ögn að ralla
út og suður, upp og niður -
enginn ekur á við Kalla.

(122)

Mars 1997

Fannst endilega að til þyrfti að vera vísa sem endaði á orðunum: Sjoppurnar við styrkjum seinna

Rennur sól og roðar brúnir rinda hreinna.
Sjáum betur, sjáum beinna -
sjoppurnar við styrkjum seinna.

(121)

Á Skírdag
vorið
1997

Gíslavinafélagið fór á Skeiðarársand  í einmuna veðri.

Ánægð, glöð og einnig þreytt,
augun eins og stjörnur skinu -
Skeiðarförin gekk nú greitt
hjá Gíslavinafélaginu.

(120)

4. mars 1997

Seinniparturinn er svo ágætur að maður eiginlega verður að búa til á hann fyrripart

Margur afar orðstæltur
með andans sáld
heitir áður hagmæltur
en höfuðskáld.

(119)

18. janúar 1997

Á Þórsmörk - vetrarferðin

Öndin kemst á æðra stig
- yndi býr í sinni -
hamingjurnar heiðra mig
hér á Þórsmörkinni.

(118)

16. febrúar 1997

Skírð Þórey Kristinsdóttir Sigursveinssonar

Snertir alla snótin björt
snemma broshýr þóttir
þraut að gleði þú færð gjört,
Þórey Kristinsdóttir.

(117)

5. febrúar 1997

Ásdís Guðjónsdóttir

Ásdís fertug! - snjöll og börnum blíð
og bjarminn hlýr -
af Dalbraut færðu ósk um úrvalstíð
og ævintýr.

(116)

9. des. 1996

Voða-vísur:

Við mig hefur viljað loða
- vart þó talist geti skaði -
að ég hefi verið voða
veikur fyrir auðu blaði.

Í desember er dagur voða
dimmur mestanparts
en mér væri skemmt að skoða
Skeiðará í mars.

(114-115)

4. des. 1996

GÓP+GGí+Sigr.Ásm.+Eva í Selfoss-Eyrarbakki-Rvík að vitja Sigurðar á Sjúkrahúsinu á Selfossi. Inni á Kaffi Krús:

Þett'er gott og gamalt hús
og gleðina ég með mér ber.
Ég er inná Kaffi Krús
og kominn fjórði desember.

Í Gamla læknishúsinu á Eyrarbakka: (Veðrið hafði verið eindæma fagurt)

Yfir háls og yfir heiði
- yfir fjallagoðann -
ökum við í óskaleiði
inn í morgunroðann.

(113)

21. september
1996

Við útför Hreiðars Jónssonar bónda í Árkvörn (19.01.1918 - 14.09.1996)

Þegar lít ég þunda jörð
þeysa sé ég Hreiðar
yfir hæstu himinskörð
- hefur tvo til reiðar.

(112)

1996

Gleðilegir áfangar!

Það er alveg yndislegt
áfanga að fagna.
Ykkur gefist gleðilegt!
GÓP og Ragna.

(111)

1996

Til Litlu Kaffistofunnar

Blikar ljós er ber mig nær
- börnin staðinn lofa -
hvíldar-unað lúnum ljær
lítil Kaffistofa.

(110)

Maí 1996

Við útför Sigríðar Sigurðardóttur

Afl þitt og orku sóttir
í Eyjafjallabrag
Sigríður Sigurðardóttir
sem við kveðjum í dag -
sem ég kveð í dag.

(109)

13. apríl 1996

Sigurður Gíslason áttræður
Írskt þjóðlag: Wild Rover

Hann Sigurður Gíslason áttræður er
því apríl er kominn og vorið er hér
og ömmubörn leiðast í læknisins hús
og lyfta hér glösum - þó í þeim sé djús
--
segja: Hæ! hó! Siggi!
* * * hér er veisla og fjör!
Hér dokar nú stundin,
á stanslausri för.

(106-108)

1996
8. júní

Hotel Lugi Luci - (sent í faxi)
Lavinio
Italy
c/o The Árnesinga-Choir
Ragna Freyja Karlsdóttir

Ragna Freyja!
Til hamingju með afmælið!

Alls hins besta óskum þér
- og með sykr´og rjóma!
Engu er líkt að eiga sér
afmæli í Róma.

Þar er mildur himinn hár,
hlýjar stjörnur ljóma
og Árnesingakórinn klár
kirkjur lætur óma.

Yfir höf og yfir sker
öndin teygir góma
þegar kórinn kveður þér
kæran vinarsóma.

(103-105)

1996
26. apríl

Bestu kveðjur >> Gunnar Eydal - Cambridge - England

Hæ! Gunnar Eydal og Ásgerður!
úti á Englajörð -
þegar'ðið komið - þá verður
þíða við Eyjafjörð.

Komið þá heil um hafið blátt
- hlaðin vonum og þrá -
gangi svo allt í óska-átt
með ævintýri á brá.

Ísland þá ykkur unað ljær
- upp rísa grös og lyng,
bjarma á Gjögursbarminn slær:
bjart verður sólarhring.

(102)

3. apríl
1996

Tifar fjólan fjaðurmild,
fjöllin höfuð hneigja,
sjá - hér er hún Íris Hild -
ássins huldumeyja.

(101)

22. des
1995

 GÓP, GGí og Sigríður Ásmundsdóttir í Eyrarbakka- og Stokkseyrarferð.

Gerð var ferð af þessum þrim
- þokkinn blikar, forni.
Morgunskjanna ber á brim
bjart á vetrarmorgni.

(100)

4. okt
1995

Við Ljósafoss

Þó það virðist vera flaustur
veit ég að það er
fjarska gott að fara austur
fjórða október.

(99)

2. sept
1995

Samúel Guðmundsson 60

Fórum við háan fjallaveg
í fegursta mánaskini!
Myndin er eftirminnileg:
margt var um trausta vini
með inngripin örugg og elskuleg.
Einum af þessu kyni:
sextugum kveðju sendi eg
Samúel Guðmundssyni

(98)

28. ágúst 1995

Á fyrsta kennarafundi í MK

Kjörin eru orðin skar
aurinn upp er urinn
þó af öllu verstur var
verkfallsárangurinn.

(97)

22. ágúst 1995

Sverrir Hilmarsson fertugur.
Vinnudagur á Eyrarbakka við að slá upp stillönsum. Til staðar eru Sverrir, Steinunn og GÓP.

Léttur er þinn lipri hæll,
leiftra augun hlýju.
Alla ævi sértu sæll!
Sverrir, fjörutíu.

(96)

12. ágúst 1995

Fyrripartur á botn!

Fer minn óður fyrir bí
fremur óhaglega
stuðlum þó hún stendur í,
stakan ódauðlega.

(95)

30. júlí 1995

Í Eyrarbakkaferð

Enn er heimsókn austur gerð
- eflist ættarkraftur
við Eyrarbakkaökuferð
og í bæinn aftur.

(91-94)

22. júlí 1995

Sumarferðin á Njáluslóðir

Einmuna veður
Laugardaginn 22. júlí 1995 í logni og glaða sólskini var haldið austur úr Reykjavík og sem leið liggur eftir gamla veginum um Svínahraun. Hann var fyrst lagður 1877-8 og síðan lagaður og endurbættur á sama stað en nú er hann víða orðinn harla grýttur. Við gengum um Kolviðarhólinn í stafalogni með sól á heiðum himni. Þó skyggndumst við árangurslaust eftir Búasteininum í fjallinu norður frá Hólnum því ekkert okkar þekkti hann - þótt hann væri bara rétt vinstra megin við slóðina upp í Yxnaskarðið - ofan við spýtnabrakið úr skíðastökkpallinum.

Skein yfir landi sól á sumarvegi
Stundum hefur verið haft á orði að höfundar margra Íslendingasagna hafi ekki aðeins klætt persónur sínar litklæðum við hversdagsstörf heldur einnig gætt þess að hafa alltaf úrvals veður - rétt eins var þennan bjarta dag:

Frammá skjómans skæru tíð
skarpur hjó menn víða,
sólarljómi lék um hlíð,
- logn og rjómablíða.

og silfurbláan Eyjafjallatind
Jökullinn skartaði sínu fegursta og taðan angaði þegar við áðum við Hlíðarendakirkju:

Tær er veröld til að sjá
tifar urt í blænum.
Hugarsjónum horft er frá
Hlíðarendabænum.

Síðan gleymdum við okkur um stund í litríkum viðburðum Njálu.

Réttrar sjónar kelda
Í Rauðaskriðum og á Bergþórshvoli var kominn nokkur andvari en útsýnið ógleymanlegt upp til fjallanna og út til Vestmannaeyja. Þaðan var haldið um Hvolsvöll að Keldum á Rangárvöllum þar sem menn böðuðu augu sín með vatni úr nærlægri lind sem í hópnum var nefnd Maríu-brunnur og taldist veita öllum rétta sýn:

Ef að týnist rétta rýn
ráðasón ég melda:
bætir rýn og réttir sýn
réttrar sjónar kelda.

Mjög jókst mönnum réttsýni við þetta
- en ef þú, lesandi góður, leggur leið þína til Keldna að finna Maríubrunninn
þá skaltu fyrst skoða myndirnar neðan við þessa grein.

Okkur dvaldist í góða veðrinu á Keldum og sungum við undirspil í kirkjunni. Síðan héldum við vestur yfir Rangárvelli, fórum hjá Gunnarsholti og að Þingskálum. Þar gengum við um búðir. Þá bar svo við að reiðmenn leituðu vaðs og fóru yfir Rangá og við gátum séð fyrir okkur hvernig þeir Gunnar og Njáll höfðu þar verið á mannþingi:

Garpur knár um garða fer
Gunnar sá hinn slyngi -
fortíð þá með okkur er
á Þingskálaþingi.

(91)

1. júlí 1995

Í Garðabæjarlaug

Um mig leika löðrin hlý
- líkt er sem ég dotti -
ljómar dagsins lúxus í
laugar heita potti.

(90)

21. júní 1995

Hugsað til gönguferðar um Rvík um miðnætti 17. júní með BBP

Endurbæta alltaf má
Íslendingabraginn
þó að allir þekkist á
þjóðhátíðardaginn.

(89)

12. júní 1995

Við útför Maríu Þorsteinsdóttur

Þó nú á kveðjur kunni
að koma nokkurt hlé
í endurminningunni
eg áfram til þín sé.

(88)

Maí 1995 

Æða-fullin hæst á hoppa
hjartans bullu - hring
ævi-gullin er að toppa
úrvals fullnæging.

(86-87)

1995
22. maí

 Í matsal Orkustofnunar

Hér sit ég glaður við bitans borð
og bregð á pappírinn penna
og fæ á örkina orð og orð
því orðin úr honum renna.

Hvað gleður mann eins og matarhlað
og matinn finn' í sig renna?
Ja - ekki neitt - nema besta blað
sem bíður hreint - eftir penna.

(85)

14. maí 1995

Í Eyrarbakkaferð

Alltaf eflist - eins og sérð -
ættar önd og kraftur
við Eyrarbakkaökuferð
og til baka aftur.

(84)

6. maí 1995

Fyrsti laugardagur

Senn kemur grunurinn græni
gróðurinn vaknar þá
varmur er andblærinn væni
- vorið er brostið á.

(81-83)

30. apríl 1995

Farið til Siglufjarðar í fermingu Karls Hersteinssonar

Í indælisveðri einn apríldag
ókum við bjarta vorsins jörð
og kvöldsólin merlaði ljóð og lag
og liti norður við Siglufjörð.

Sól hófst úr ægi yfir jörð
- allt var með hægum vindum -
morgunninn sindraði Siglufjörð
sveipaðan fjallatindum.

Og meðan gáran bærði bát
og blæinn kyrrði og kyrrði
fermd voru börnin keik og kát
í kirkju á Siglufirði.

(80)

mars/apríl 1995

Lind fær nýtt rúm

Vænum litum vefur sig
vor í björtu húmi -
lán og gæfa ljómar þig,
Lind, í þessu rúmi.

(79)

11. febrúar 1995

Sigríður Sigurðardóttir fimmtug

Afl þitt og orku sóttir
í Eyjafjallabrag
Sigríður Sigurðardóttir
sem ert fimmtug í dag.

(78)

25. janúar 1995

Afmælisteiti í kennarakaffi - Ingólfur A. Þorkelsson 70 ára 23. jan sl.

Terta mikil tætt í spað
- teiti gott við borðin -
og tilefnið er - auðvitað -
að Ingólfur er
orðinn.

(76-77)

Janúar 1995

Segi ég í jólarími:
ég var ósköp latur -
heimskulegur háttatími
heimskulegur matur.

Vinda tímans oft er undruð
- áfram veltur grimm -
nú er komið nítján hundruð
níutíog fimm.

(71-75)

31. desember

1994

GÓP, RFr, DKS
og Irma

Í áramótaveislu hjá Jóni og Ingu

Við loks erum komin, hæ! Nonni! hæ Inga!
Hæ! fjölskyldan skarpa og snjalla og slynga!
Við hér erum komin að kvöldmatarvegi
og kræsingar fljóta í dýrindis legi!
Hæ! hó! Á Gamlársdegi!

Og hér er hún Irma og hér er hann Trítill
og hann er sá eini sem er eins og bítill
og hér er hún Marta, sú hringanna skorða,
og hér er hún Katrín og Pétur - án orða.
Hæ! hó! Allir að borða!

Og kvöldið gekk áfram og upp var þá settur
einn ótölu ljósgrúi, já - og rakettur!
Já - ástæðulaust er það orðum að lengja
að ólgaði fjör meðal stúlkna og drengja
Hæ! hó! Pétur að sprengja!

Og sjónvarpið flutti oss frumlegar ræður
og fyndnir að vanda þeir voru, Gysbræður,
og hugurinn lítur um landið og sviðið
og leggur í röddina kærleikasniðið:
Hæ! hó! Takk fyrir liðið!

Já! Fljótt er svo komið að fortíð er blánuð
og farið að hugsa um janúarmánuð!
Já! komandi tímar - svo veraldarvíðir
þeir verði til gleði - svo mildir og blíðir!
Hæ! hó! Farsælar tíðir
!

(68-70)

Desember 1994

Svar til Magnúsar Kr. Jónssonar

Þegar stefið frá mér fer
finnst mér rétt að lýsa
yfir því að þetta er
þrítug jólavísa:

Ganga jól um garð og hól
gleðja sjóla skjaldar.
Nýjárssól við norðurpól
næturkjóla faldar.

Þakka styrk - og það að fá
þel af óða-steðja.
Hérna kemur, frænda frá,
friðarjólakveðja.

(67)

11. nóv 1994

 

GÓP-fréttir á einum stað
og auðvitað til þess að
ef að þú vilt eiga blað
að þú getir tekið það.

(66)

12. okt 1994

Til Vikars með ferðabók Nansen:

Þessi bindi, þykk og blá,
þóttu forðum skólinn
Nansen sjálfur segir frá
svaðilför á Pólinn.

(65)

16. ágúst 1994

Leiðbeining til sundlaugagesta:

Í sturtu skil ég skítinn minn
og skrúbba þegar ég fer inn
þvæ svo af mér laugarlút
líka þegar ég fer út.

(64)

6. ágúst 1994

Fyrsti laugardagur og Sigríður Ásmundsdóttir 75 ára

Hún hefur brosmild lagt sitt lið
ljómar af henni þróttur
- sætustu kveðjur sendum við
Sigríði Ásmundsdóttur.

(63)

5. ágúst 1994

Fæddur Ágúst Örn í Odense kl. 06.38

Uggs í heimi er það vörn
og óskahugur glæddur
að heillakallinn Ágúst Örn
Ólafsson er fæddur.

(59-62)

17. júní 1994

- kl. 21

Málræktarvísa Stöðvar-2 og Bylgjunnar - og Málræktarsjóðs:
Fyrri partur fyrst vísu er frá þeim:

Á Þingvöllum mun þjóðin fá
þjóðhátíð að fagna.
Ekki mun við Öxará
Íslandsklukkan þagna.

Pára verð ég Post Scriptum
pergamentið á
anda mínum upplyftum
ögn að létta á:

Stóð eg við Öxará
eina skamma lífsins stund
ég kom þá - og þú komst þá
á þjóðhátíðarfund!

Var í brjósti vonin skær -
virt og glæst var efndin!
- Þessar kæru þakkir fær
Þjóðhátíðarnefndin.

(58)

Júlí 1994

Látin tengdamóðir Böðvars Bjarka

Þegar ljárinn leggur strá
- lífsins skárar vegu -
eg við tárum aðeins á
orðin fátæklegu.

(57)

Maí 1994

Stundum er í heimi hart
- hjálpin dugar skemur -
þá er "orðið" ekki margt
er að gagni kemur.

(55-56)

1994

María Þorsteinsdóttir áttræð:

Tímabil áttu tvenn og þrenn
talhrein og einbeitt þóttir -
megirðu gleðjast mörg ár enn
María Þorsteinsdóttir.

Í DV var María ættfærð til margra presta:

Ættina prýðir prestaher
- prentað í DV - ei ég ýki -
María glögg og glettin er
gulltrygg inn í himnaríki.

(54)

21. apríl 1994

Annar sumardagur

Vetur hopa verður frá
vors því kveðju segi:
ykkur gleði óska á
öðrum sumardegi.

(52-53)

20. apríl 1994

Kópamessudagur. Á tölvubraut er Elvar Níelsson
- sem fékk eitt Max-almanak:

Sólin björt og glettin fer um geislageiminn:
- Elvar - sem var áður dreyminn -
er að fara út í heiminn.

Allar ferðir upphefjast á andartaki
er þá góður gleðivaki
að geyma það á almanaki.

(50)

Mars 1994

Þreytandi aðstaða á vinnuherbergi kennara:

Aðstaðan er ei svo ill
að ekki nái vana
en það mætti ef til vill
endurbæta hana.

16.-17. apríl 1994 var aðstaðan betrumbætt - a.m.k. til bráðabirgða:

Hér er orðið inni stætt
- allt í þekku standi -
aðstaðan var endurbætt
og er viðunandi.

(47-49)

Upp skrifað

8. apríl 1994

Verður lokum verka náð?

Verður lokum verka náð?
víst mun tími ráða
- ég kann ekkert annað ráð
en að kýla á'ða.

Klósettvísan - sem mætti gjarnan hanga uppi á mörgu almenningsklósettinu:

Öllum setum upp þú skalt
ávallt lyfta, góði,
og ef þú pissar út um allt
ertu bara SÓÐI.

Okkar menn við kjötkatlana

Liðsmenn í bláu og líka vens-
laðir á jötuna hnappast við rökin
að nú er að verða síðasti sjens
því sjálfstæðismenn er'að missa tökin

(43-46)

Feb 1994

Í En-lausu ferðinni. Veðrið var stórkostlegt á leiðinni austur sveitir.

Er sem landið okkur greiði
allar götur - faðminn breiði:
ökum við í óskaleiði
austur yfir Hellisheiði.

1994 í En-lausu ferðinni: Þá var fagurt í Mýrdalnum

Móður jörð - hvar sólin setur
sína geisla, mild og há, -
pelli býr og prýðir betur:
Pétursey er fjólublá!

* Feb 1994 í En-lausu ferðinni - í gestabók hússins í Miklafelli

Við ókum hingað í einu rúsi
yfir harða velli
og áðum í þessu úrvalshúsi
undir Miklafelli.

Feb 1994 í En-lausu ferðinni. Þetta varð síðar miðerindi í afmæliskveðjum til ferðafélaga - og að lokum í Far-roðanum.

Sjá roðann í austri! hann brýtur sér braut!
boðar fullkominn öræfadag!
Hvílík fegurð og dýrð sem oss fellur í skaut!
Hvílík fylling í ævinnar lag!
Og litflóðið háa
um ljóshvolfin blá
sem ljómar nú Íslandi á!

(42)

5. sept
1993

Ekið niður Fimmvörðuháls eftir för frá Lakalandi á Mýrdalsjökul og þaðan yfir á Eyjafjallajökul.

Hér er vörðuð braut um börð
- blæs á svörðinn, frjálsi, -
og úr hörðu er hún gjörð
á Fimmvörðuhálsi.

(41)

5. sept
1993

Þorsteinn Sólheimabóndi veitti okkur leiðsögn á Mýrdalsjökli en þar var þoka efst uppi.

Nú óku þeir kaldir um skriðjökulsker
- af skelfingu sat ég og góndi -
en sleppi ég lifandi þakka ég þér,
Þorsteinn minn, Sólheimabóndi.

(37-40)

30. nóv 1993

Á rissblaði

Ráð er að þakka - rétt er það -
risspappír Jóna skilaði
en enginn óskaði eftir að
athafna sig á rissblaði

þessvegna hef ég þetta ort
þó ekki sé það kvæði
en risspappírinn er orðinn kort
- án þess að það til stæði.

Kemur hér loksins stakan stök
- stendur á fornum grunni:
í henni finna allir rök
- eru á meiningunni:

Dagsins erill eykur brun-
ið í streitukófi
- alltaf er þó afslöppun
yfirset í prófi.

(36)

30. ágúst 1993 

Lind Freyjudóttir -

Æskusindur er um hind
ýfir vindur lokka
þetta er Lind við lífsins tind
ljúf með yndisþokka.

(34-35)

26. maí 1990

MK-söngurinn.

Lag:

Sjung om studentens lyckliga dag,
låtom oss frojdas i ungdommens vår -
Än klappar hjärtat med friska slag!
och den ljusnande framtid er vår.

Inga stormar än
i vårt sinne bo,
hoppet är vår vän,
vi dess löften tro, när vi knyta forbund i den lund,
där de härliga lagrarna gro: Hurra!

* * * * * * * * * * * * * * * *

Allt er svo bjart þennan bláfagra dag
blikandi framtíð - í æskunnar óði!
Alheimur skartar með skínandi brag -
skundum djarft fram á blikandi slóð!

Heill Menntaskólanum
í Kópavogi!
Heill! Menntaskólanum!
MK! Þar sem æskan var leikur og ástin kom senn!
Endurómar í hjartanu enn!
MK! Þar sem við öll urðum menn!
Húrra!

(33)

31. mars 1990

Auka - 'vísa Íslendinga'

Við höfum fundið fjör og gleði saman
við fögnuð bæði hals og fljóðs og pars
sem hérna þótti þrumustuð og gaman
á þessum þrítugast'a og fyrsta mars -
og nú er lýkur ljúfum vinafundi
við lítum björtum augum fram á veg
eins og á morgni geisli sól á sundi
er setur nýjan dag - svo elskuleg!

(32)

20. des. 1989

20. des. 1989.

Enn er hjá Rannveigu og Ingólfi kennarapartí
- sem ömmunni vinsælu úr Dölunum hefði þótt margt í.
Samkvæmið byrjar um fimm að hefðbundnum hætti
og hingað var öllum tjáð að koma ætti.

Í Hlaðbrekku fjórtán er alltaf mjúkt að mæta
- mér finnst það lyfta geði og andann bæta
að eiga hér inni - þegar aftur er skólinn -
eina - tvær stundir . . til þess að glæða jólin.

Hér sé ég Þorstein og Jóhann og hér sé ég GÓPinn
- já, hér sé ég mestallan MK-kennarahópinn -
dasaðan ögn - en öll hefur önnin blessast
og allir því byrjaðir strax að braggast og hressast.

Á góðri stundu er ljúft að líta til baka
og láta hugann við samstarfið gæla og vaka
frá önninni fjöldamargs er að minnast og geyma
en margt er það raunar líka sem best er að gleyma.

Á jólatrénu logar mörg ljósaperan
og leiftrar hlýleik útyfir veraldarfrerann
skiptir þá minna máli hjá konum og köllum
að kannski hefur þar aldrei logað á öllum.

Í þessari vísu þakka ég önnina alla
allt sem er gengið - með kosti sína og galla -
GLEÐILEG JÓLIN og gangi ykkur allt í haginn
og gifturíkan hvern komandi framtíðardaginn.

Svo hittumst við, félagar, öll eftir áramót aftur
eins og því stýri allsráðandi kraftur -
já, rétt eins og í okkur magnaður máttur togi
að Menntaskólanum í Kópavogi.

Nú er loksins komið að endingu óðsins
- en ég ætl'a að stýra merkingu viðtökuflóðsins:
Fyrir mér viðstaddir kannski ögn klappa megu
en klappa svo húslof þeim Ingólfi og Rannveigu!

(31)

Laugard.
22. okt 1988

Í Noregi (Kl:14.53).

Prúða og indæla Una
með ástúð og innri funa
nú áttu afmælisdag!
Ævin er afmælaruna
og af því fer mig að gruna
og yrki í afmælisbrag
í skóla þú skjótt munir bruna
og skrifa og lesa og muna
- skoppi þér allt í hag!

(30)

13. sept 1988

Í Noregi - þriðjud. (Kl:22.11).

Þið, sem fylktuð til fjalla
og fóruð um hlíðar og hjalla
þar sem orkan og æðri kraftur
uppfyllir líkamann aftur
skriður klifuð og kletta
klár - og án þess að detta -,
Jóhann, Una og Anna -
eruð nú komin til manna.

(28-29)

Des 1987

Jólakveðja

Hækkar á himni sólin
hér upp við norðurpólinn
fer hún um stjörnustólinn
og styttir skammdegiskjólinn

Rauð eru byggðu bólin
bjarmar á þökin og hólinn
- snúast hátíðahjólin -
hafið það gott um jólin!

(27)

Des 1986

Jólakveðja

Ár eftir ár eftir ár ...
verður það erfiðara
að láta töfraloga æskujólanna tendra sálina.
Þá eru börnin himnasending!

Þeirra jólaævintýri
kemur svífandi á töfraskýi kl. 6 á aðfangadagskvöld
og umvefur þau.

Þessir töfraálfar ævintýrisins!
Eftirvænting þeirra
umvefur okkur og glæðir jólalog í brjóstið
- ár eftir ár eftir ár ...

(15-26)

Úr vísum

frá

maí 1983

Nefndir eru kennarar við MK

Upp ég stend og vísu vel
- vona að fyrtist enginn -
Þorstein, formann, fyrstan tel,
fræða og lista drenginn.

Ingólf nefna milding má
- minnir á Seif að ráðum:
Ólympos hann er að fá
- Aþena kemur bráðum.

Kennir, togar, áfram ýtir
ungu hjörðinni:
ákveðin sér Ásdís flýtir
eftir jörðinni.

Einörð þykir Ingibjörg
svo allir fylgja þema
- sífellt hress og aldrei örg:
yndi MK-nema.

Jóhann háa hefur raust
hæst á bláu fjalli
fer um lá og lífsins naust -
ljúfi, dáði, snjalli.

Hittir í mark með hugmynd snjallri
- hálfri - eða allri!
Fullur af útþrá - fullur af von -
Finnbogi Rútur Þormóðsson.

Sólveig okkar er á línum allra landa
og glæðir skólann fimum, fínum,
frönskum anda.

Kanadiski, norski, þýski, enski, franski Íslendingur ..
við þekkjum öll að þessi halur -
það er hann Alan Réttidalur.

Einörð mjög á allan veg -
ætíð röskleg þóttir,
geysi snjöll og gæfuleg
Guðrún Helgadóttir.

Sigurður fer oft á stjá
út að taka myndir -
á við marga aðra þrjá
er á fjallatindi.

Þegar djúpt úr ausu er
illt að súpa kálið -
Þórður kemur, Þórður sér,
Þórður leysir málið.

(15)

24. júlí 1976

Pétur Sumarliðason 60

Þótt sé hverfull heimurinn
hver sinn skerf þar hlýtur.
Besti erfiseimurinn
er að hverfa nýtur.

(14)

20. apríl 1975

Í Ölfusborgum

Til fortíðarhafsins lá hann með þulur þungar
og þeytti hraglanda fram á vegslóða dagsins -
þá lá ég til hlés hér tvær vornætur yndis-ungar
við álfaleiði og kyrrur kvöldsólarlagsins.

(13)

5. jan. 1975

 - í gestabók á Hlíðarvegi 16

Taumlaus er tímans ferja
- vér tókum oss með henni far
á brun milli brota og skerja
í brimvarir framtíðar.

(12)

Vor 1972

Sverrir Árnason - fermingaróskir og kveðjur

Eigðu í hryðjunum ætíð þann undraskjöld
að afspyrnuélin öll birtir upp um síðir
og þá muntu skynja - er hækka himnanna tjöld -
að hásalir lífsins eru bjartir og víðir.

(11)

1970

 - um skjótferð í Jökulheima
Á þessum árum fóru minni bílar yfir Tungnaá á bílakláfnum á Haldi og óku norðan við Þórisvatn, um Veiðivatnahraun að Þröskuldi undir Lýsingi og svo inn með Ljósufjöllum í Jökulheima. Þetta þótti ágætlega gert á 8 klst. Stórir bílar gátu farið Hófsvað og verið fljótari. Samt þótti GÓP aldeilis ótrúlegt þegar það fréttist að Guðmundur Jónasson hefði ekið úr Reykjavík um Hófsvað í Jökulheima á 4 klst og 15 mínútum. Þar af varð til þessi vísa:

Lítið er nú landið vort
og létt um það að streyma:
á fjórum tímum fór - og kort -
fram í Jökulheima.

(10)

15. júlí 1969

Karl Sæmundarson fimmtugur -
heillaskeyti með mynd af Hvítserk við Húnaflóa

Fimmtugum brosa himinn og haf -
heill frá jöklum og sandi.
Þér berast kveðjur þessar af
Þórsmörk og Goðalandi.

(9)

30. apríl 1969

Yfirseta í Landsprófi.
Íslensk ritgerð með ýmsum valmöguleikum
- og auk þess var gefið eitt auka-ritgerðarverkefni:

Penninn minn

Oft ertu, penninn minn, geislandi glaður
og grípur til skeiðs yfir örkina hálfa,
töfrar fram veraldir vinnandi hraður,
vindana skekur og kyssir álfa,
blómlífsins nýtur er bergmálið þýtur
og bláheiðið hvíta þér lýtur.

En stundum, þá veröld er villt og flúin,
verðurðu tjáningarmátunum rúinn,
illur í skapi og öfugsnúinn
og engu kemur á blað.
Þótt sólflóðið þegnunum þráðu árni
- þá ertu bara úr plasti og járni
og þá er ei furða mér þyki og sárni
þegar þú dratthalast ekki af stað,
- og þú um það!

(8)

Mars 1968

Fossanöfnin

Gömul þula höfð eftir Höllu Jónsdóttur í Árkvörn
með nöfnum fossanna í Fossum sem er fossasvæði vestan við Bleiksárgil í Fljótshlíð.

Sídjarfur innstur sýnist mér
svo Búþarfur eftir fer,
Gendill er hér geysistór.
Gumphaus ofan fyrir klettinn fór.
Spýtingur jafnan spjarar sig
spyr hann Brúðu: Viltu mig?
Rófulangur er ræfilsgrey.
Rekkar nefna Leginmey.
Meyjarmiga er mikið pen,
má svo nefna Þriggja spen (Þríspen).
Næturótti svo nafnið ber
og nú eru upptaldir lækir hér.

GÓP endurskrifar þuluna:

Sídjarfur byrjar,
Búþarfur kyrjar.
Gendill er þriðji
þó Gumphaus ei styðji.
Spýtingur bunar
og Brúðulag dunar.
Rófu- er langur
Leginmeyjar-angur.
Meyjarmiga er oft sén
míga á Þríspen
þá Næturótti blossar.
Nefndir eru Fossar.

(7)

Des. 1965

Örnefna-
tal
af hlaði í
 Jökul-
heimum
*
 

Jökulheimar
Jólakveðja til
Péturs Sumarliðasonar, Jökulheimabónda:

Ljósufjöll og Gjáfjöll,
Gíghóll og Bláfjöll.
Gnapi, Rati, Mosaskeggur,
Garpur Fitjar, Skálaveggur,
Tungnaá og Breiðibakur,
Botnaver og Jökulkrókur.
Nýjafellið, Fóstra, Dór
fylla Jökulheima kór.

Fleygiskvísl og Félagar.
Flæðir Stak á sandi þar.
Heimabunga, Heimalind,
Hamar, Systur, Jökulmynd.
- -
Standa há í fjarska fjöll.
Fögnum næsta sumri öll.

* * * *
Athuga:
(1) Garpur Fitjar er íhlaupavinur hrynjandinnar og
(2) Skálaveggur er Skálafellið til suðvesturs frá skálanum. Það teygist frá Heimaskarði að farvegi Tungnaár. Undir því að austan er leiðin að Gnapavaði.

(6)

Sumarskreppa
1965
GÓP og RFr
Árni og Jóna
 

Við höfum sofið Eldgjá í,
átt þar skamma viðdvöl því
að um Sveinstind leiðin lá,
Langasjó og Tungnaá.

(5)

1964

Af uppskrift
Péturs
Sumarliðasonar
 

 Própaganda

Sá er hrópar hefur víst
hrif á grópun landa -
andlegt skróp er ekki síst
áhrif própaganda.

(4)

1964

Af uppskrift
Péturs
Sumarliðasonar
 

 Áróður

Hugir vefjast viðjum í
vill og sefjast greindin
siðmál refja þraukar því
þá mun tefjast reyndin.

(3)
7. júní 1961
ári undan
Rún !

Handa fljóði fann ég óð
fram úr skjóðu minni:
mærin rjóða fimbulflóð
fékk af ljóðmerinni.

(2)

Pegasus

 (gömul vísa)

Einn er léttur upp við klett
undir fjalla stalli
eykur nettan andans sprett
óðsins snjalla kalli.

(1)

 Árið 1959

(Óvíst hvenær
saman sett.)

Hugsað til ársins 1959

Minningin á bæði hlakk og hlýju -
Halló! gamalt! köllum við í símann -
1959
nær til okkar allan ævitímann.

GÓP-fréttir  * efst á þessa síðu