Skoðaðu ættartréð sem Jaggi hefur gert!!
Jakob
Hálfdanar-
son
og listi
yfir þau
ritverk
hans sem
er að finna
á þessu vef
Sumarmótið að Stöng
við Mývatn
24. - 26. júlí 2009
|
Músaðu á myndina til að fá hana stærri - og
svo AFTUR!
Stöng er neðst fyrir miðri mynd!
Niðjar þeirra Petrínar Pétursdóttur
frá Reykjahlíð
og Jakobs Hálfdanarsonar frá Brenniási
koma saman dagana 24. - 26. júlí árið 2009 við Mývatn.
Ættartré: Jakob Jakobsson hefur skráð marga ættingja í ættartré - sem þú getur flett upp í með því að músa hér. Sendu inn leiðréttingar og myndir sem vantar. Venjuleg talning þar skilar upplýsingum um fjölda skráðra niðja Petrínar og Jakobs. Það er raunhæft að gera ráð fyrir um 100 manns á þetta niðjamót.
allir
komi!!
Aðstaðan á Stöng er pöntuð þar.
Þar búa þau Svala Gísladóttir og Ásmundur Kristjánsson.
Það er Svala sem stýrir gestamóttökunni.
Síminn hjá þeim er 464-4252
Fax-númerið er 464-4352
Netfangið er
stongmy@emax.is
Nöfn þátttakenda verða jafnóðum færð inn á þessa vefsíðu svo alltaf er hægt að sjá hverjir eru skráðir - og hverja þarf að hafa samband við.
Þú hefur
samband við þá sem þú nærð til.
Markmið okkar er auðvitað - að allir komi!
á Stöng
=>>
Þar komumst við öll fyrir - ýmist í svefnpokaplássi innanhúss eða í tjöldum og tjaldvögnum. Einnig er unnt að fá uppbúin rúm. Þar er góð aðstaða, unnt að fara í heita potta og sinna eigin matargerð innan húss.
Athugaðu!
Frátekin gistiaðstaða er aðfararnótt laugardags og aðfararnótt sunnudags.
Mætum seinni part föstudags. Við eigum húsnæðið frá hádegi á föstudag fram að hádegi á sunnudeginum.
Hildur
Hálfdanar
hefur samið
við Svölu,
húsmóður
á Stöng.
Tilboðið hljóðar svona - fyrir hátíðina í sumar:
- Viltu kvöldverð á föstudeginum?
Þá er á boðstólum gúllassúpa með kaffi á kr. 1.700. - Gistingin:
>> uppbúið rúm og morgunverður kr. 5.500 pr. dag
>> svefnpokagisting og morgunverður kr. 4.500 pr. dag - Morgunverður af hlaðborði kr. 1.200
- Kvöldverðurinn á laugardeginum kr. 4.000 fyrir þriggja rétta máltíð
Það eru:
12x2ja manna
3 sumarhús með 2x2ja manna herbergjum
1 sumarhús með 2x2ja manna og 1x1 manns herbergjum
Auk þess er eldhúsið sem gestir elda í en þar má líka sofa á dýnum ef enginn vill nota það og auk þess er velkomið að tjalda á túninu eða vera í hjólhýsi eða tjaldvagni eftir því sem óskað er.
föstudagur
24. júlí
Eftir hádegið förum við að safnast saman á Stöng - og stefnum að því að vera komin þangað um kvöldmatarleytið.
Þarna heilsumst við og kynnum nýjustu drög að dagskrá - en hún verður að sjálfsögðu sveigjanleg eins og nú er svo mjög í tísku. Við skoðum myndir úr myndasöfnum okkar frá fyrri mótum.
Jakob Jakobsson verður með ættartalið og skráir
auk þess allar breytingar - börnin og einnig maka og þeirra nærliði.
Þar verður unnt að fá eintök af bók Jakobs Hálfdanarsonar - hún er alveg nauðsynleg
- og er á ættarverðinu - sem er aðeins kr. 500!!
25. júlí
Undir-
búningur!!
Athugaðu!!
Líttu í bókina
hans Jakobs
Eftir morgunverð sitjum við saman á Stöng og ræðum nokkur meginstef í æfi Jakobs en kl. 11 höldum við af stað til Húsavíkur. Við stefnum að því að hittast í Safnahúsinu þar kl. 13:30 en áður þurfa menn að koma við í verslunum bæjarins og kaupa sér matarbita svo og nesti til að leggja með sér í kaffiveislunni sem verður seinna um daginn í Mýrarkoti í boði Sigurbjargar og Guðmundar.
Klukkan 13:30 hittumst við svo í Safnahúsinu og þar tekur á móti okkur Sigurjón Jóhannesson, fyrrum skólastjóri á Húsavík - og einn af uppáhaldsfrændum Hildar - sem hefur fengið hann til liðs við okkur. Hann gengur svo með okkur að Jaðri og sýnir okkur einnig hvar timburverksmiðjan var og hvernig þeir notuðu Botnsána til að létta sér átökin.
Þegar klukkan verður 14:15 eru allir þegar lagðir af stað norður í Mýrarkot. Viðstaða okkar þar tekur sinn tíma en við miðum við að vera öll lögð af stað heim að Stöng þegar klukkan verður 16.
Um kl 17:30 verðum við komin heim á Stöng og búum okkur undir veisluna sem hefst kl. 18.
Jaðar
Meðal þess sem við
skoðum er
gamla kaupfélagshúsið og Jaðar (reist 20. júlí 1883), húsið sem Jakob (borgarabréf
1882) byggði og átti að hálfu á móti Kaupfélaginu. Í það hálfkarað flutti Jakob
í október 1884. Þar ólust upp (Guðrún f.1861 var gift Friðriki Guðmundssyni sem
vann fyrir Jakob - amk stundum,) Jón Ármann (1866), Hálfdan (1873), Herdís
(1875), Jakobína (1877) og Aðalbjörg (1879).
- kl. 18:30 > Matur á borð. Hver ættingi situr hjá ættingja af öðrum ættarlegg. Makar fylgja eða dreifast að vild og börn fylgja foreldrum eins og þörf er á.
- Innlegg og uppákomur að hætti hópsins.
- Myndatökur fara fram milli rétta þar sem setið er við borðið. Að borðhaldinu loknu verða teknar myndir af fjölskyldum og ættargreinum.
- Framhaldið spilast eftir atvikum.
26. júlí
samfylgd
um
sveitina
ýmsar samfylgdir
Ein samfylgd verður að Brettingsstöðum sem er eyðibýli ofarlega í Laxárdal. Með varfærni er þangað fært öllum bílum.
Þaðan verður farið í Reykjahlíð. og í gamla garðinn við kirkjuna eins og við gerðum árið 2004. Þar skiptum við síðan liðinu.
Hver heldur til sinnar áætlunar en sumir fara hjá Arndísarstöðum upp í Fljótsheiðina til Brenniáss - eins og gert var fyrir 5 árum. Þangað er fært háum bílum með drifi á fjórum hjólum. Brennuás er í heiðinni austur af Jarlsstöðum í Bárðardal. Allt fer þó nánar eftir veðri og þeim vegum sem veðrin bjóða á þessum frábæra hásumars-sunnudegi.
Brenniás
Í bók Jakobs segir meðal annars frá veru hans
í Brenniási, á Grímsstöðum og á Brettingsstöðum. Þegar Hálfdán
Jóakimsson féll frá komu Brettingsstaðir í hlut systranna, Herdísar
(1875), Jakobínu (1877) og Aðalbjargar (1879) - og þar eru nú
sumarbústaðir í eigu afkomenda þeirra.
ættarmóts-
söngvana!!
- Ættarmótið - við lag Bellmans um Gamla Nóa
- Niðjasöngurinn - við írska þjóðlagið Wild Rover
seld á
kr. 500
Niðjafélag Jakobs Hálfdanarsonar undirbjó útgáfu þessarar bókar sem kom út hjá Ísafold árið 1982.
Láttu vita ef þú og þínir þurfið eintök.
Mjög mikið efni liggur eftir Jakob í rituðu máli. Niðjar Jakobs hafa unnið að útgáfu þess efnis síðan um 1940. Bókin sem kom út árið 1982 var afrakstur þess starfs. Þá var áætlað að gefa út að minnsta kosti eina aðra bók. Til þess hefur enn ekki komið og undirbúningsstarf undir þá útgáfu hefur enn ekki farið í gang. Á margan hátt er hægt að leggja því máli lið - og láttu vita ef þú hefur hug á því. Það er auðvitað kominn tími til að skoða það mál nánar.
Niðjafélagið hefur reikning: 1135-05-7187 og kennitalan: 220231-2409