GÓP-fréttir

Uppfært
2.10.2002

Kom inn!
Word-97: Gatlisti
Vefskólinn:

Gátlisti fyrir Word-97

Allt þetta geturðu líka unnið heima!

Ath! Allar leiðbeiningar um námið, markmiðalista, námsáætlun og vinnuskrár færðu í Vefskólanum

>> Þessi gátlisti er yfir atriði sem gott er að hafa gát á þegar unnin eru verkefnin í bókinni Word-97 eftir Brynjólf Þorvarðarson.
Hopp í
verkefni:
Internet 1 = Uppsetning netfangs * Internet 2 = Vefskólavefurinn
Viðhengi - hvernig er það sent?
Verkefni 1 * 2 * 3 * 4 * 5 * 6 * 7 * 8 * 9 * 10 * 11 * 12
Vefsíðugerð
Verkefni 13 * 14 * 15 * 16 * 17 * 18
Athugaðu: Þegar þú byrjar á verkefni skaltu fyrst lesa það sem stendur í Gátlistanum! Hann vekur athygli á atriðum sem nemendur lenda oft í erfiðleikum með - og kennslubókin segir ekki ítarlega frá!!
Skýringar:
Hnappaheiti í þessum leiðbeiningum:
  • bendilfærsluhnappar eru hnapparnir sem færa bendilinn: örvahnappar, <Ctrl+örvahnappar>, <Page Up> og <Page Down>
  • <inn>-hnappur = enter-hnappur = Return-hnappur
  • <SS>-hnappur = Stórir Stafir = Shift-hnappur

Músanir í þessum leiðbeiningum:

  • músa á (eitthvað) = færa odd músarbendilsins á (eitthvað) og hneppa vinstri músarhnappnum.
  • hægri-músa á (eitthvað) = færa odd músarbendilsins á (eitthvað) og hneppa hægri músarhnappnum.
Internetið:

i-1:

Netfang



og







i-2:

Vefskólinn

Í upphafi leysirðu tvö verkefni á internetinu.

Þú þarft að sækja þau út á internetið. Músaðu hér á þessa leiðbeiningu þar sem þú lest hvernig þú átt að fara að til að sækja skrár.

Verkefnið Netfang er í tveimur liðum. Í A-liðnum færðu aðstoð við að koma þér upp netfangi án endurgjalds á vefnum visir.is. Þá getur þú sent öðrum póst og aðrir geta sent þér póst. Póstsending á internetinu er nauðsynleg í þessum námi. Í B-liðnum notarðu netfangið þitt til að senda kennaranum tölvupóst með ýmsum upplýsingum.

Ef þú hefur ekki símatengingu heima hjá þér skaltu athuga að hægt er að fá ókeypis innhringi-aðgang hjá mörgum þjónustuaðilum og einnig hjá Búnaðarbanka, Íslandsbanka og Landsbanka. Þá þarftu aðeins að greiða símafyrirtækinu (Landsímanum) fyrir símtalið á meðan þú notar tenginguna.

Verkefnið:
í Word-skjali Vefskóli.doc
í textaskjali Vefskóli.txt
er leiðsögn um Vefskóla-vefinn. Fyrst skaltu skoða þar allar tengingar sem þú finnur - opna þær, renna þeim niður og loka svo aftur - Síðan skaltu fara að skrifa svörin.

Góð vinnuaðferð er þessi:

  • (1) Hægri-músaðu á tenginguna til verkefnisins og láttu það opnast í sérstökum glugga í vefsjánni. Þú getur líka nota Save-kostinn og vistað skjalið á tölvunni þinni. Ef þú vistar þá á A-drifinu þar sem skífan þín (disklingurinn) er þá athugarðu að það heitir í Word 3 1/2 Floppy (A:)
  • (2) Farðu inn á Vefskólavefinn. Ef þú hefur prentara tengdan skaltu prenta hann út. Skoðaðu allar tengingar á Vefskólavefnum.
  • (3) Skoðaðu Leiðarvísinn - markmið og áætlun fyrir þessa önn og ef þú hefur prentara tenndan við tölvuna skaltu prenta hann út.
  • (4) Þú ferð inn á netfangið þitt og opnar nýtt netbréf til að skrifa. Skrifaðu viðtakandann - þ.e. netfang kennarans (netfang GÓP er [email protected]) - og efnið skaltu hafa: verkefni i-2
  • (5) Farðu í gluggann þar sem verkefnið er. Blokkaðu allar spurningarnar og taktu af þeim afrit með því að hneppa Ctrl+C. Farðu svo yfir á textasvæði nýja bréfsins sem þú ert að fara að skrifa og þegar bedillinn tifar þar hneppirðu Ctrl+V til að láta spurningarnar birtast þar. Bættu nú inn í skjalið - á réttum stöðum - svörum við hverri spurningu. Þau svör sem þú manst ekki úr (2) finnurðu með því að kíkja aftur inn á Vefskóla-vefinn. Ef þér vinnst ekki tími til að ljúka verkefninu skaltu vista það og opna það svo aftur þegar þú getur haldið áfram að vinna við það.
  • (6) Fljótlegast er að (a) finna svörin inni á Vefskólavefnum (b) taka af þeim afrit með því að blokka og hneppa Ctrl+C og (c) fara inn á réttan stað í bréfinu og kalla blokkina þar fram með Ctrl+V.
  • (7) Þegar þú hefur lokið við svörin skaltu vista skjalið - með Ctrl+S - til að varðveita það ef eitthvað skyldi mistakast við sendinguna. Síðan skaltu senda bréfið til kennarans.
  • Ef þú notar þá aðferð að svara spurningunum í Word skaltu senda það sem viðhengi
Viðhengi

Hvernig
sendi
ég
viðhengi?

Þegar þú hefur skrifað skjal í WORD og vilt senda það sem viðhengi með pósti ferðu svona að:
  • 1 - Þú hefur lokið við að vista WORD-skjalið. Segjum að það heiti VERKEFNI_X.DOC.
  • 2 - Þú skrifar tölvupóst á venjulegan hátt - en sendir hann ekki strax!!
  • 3 - Finndu Viðhengis-kostinn.
    Á VISIR.IS finnurðu hann efst á bréfaskriftarsíðunni.
    Á enskum póstforritum heitir hann ATTACH.
    Músaðu á hann. Þú hefur auðvitað gleymt hvað skjalið heitir og inni á hvaða möppu það er - en það er allt í lagi því þú færð kost á að leita að því.
    Leitarkosturinn heitir BROWSE.
    * Leitaðu að skjalinu á venjulegan hátt hvort sem það er á skífu í A-drifi, á C-drifinu í tölvunni eða á þínu heimasvæði (sem oft er kallað H-drif) á innra neti í stofnun.
    Þegar þú hefur fundið skjalið músarðu á það til að velja það.
    Í góðum póstforritum er niðri í hægra horni hnappur það sem stendur ATTACH og þú músar á hann - en í flestum forritum stendur bara OPEN á þessum hnappi - rétt eins og þú ætlir að fara að opna þessa skrá - sem þú alls ekki ætlar að gera! En þú músar samt á þennan hnapp.
    * Eftir skamma stund hefur forritið skrifað slóð og nafn skjalsins og spyr þig hvort þetta sé rétt. Þú staðfestir það.
    Slóðin og nafnið fer þá í lista - og spurt er hvort þú viljir sækja annað skjal til viðbótar. Ef þú vilt það þá músarðu aftur á BROWSE og leitar að því.
    * Venjulega finnurðu neðar á síðunni kost eins og OK til að tilkynna að þú hefur lokið við að finna þau skjöl sem eiga að vera viðhengi.
    * Póstforritið opnar þá aftur bréfið sem þú ert að skrifa og þú sérð að þetta skjal er þar skráð sem viðhengi.
  • 4 - Að lokum skrifarðu í bréfið kveðju og nafnið þitt undir og sendir það.
1. verkefni:

Ath!
Senda skal
hvert
verkefni
sem
viðhengi
strax
og því
er lokið!

Ef þig vantar WORD-kennslubókina skaltu hér HÆGRI-músa á verkefni 1 og velja Save-kostinn.

Það er dálítill galli í leiðbeiningunum í bókinni að þér er sagt að prentskoða skjalið eftir að þér hefur verið sagt að vista það og loka því! Geymdu prentskoðunina uns þú hefur skrifað inn vísuna. - Ekki prenta neitt út í þessu verkefni - nema þú viljir hengja það upp á ísskápinn heima hjá þér!

Þegar þú hefur lokið verkefninu sendirðu það sem viðhengi með tölvupósti til kennarans. Athugaðu að ÖLL verkefnin á að senda sem viðhengi í tölvupósti JAFNÓÐUM og þau klárast. Ef eitthvað ryenist athugavert við þau sendir kennarinn þér ábendingu um það og þú lagar það - og sendir það síðan aftur. Þegar kennarinn hefur móttekið verkefnið og er að lokum ánægður með vinnslu þess - þá færð þú fulla einkunn fyrir það.

2. verkefni:
A-liður:
Ef þig vantar WORD-kennslubókina skaltu hér HÆGRI-músa á verkefni 2 og velja Save-kostinn.

Í upphafi skaltu stilla á Arial-letur, hafa stærðina 12 punkta og skáletur.

Þú skalt vista strax og þú hefur skrifað fyrstu tvö orðin! Láttu skjalið heita Verkefni 2 eða bara V02 - og gættu þess að í efstu línu vistunargluggans standi 3½ Floppy A

Alls ekki hneppa <inn>-hnappnum í lok línu!! Skrifaðu frásögnina eins og hún eigi að fara í eina langa línu! Forritið sér sjálft um að raða orðunum í línurnar.

Þrípunktinn færðu með því að halda niðri bæði Ctrl-hnappnum og Alt-hnappnum og þegar þeir eru niðri þá bankarðu á punkt-hnappinn á hnappaborðinu. Æfðu þetta!

C-liður:
Hefurðu vistað aftur? Vistaðu alltaf öðru hvoru til að glata sem minnstu þegar netið dettur niður og tölvan frýs. Þú getur vistað með flýtihneppingunni Ctrl+S.

Tókst þér ekki að jafna línur textans? Gættu að því hvar bendillinn er. Hann á að vera í frásögninni en ekki í fyrirsögninni.

3. verkefni:
A-liður:
Ef þig vantar WORD-kennslubókina skaltu hér HÆGRI-músa á verkefni 3 og velja Save-kostinn.

Hvernig fer bendillinn aftast?? Músaðu á hnappinn sem sýndur er á skýringarmyndinni!

Hvernig er skrifað í miðja síðuna?
Músaðu á hnappinn sem ....... !!

Hvernig læt ég textann jafnast beggja megin? Já, fyrirgefðu - auðvitað veistu þetta ...

B-liður:
Hér sérðu hvaða leturstærð á að nota á hverjum stað.

Athugaðu: í þeim verkefnum sem á eftir fara í þessari bók skaltu ákveða leturstærðir og millibil eftir eigin höfði - ef ekkert er tekið sérstaklega fram í leiðbeiningum.

Hvernig býrðu til strikið í næst-neðstu línunni? Haltu niðri SS-hnappnum og hnepptu strik-hnappnum sem er vinstra megin við BAKK-hnappinn.

4. verkefni:
Þessu verkefni sleppum við í Vefskólanum!
5. verkefni:
A-liður:
Ef þú hefur ekki kennslubók skaltu hér sækja verkefni 5
Byrjaðu á að skrifa fyrirsögnina með venjulegu letri og hneppa inn-hnappnum. Farðu svo upp í fyrirsögnina, blokkaðu hana og breyttu letri og stærð.

Gastu ekki fundið töluna 47 ?? Ekki ég heldur! Skrifaðu bara 47 og hnepptu inn-hnappnum.

C-liður:
Taktu eftir hvernig leturgerðin Small Caps er sett á!

(1) skrifa á venjulegan hátt - EKKI með hástöfum!
(2) Hneppa inn-hnappnum til að búa til nýja, tóma línu.
(3) Blokka einungis orðin sem eiga að verða Small Caps
(4) Velja format / font / Small Caps

Niðurskrift >>
<Ctrl> + <SS> + <Núll sem er við Ö-hnappinn>
Uppskrift >>
<Ctrl> + <Plús-hnappurinn sem er við stóra inn-hnappinn>
F-liður:
Númerin á málsgreinarnar koma með því að músa á númerahnappinn.
G-liður:
Er línubilið allt í einu orðið tvöfalt? Þú hefur óvart hneppt Ctrl-2 og um leið hefur stillingin 6-pt-after týnst.
  • Blokkaðu þá allan textann með Ctrl+A
  • og settu á hann einfalt línubil með Ctrl+1.
  • Hafðu textann áfram blokkaðan og settu aftur á hann 6-pt-after-stillinguna og settu um leið NÚLL í Before-reitinn.
6. verkefni:
Small Caps
Leturgerðina Small Caps seturðu svona á
(1) Skrifaðu alla setninguna.
(2) Blokkaðu þau orð sem eiga að verða Small Caps.
(3) Músaðu á Format og Font og veldu þar Small Caps.
B-liður:
  • Fyrst skaltu stilla dálkhökin (sjá bls. 39)
  • svo skrifarðu línurnar í töflunni!!

Rammana gerirðu eins og segir í D-lið.

Hvernig býr maður til strikið sem er neðst í skjalinu?
(1) Hnepptu SS+bandstrik.
(2) Hafðu strikið hæfilega langt.
(3) Hnepptu svo inn-hnappnum

Ó! Nú kom lína þvert yfir síðuna. Láttu ekki hugfallast, Word heldur að það sé að hjálpa þér. Hnepptu BAKK-hnappnum einu sinni! - A-ha.

7. verkefni:
Athugaðu! Þessu verkefni er sleppt í Vefskólanum !!

Best er að mjókka rammann með því að

  • blokka hann
  • velja format | Paragraph
  • Stilla indentation Left og Right (sem merkir: inndráttur frá vinstri og hægri) með sömu tölu. Þá er jafnt dregið frá báðum spássíum. Prófaðu fyrst að setja 4 á báða staðina og músa á OK. Þú sérð að það er of mikið. Finndu heppilegri tölu.
8. verkefni:
Aðvörun!

Aldrei má jafna með orðabils-slánni !!!

Aldrei má setja punktalínur með punkt-hnappnum !!!

Hvernig á maður þá að fara að?

Fylgdu leiðbeiningunum vandlega! Þær eru betri en sýnist!

A-liður:
Stilltu dálkahökin áður(!!!) en þú byrjar á fyrstu línunni
- og taktu eftir að þú átt að stilla þau aftur áður en þú byrjar á þriðju línunni.
C-liður:
Hvað eru venjuleg dálkahök? Það eru dálkahökin sem þú hefur verið að nota! Í þessu verkefni skaltu
  • (1) skoða myndina af dálkahökunum, hún er neðan við leiðbeininguna.
  • (2) lesa í næstefstu línunni hvar strikahökin eiga að koma (þau heita á enskunni BAR) og
  • (3) fylgja leiðbeiningunni aftast í annarri línu. Þegar öll merkin eru komin inn þarf að breyta þeim sem eru í sætum strikahakanna. Það er gert svona:
  • Músaðu á format / tabs
  • Veldu fyrsta sætið - það er 3,5
  • Merktu við bar
  • Músaðu á Set-hnappinn til þess að setja breytinguna í gildi
  • Veldu næsta sætið - það er 6,5
    og svo framvegis uns þú hefur lokið öllum fjórum strikahökunum.
D-liður:
Málsgreinina, sem hefur strik ofan við sig og neðan, skaltu fyrst skrifa og hliðjafna. Það flýtir fyrir þér ef þú hneppir inn-hnappnum þegar þú hefur lokið við að skrifa hana. Síðan skaltu blokka hana og setja á hana strikin með Format | Borders and Shading

Þegar þú byrjar á töflunni með punktafyllingunni skaltu stilla dálkmerkin fyrir fyrstu línuna. Þar á hins vegar engin punktafylling að koma. Skrifaðu fyrstu línuna og hnepptu inn-hnappnum.

Áður en þú skrifar línu númer tvö skaltu setja punktafyllingu á 5cm-stoppið svona:

  • Músaðu á format / Tabs
  • Veldu 5-cm-stoppið
  • Músaðu á punktafyllingu (Leader) númer 2
  • Músaðu á Set-hnappinn.
E-liður:
Athugaðu! Skoðaðu skýringarmyndina! Um er að ræða tvær tegundir af línum! Í leiðbeiningunum eru þær kallaðar a og b.

Hvernig færðu neðsta strikið? Vill það ekki koma? Þá hefurðu ekki lesið neðstu línuna í leiðbeiningunum!

9. verkefni:
A-liður: Aðeins að skrifa textann upp með réttum stílum. Engin númer!! Engar tilfæringar!! Sjáðu myndina við leiðbeininguna í bókinni.

Vantar stíla??! Þá ferðu svona að:

  • Hafðu bendilinn þar sem nýi stíllinn á að koma
  • Músaðu á Format | Style. Nú opnast valbox um stíla. Í listanum lengst til vinstri er yfirlit yfir stílana. Ef það er aðeins stuttur listi þá eru aðeins sýndir þeir stílar sem eru í notkun - Styles in use - eins og sést í glugganum undir listanum. Veldu þar All styles
  • Í listanum finnurðu nú þann stílinn sem þig vantar. Veldu hann og músaðu á Apply
  • Þegar þú hefur notað stílinn einu sinni birtist hann í venjulega stílalistanum.

B-liður: Hér seturðu númerin á allar fyrirsagnirnar í einu lagi! Gættu þess að setja þau númerin á sem eru við Heading-stílana! Þau eru ekki endilega á sama stað og sýnt er í bókinni!

C-liður:
Fyrst breytirðu Normal-stílnum. Það gerirðu svona:
  • (1) Láttu bendilinn vera í fyrstu línunni í skjalinu sem skrifuð er í normal-stíl. Taktu eftir að það er næstefsta línan í skjalinu!
  • (2) Músaðu á Format og Style og þar skaltu músa á Modify.
  • (3) Músaðu á Format. Nú geturðu valið um nokkra þætti til að breyta. Að þessu sinni viltu breyta uppsetningu málsgreinarinnar og breyta jöfnuninni og inndrætti frá vinstri. Músaðu því á Paragraph.
  • (4) Hér breytirðu Alignment í Justified og Indentation Left í 2
  • (5) Músaðu svo á OK og OK og Apply. Ef allt hefur gengið að óskum færist allur textinn til á síðunni - líka fyrirsagnirnar því að þær eru byggðar á normal-stílnum.

Vill skjalið þitt ekki haga sér eins og það á að gera?
Nauðsynlegt er að hafa stílana í lagi og alveg óbreytta og engar tilfæringar - áður en byrjað er á þessum lið. Ef eitthvað er að eða stílarnir hlýða þér ekki skaltu sækja þessa skrá: verk9ab.doc og vinna svo áfram við hana.

Næst á að breyta Heading 1 - stílnum.
Gerðu það alveg eins:

  • (1) settu bendilinn í fyrstu línuna sem skrifuð er í Heading 1 - stíl
  • (2) og (3)
  • (4) - en líttu í bókina til að sjá hverju á að breyta í Heading 1 - stílnum.

Næst á að breyta Heading 2 - stílnum. Taktu eftir að þar á líka að breyta letrinu svo að það verði ekki skáletur. Þetta gerirðu svona:

Breyttu Paragraph alveg eins (1) - (4) og farðu svo eitt (!!) skref til baka. Þ.e.: músaðu einu sinni á OK.

  • Músaðu aftur á Format og veldu nú Font.
  • Þú sérð að í Font style er valið Bold Italic. Veldu þar aðeins Bold.
  • Hnepptu svo inn-hnappnum uns þú kemur aftur í skjalið. Ef þetta hefur tekist hjá þér þá sérðu að skáletrið er ekki lengur á setningunni - og ekki heldur á númerinu!

Gerðu hinar breytingarnar eins!

10. verkefni:
A-liður og B-liður:

Sæktu skrárnar fiskur.doc og manudir.doc þegar um er beðið. Í skjalinu fiskur.doc áttu að raða málsgreinum í rétta röð en mánuðunum í skjalinu manudir.doc og vistaðu svo skjölin með óbreyttum nöfnum!
Athugaðu að þú getur klippt með Ctrl+X og límt með Ctrl+V

C-liður:
Það er nytsamt að kunna að útbúa skammstafanir sem forritið skrifar fullum stöfum - en þetta virkar líka á Excel sem notað er í sömu tölvu og setur það úr skorðum. Þess vegna sleppum við þessum lið. Ef þú átt tölvu heima skaltu gera liðinn þar til að læra þetta. Æfðu þig með því að útbúa skammstöfun fyrir nafnið þitt - svona:
  1. Skrifaðu nafnið þitt. Hafðu orðabil á eftir því.
    Ég mundi skrifa það sem er milli hornklofanna: [Gísli Ólafur Pétursson ]
  2. Blokkaðu nafnið og orðabilið - en ekki falda málsgreinarmerkið sem á eftir fer. Ef þú blokkar það líka þá fylgir það nafninu og býr alltaf til málsgreinarlok - og það viltu ekki!
  3. Músaðu á Tools | AutoCorrect
  4. Þú sérð að það sem þú blokkaðir er nú komið inn og beðið er um það sem á að verða skammstöfunin þín. Ég mundi láta skammstöfunina mína vera: GÓP
  5. Músaðu á Add og lokaðu svo glugganum.
  6. Prófaðu! Ég mundi færa mig í nýja línu og skrifa GÓP og hneppa svo orðabils-slánni rétt eins og ég væri búinn að skrifa orðið. Þá mundi nafnið mitt birtast með orðabilinu sínu á eftir. Þá get ég haldið áfram og skrifað næsta orð.

Þú hagnýtir þér AutoText á sama hátt. Prófaðu!

D-liður:
Sæktu skjalið Fornar.doc er skjalið sem þú notar í öllum þeim liðum sem eftir eru í þessu verkefni. Vistaðu það alltaf með sama nafni! Allar breytingarnar eiga að vera í þessu sama skjali.

Í þessum D-lið á að læra að nota Find. Síðan notarðu Finna-og-skipta með Find | Replace. Þá skrifarðu í efri línuna orðið sem á að finna en setur í neðri línuna orðið sem koma skal í staðinn. Músar svo á Replace All svo forritið skipti alls staðar í einu.

E-liður:
Hér á að finna undirstrikuð orð og breyta þeim svo að þau verði feitletruð en ekki undirstrikuð. Þetta gerirðu svona:
  • Hnepptu Ctrl+H (eða músaðu á Edit og Replace) til að opna skipti (replace) - gluggann. Ef neðsti hnappurinn hægra megin ber heitið More skaltu músa á hann til að stækka skiptigluggann.
  • Find what - línan. Gættu þess að ekkert sé í henni.
  • Ef orðið Format stendur undir henni skaltu músa á No formatting-hnappinn sem er neðst í glugganum.
  • Nú þarf að segja Word að leita að undirstrikunum. Hér geturðu notað flýtihneppingu en annars gerirðu þetta með því að músa á Format-hnappinn neðst í glugganum. Nú opnast listi - og þú skalt velja Font.
  • Músaðu á hvítu línuna undir orðinu Underline og veldu Single og síðan OK. Þú sérð að Font-glugginn lokast og þú hefur fengið orðin Format: Underline undir hvítu Find What -línuna.
  • Replace with - línan. Nú þarf að segja Word hvað á að koma í staðinn. Músaðu á hvítu Replace with -línuna - og hreinsaðu hana.
  • Nú stendur orðið Format undir henni. Ef eitthvað stendur aftan við það orð þá skaltu músa á No formatting-hnappinn sem er neðst í glugganum - til að hreinsa það burt.
  • Þú vilt segja Word að setja í staðinn feitletrun og enga undirstrikun. Músaðu aftur á Format-hnappinn og veldu Font. Í þeim glugga skaltu aftur músa á hvítu línuna undir orðinu Underline og velja nú none.
  • Í Font style skaltu músa á Bold. Farðu svo úr Font-glugganum með því að músa á OK. Þú sérð að neðan við hvítu Replace with - línuna er komin lýsing á því sem Word skal gera.
  • Músaðu nú á Replace All.

Nota flýtihneppingu
Viltu setja inn undirstrikun? Hnepptu Ctrl+u
Viltu setja inn undirstrikun af? Hnepptu aftur Ctrl+u
Viltu taka burt allt um undirstrikun? Hnepptu í þriðja sinn Ctrl+u

Á sama hátt notarðu Ctrl+b við feitletrun og Ctrl+i við skáletrun

F-liður a):
Fylgdu leiðbeiningunum - en athugaðu að nota No Formatting-hnappinn til að fjarlægja format-ið sem er neðan við hvítu Find what-línuna og hvítu Replace with-línuna. Annars leitar Word að undirstrikuðu Tab-merki og það er ekki til í skjalinu. Þá gerist ekkert! Ekki heldur í F-lið b) !!
G-liður:
Gættu að þér! Lestu leiðbeiningarnar - en láttu ekki duga að gera það sem svartletrað er!!. Ekki merkja í Picture Placeholders! Af hverju ekki?

a)-liður: Varúð! Þegar þú hefur lokið við að teikna listaverkið þitt í Paintbrush-gluggann skaltu músa í skjalið utan við hann. Þá lokast Paintbrush-forritið.
(Ef þú ferð eftir leiðbeiningu bókarinnar lokarðu Word-forritinu!)

11. verkefni:
A-liður:
Þú býrð til nýja töflu með því að músa á Table og Insert Table. Athugaðu að hreyfa ekki stillingarnar á reglustikunni! Ef þú vilt breyta dálkbreidd skaltu inni í töflunni taka með músinni í þá dálk-línu sem þú vilt færa - og færa hana til.

Á bls. 94 er þér sagt að velja Colorful 2 en taflan á síðu 95 er af gerðinni Colorful 3. Veldu þá gerð. Ef þú hefur þegar valið Colorful 2 geturðu breytt valinu með því að vera í töflunni og músa á Table og Table Autoformat.

C-liður:
Farðu eftir leiðbeiningunum!
Taktu eftir að áður en þú byrjar á þessari töflu skaltu í Format / Paragraph stilla á 6 pkt after.

Taktu eftir að línurnar í töflunni eru 5 (í eldri útgáfu bókarinnar eru þær raunar 6). Ekki hafa þær færri og ekki hafa þær fleiri en bókin sýnir!

12. verkefni:
Þessu verkefni er sleppt í Vefskólanum!

Geturðu aðeins komið einum bókstaf í línuna í töflureitinum? Þá hefurðu víxlað breidd dálkanna og breidd bilsins milli dálkanna. Þar sem ekkert er enn komið í töfluna hjá þér er einfaldast að henda henni (blokka hana og hneppa Del) og búa hana aftur til.

Athugaðu neðstu töfluna! Framleiðslukostnaður hverfistinguls
í henni eru þrír dálkar og 16 línur !
Aldrei hneppa <inn>-hnappnum í töflunni!

Vefsíðugerð
í Word
Í þessu verkefni er þér leiðbeint um að búa til þína eigin vefsíðu. Þú þarft að velja leiðbeiningar eftir því hvaða Word-útgáfu þú notar. Hér eru leiðbeiningar
fyrir Word-97
fyrir Word-2000
Seinna viltu auðvitað setja vefsíðuna út á netið. Þá þarftu að hafa þína eigin tengingu við þjónustuaðila (Ísmennt, Landsímann, Centrum, Mmedia, Islandia - eða einhvern annan). Ef þú ert byrjandi í þessu efni geturðu litið hér
>> á leiðbeiningu um fyrstu skrefin.
13. verkefni:

Sæktu
skrána
Vetni.doc

Fyrst skaltu taka inn skrána sem heitir Vetni.doc .

Gættu þess að í hverjum staflið verkefnisins (A, B, .. , F) er að finna leiðbeiningar um það sem þar skal framkvæma. Framkvæmdu aðgerðirnar í þeirri röð sem leiðbeint er um þær. Breyttu fyrst stílunum í A-lið osfrv.

B-liður: Athugaðu að þegar leitað er að tveimur línu-merkjum (línu-merkja-pari) og eitt sett í staðinn - finnur Word að síðustu aðeins eitt par sem það þykist eyða - en aldrei verður minna eftir en EITT par.

Þegar þú setur númerin á Heading-stílana skaltu gæta þess að þú ert að velja númer á Heading-stíla!

Viðbót!

  • Láttu Normal-stílinn hafa 6pt after. Þannig verður textinn ekki eins þéttur og þar með þægilegri aflestrar. Jafnframt tekur hann heldur meira rúm. Hann kemst ekki með góðu móti fyrir á 4 síðum. Leyfðu honum að vera á 5 síðum.
  • Şú hefur - í hausnum - afmarkağ síğuna efst meğ láréttu striki. Notağu líka lárétt strik şegar şú bırğ fótinn til. Hentugt er ağ nota Format | Borders er til að setja strik yfir línuna sem geymir blaðsíðutalið í fætinum.
14. verkefni:
Fyrst skaltu taka inn skrána sem heitir Geology.doc. Þrjár myndaskrár fylgja þessu verkefni. Sæktu þær á sama stað og afritaðu þær yfir á skífuna þína. Þær heita Meginl.bmp og Plotur.bmp og Sneid.bmp.

A-liður: Betrumbættu útlit normal-stílsins með því að láta fyrstu línu hverrar málsgreinar hefjast 0,5 sm innar og hafðu einnig 6 pt after - eins og í verkefni 13.

B-liður: Athugaðu að það er ekki víst að þriðji kosturinn sé sá rétti!! Þú þarft að velja kost sem setur númerun af gerðinni 1, 1.1, 1.1.1 osfrv á Heading 1 og Heading 2 og Heading 3.
Það flýtir fyrir þér ef þú snöggvast músar á Customize og gerir H-liðinn áður en þú músar á OK. Ef þú athugaðir þetta ekki og músaðir strax á OK geturðu hætt við með Ctrl-Z og gert þetta aftur.

Ef þú færð númer á óvænta staði skaltu setja bendilinn við númerið - eða blokka það - og setja normal-stíl á. Þá hverfur númerið.

D-liður: Athugaðu: Sæktu hér Word-skjal sem fylgir Vefskóla-staðli fyrir forsíður.
Láttu þína forsíðu fylgja sama staðli nema þú notir annan sem að þínu mati er betri:

Vefskóla-staðallinn fyrir forsíður á ritgerðum er svona:

  • Nafn höfundar efst til vinstri með arial-14pt.
  • Námsáfangi í næstu línu til vinstri með arial-12pt.
  • Heiti ritgerðarinnar miðjað 10 sm neðan við efstu brún pappírs með stóru arial-letri eða öðru letri sem sker sig úr til dæmis algerian-40pt.
  • Ef þú hefur mynd á forsíðunni getur fyrirsögnin þurft að koma ofar.
  • Nafn kennarans hægri jafnað 24 sm frá efri brún með arial-12pt.
  • Nafn skóla og dagsetning hægri jafnað í næstu línu fyrir neðan með arial-12pt.

Hugmynd að notkun Vefskóla-staðalsins á þessa forsíðu:

  • Í staðinn fyrir Nafn höfundar komi Brynjólfur Þorvarðarson:
  • Í staðinn fyrir Námsáfangi komi Word97-bókin fyrir Windows
  • Heiti ritgerðarinnar er Plötuskriðskenningin
  • Undirheitið komi í næstu línu miðjað: - með og móti
  • Í staðinn fyrir Nafn kennarans komi Umbrot og uppsetning í ritvinnslunámi:
  • Síðast komi Nafn skólans þíns, dagsetningin í dag og nafn þitt.
    T.d: Vefskólinn - 11. mars 2000 - Sveinfríður Sólbjört

F-liður: Vill síðasta fyrirsögnin ekki fá númerið SJÖ ?? Það er vegna þess að fyrirsögnin Heimildir er Heading 2 en á að vera Heading 1. Breyttu því!

I-liður: Header and footer. Hafðu fótinn aðeins öðruvísi! Fremst skaltu skrifa: Umbrot og uppsetning - og setja þar dagsetninguna í dag. Hnepptu svo TAB-hnappnum tvisvar til að komast í hægri-jöfnunina lengst til hægri og skrifaðu þar nafnið þitt. Hafðu svo strik yfir línunni.

Hér geturðu laumast til að skoða 14. verkefnið fullfrágengið!

15. verkefni:
Hér er leiðbeint um að útbúa svonefnt template en það er í raun eyðublað sem þú getur mótað fyrirfram að eigin vild. Leiðbeiningar bókarinnar eru góðar í þessu nytsama verkefni.
16. verkefni:
D-liður: Gættu þess að vista samsteypubréfs-formið áður en þú steypir saman.
Kallaðu það Samst_01
Þá er hægt að nota það aftur og aftur.
Þá getur kennarinn líka prófað hvort samsteypan þín virkar!
Það er hins vegar engin þörf á að vista bréfin sem samsteypan sjálf býr til. Það tekur bara upp pláss á geymsludiskinum. Það má nefnilega alltaf steypa saman aftur!
17. verkefni:
Þetta er einfalt - en mjög nytsamt verkefni. Það kennir aðferð til að skrifa sama bréfið til margra viðtakenda þar sem í hverju bréfi eru persónuleg atriði þess viðtaka sem á að fá það í hendur. Þetta er til dæmis oft notað þegar send eru út bréf til að kynna vörur, þjónustu - eða frambjóðendur í kosningum.
18. verkefni:
Fjölvar eru nytsamir. Það er næsta furðulegt að þetta einfalda bragð - sem Word kann svo vel að útbúa - skuli ekki æft fyrr en í þessu síðasta verkefni bókarinnar!! Í fyrstu gerir maður sér varla grein fyrir að þetta sé neitt sérstakt - en við notkun opnast fyrir manni hversu afar nytsamir fjölvar eru.

Efst í þennan gátlista * Forsíða