GÓP - Vefskólinn: Verkefni I-2 - Kanna Vefskóla-vefinn * TEXTAFORM

Vefskóla-vefinn finnurðu á http://www.simnet.is/gop/vefskolinn - og einnig má fara inn á GOP-frettir.com og 
músa þar á Vefskólinn sem er í lista hægra megin á skjánum.

A.	Skoðaðu vísanirnar á Vefskólanum. Músaðu á þær eina af annarri til að kynnast því sem vísað er til. 

Hefurðu skoðað þær allar. Þá skaltu halda áfram!

B.	Finndu upplýsingarnar um tölvunámið. Skoðaðu skjalið sem heitir Leiðarvísir, markmið og áætlanir 
fyrir þessa önn. Ef þú hefur ekki þegar prentað það út á prentarann þá skaltu gera það núna! 
Þennan leiðarvísi skaltu ætíð hafa innan seilingar þegar þú vinnur að námsverkefnum í áfanganum.. 
Skoðaðu skjalið sem heitir Gátlisti með Word-kennslubókinni og prentaðu hann út ef þú ekki hefur 
þegar gert það. Þennan gátlista skaltu ætíð hafa við höndina þegar þú vinnur verkefni í Word-hluta þessa 
námsáfanga. Í honum er bæði leiðbeint um gerð verkefnanna í Word-bókinni og einnig um gerð internet-
verkefnanna.

C. - Nú skaltu fara inn á póst-síðuna þína - þar sem þú hefur póstfang á netinu - og skrifa kennaranum bréf. Í 
það seturðu svörin við spurningum verkefnisins. Byrjaðu á að skrifa nafn viðtakandans í efstu línuna og 
efnið í subject-línuna – þar á að standa: verkefni I-2. Síðan ferðu niður í stóra ritrýmið og skrifar. Fyrst 
seturðu nafnið þitt og svörin svo þar fyrir neðan. Fljótlegast er að finna svörin inni á Vefskólanum, 
blokka þau og taka af þeim afrit (Ctrl+C), fara síðan inn í bréfið sem þú ert að skrifa og setja afrit þangað 
inn (Ctrl+V). Ef þú getur ekki lokið við svörin í einni lotu skaltu vista það og geyma þannig þangað til 
þú getur haldið áfram. 

1 -	Hefurðu lokið við að skoða allar tengingarnar? Það skaltu gera áður en þú byrjar að svara! 
Síðan svararðu spurningunum: Hvernig skiptist áfanginn í þrjá hluta?
2 -	Hvað eru verkefnaskil? og hvenær eru fyrstu verkefnaskil? Hversu mörgum verkefnum er skilað í 
fyrstu verkefnaskilum?
3 -	Hversu góð þarf mætingin að vera í áfanganum? Hvers vegna?
4 -	Getur maður skilað verkefnum eftir að haustprófin eru byrjuð?
5 -	Hvað er Gátlisti og hvernig notar maður hann? 
6 -	Hvert sækir maður þær skrár sem nota þarf í æfingunum?
7 -	Getur maður unnið öll verkefnin og skilað þeim í einu lagi í lok annarinnar?
8 -	Hvað þarf til að ná áfanganum með lágmarkseinkunn?
9 -	Ef maður telur sig kunna Word eða Excel vill maður vita hvort maður kann allt sem krafist er? Hvar 
finnur maður lista yfir þekkingar- og færnikröfur í Word og í Excel? Hvar á Vefskólan-vefnum finnur 
maður leiðbeiningar um notkun Word og Excel?
10 -	Hvað er það á Vefskólavefnum sem nemendur nota til að koma á framfæri athugasemdum við kennslu 
og kennsluefni án þess að nafn sendanda komi fram?
11 -	Hvað heitir skjalið sem geymir svör við þeim spurningum sem upp kunna að koma um áfangann? 
Hvað gerir maður ef maður finnur þar samt ekki svar við því sem maður vill vita?
12 -	Á Vefskólavefnum eru leiðbeiningar um fyrstu skrefin við koma sér upp vefsíðu.. Tilgreindu nánar um 
hvað þar er verið að leiðbeina?
13 -	Á Vefskólavefnum er að finna efni og leiðbeiningar fyrir þá sem þurfa að annast tölvur og sjá um að 
þær gangi. Átt þú tölvu? Hver er umsjónarmaður hennar? Geta leiðbeiningarnar gagnast þér? 
14 -	Fannstu nytsamar eða/og forvitnilegar upplýsingar? Hverjar? 
15 -	Ef þú sérð einhverja ágalla á því sem þú finnur á Vefskóla-vefnum eða hefur hugmyndir um 
viðbótarefni sem þar ætti að vera – þá vinsamlegast bættu í bréfið umsögn um það.  
16 -	Hefurðu prentað út Leiðarvísinn og Word-gátlistann? Hefurðu merkt þér kennslubókina þína og 
skífuna? Hefurðu fengið þér hlífðarhylki utan um skífuna? Mundu að óvarin skífa er alltaf í hættu! 
Ágæt og ókeypis lágmarks-vörn er fólgin í því að hafa skífuna innan í samanbrotinni pappírsörk. 

Nú skaltu senda bréfið. 

Uppfært 23.08.2000		Útprentað: 23.8.2001