Skýringar Sigurjóns á merkingunum eru þessar: Rissmynd af Hófsvaði á Tungnaá. Botninn stórgrýttur hraunhellubotn, sjá leið nr. 19 á miðhálendisteikningunni. (Sú teikning er í blaðinu Ferðum 1958 - en ekki komin inn á þennan vef - innskot GÓP) Áll nr. 1 er óverulegur. Nr. 2 stórgrýttur, nokkuð djúpur en straumlítill. Nr. 3 er dýpsti állinn og erfiðastur yfirferðar. Einna dýpstur, grýttastur og straumharðastur hjá X. Þrætt er hraunbrot. A er djúpur pyttur með sæmilega sléttu og gljáandi vatnsyfirborði. B er sandbleyta í skjóli hólmans. Dýpkar snöggt framan við brotið. Nr. 4 er stórgrýttur en þó til muna betri yfirferðar heldur en nr. 3. Dýpið er mest við norðurlandið. Nr. 5 er óverulegur.

Myndatexti Sigurjóns með þessari mynd: Bifreið á leið suður yfir Tungnaá á Hófsvaði. - Ljósm. S. Rist. Bifreiðin er stödd í ál nr. 3, sjá X á teikningunni. Myndasmiður var staddur í hólmanum þar sem á teikningunni stendur mynd tekin. - Áin fremur vatnslítil. Hófur - Syðsta Vatnaalda ----- Austur-bjallar.

Efst á þessa síðu